شوفي حبيبتي انا من شهرين والدة بقيصيري بصراحة احسها احسن
لاني مااحب احد يكشف عليا وكنت بهدلت دكتورتي في اخر الحمل علي الكشف
وبعدين دكتوري الحمدلله نطفلي كل الرحم صح تاني يوم حسيت بالالم بس بعدين الحمدلله
والجرح بسيط مايخرب شكل البطن وهدا رائي

كل محد هيسالنى عن الولاده
هقوله يخربيت البنج النصفى وهو يفهم الباقى بقى اناا اتبهدددددددددددددددددددددددددددددددلت الحمد لله فى القيصريه

يا جماعة الطبيعة طبعا الأفضل وجع ساعة ولا كل ساعة . هي ساعة واقل تعب بس بعدكدهكل شئ بيرجع لطبيعته والقيصري بهدلة وتعب وجرح وفتح بطن وتشوهات وكرش بعد الولادة ... ولا انتوا ايه رايكم ؟

كل طبيعي احسن وافضل يعني الطبيعي احسن من القيصري بس كل واحدة هي ونصيبو وكلو بأجرو

موضوع جميل يا ام مؤمن
فعلا انا كنت محتاره ومش عارفه انهو اسهل وافضل وكويس انك طرحتي الموضوع عشان نستفيد من خبرات اللي ولدو قبل كده وربن يقوم كل حامل بالسلامه ويرزق كل اللي نفسهم الذريه الصالحه الفالحه
رينا ملاك ربنا يجعل حملك وولادتك في ميزان حسناتك ويعوضك خير يارب واتاكدي ان كل شئ بقدر الله محدش يعرف الخير والاحسن فين

كتبت بواسطة Um talal

اتكلم عن نفسي.. اول ولد عملت قيصرية لأني دخلت الشهر العاشر
ولم يوجد بوادر ولادة ولا الم حتى... اقترحت الطبيبة اعطائي طلق صناعي
فأصريت على القيصرية لاني اخشى الالام واخشى ان لا احتمل ذلك لوقت طويل..
بعد العملية تبين ان الحبل السري قصير ولا يمكن للطفل النزول بالولادة الطبيعية
كما ان القليل من الماء بدأ بالدخول الى الرئة..
كل هذا ولا علامة ولادة واحدة حتى..
الولادة الثانية ان ربنا عيشنا ايضا قيصرية .. لم اتأثر بالعملية
الاولى ومكان الجرح لا يظهر تماما ..
لا يوجد غرز بل بطريقة تسمى الكبس (الالصاق).
وكلها عليها اجر اختي من الله تعالى فلكل حالة الامها..
بل العملية الامها تمتد اكثر من الطبيعيه
الامها بعد العملية شديدة قليلا.. وتستمر عدة ايام ..فكله بأجره.

اختي اذا كان الوضع لا يسمح الا بالقيصريه فده أمر مفيهوش نقاش انا اقصد اذا كان الوضع طبيعي وانت بأردتك تختاري القيصريه وربنا يعينك ويؤجرك ان شاء الله

كتبت بواسطة annabbah

ما في احسن من الطبيعه كفايه انه من ربج

ربنا يقومنا جميعا بالسلامة يااااااااارب

كتبت بواسطة mahyeg

بصى يا اختى انا لسه والدة الاسبوع اللى فات قيصرى
ولدت ليلة راس السنة و ماتعبتش فى الولادة كنت متبنجة
لكن اتبهدلت بعدها فى الجرح تعبنى خاااااااااااااااااااااالص
و مش بعرف اتحرك لحد دلوقتى طبيعى مفيش احسن من الطبيعى
و سيبك من الناس ده واحدة قبل كده قالت لى
نار الطبيعى و لا جنة القيصرى و الحمد لله على كل شئ

الف مبروك والحمد لله علي السلامة انا عندي بنت خالتي وخالتي ولدوا من فترة قريبه قيصري والصراحه لما شفتهم تعبانين خوفت جدااااااا وربنا يسهل علينا جميعا

كتبت بواسطة ~lulu~

انا بالنسبه لي افضل الطبيعي

لان مااعرف شنو احسن من شنو كل وحده لها عوارها ولها اللام مختلفه عن الثانيه وبطريقه اخرى

بس المشكله بكثرت العمليات القيصريه انه تحددلج عن المواليد الي المفروض تجيبينهم
يعني ماتكثرين عن 4 او 5 اطفال وانه تسبب التصاقات بالانابيب والرحام

طبعا مو للكل

الله يرزقج الولاده السهله يارب ويهون عليج

فعلا انا أمي قالت لي نفس الكلام انها بتحدد عدد الولادات ومرسيه ربنا يخليكي علي الدعوة

كتبت بواسطة ريناملاك

بصراحة موضوع شيق يا ام مؤمن
انا عن نفسى ولدت قيصرية لكن مش بمزاجى طبعا دة كان امر الدكاترة بعد امر الله طبعا
و السبب انعدام السائل و كانو خايفيين على البيبى و مع كدة اليبى اتوفى قبل ما اشوفة
تقييمى للعملية القيصرية انها ليها عدة مزايا
1- مافيش كشف نساء محرج زى الولادة الطبيعية
2- مافيش بهدلة و الناس تتفرج عالواحدة اللى رايحة تولد
3- مافيش طلق
4- مريحة و امنة جداااااا للبيبى عن الولادة الطبيعية و دى اهم ميزة
5- لو عندك الحوض ضيق هى مثالية لك لانها توفر عناء الطلق اللى عالفاضى ( انا لى واحدة قريبتى بعد ما عانت من الطلق يومين ولدت قيصرية لان الحوض عنها ضيق شوية)

و لها عيوب كمان
1- الم بعد الولادة بيستمر اسبوع مش فى البطن بس كمان فى الكتف و الم الكتف بيكون اقوى هو اللى كان بيخلينى اخد المسكن مش الم العملية
2- الكرش بعيد عنكم انا رفيعة و بطنى قبل الحمل كانت لازقة فى ظهرى بعد الولادة تخنت بسيط اوى لكن بقى عندى كرش محترم
3- مع تكرار العملية مكان الجرح هيبوظ شكل البطن خالص ( انا الجرح عندى مش باين خالص بس اختى ولدت 3 مرات قيصرى "منهم مرة عالفاضى بردو زيى" بطنها باظت خالص من الكرش و شكل الجرح )
4-ممكن تحتاجى تقعدى فى المستشفى فترة اطول انا عن نفسى خرجت فى نفس اليوم باليل بس دة لانى كانت معنوياتى مرتفعة جدا ماكنتش اعرف ان ابنى اتوفى

طبعا عيوبها اكتر من مزاياها لكن لو انت مجبرة عليها هتعملى اية؟
متطرة تقبليها و تعرفى بردة انك بترتاحى من حاجات و تستحملى حاجات
و للامانة القيصرية مش مؤلمة اوى زى ما كنت متخيلة انا كنت فاكرة انى هقعد اسبوع مش هقدر اقوم من مكانى لانى ضعيفة لكن الحمدلله هى طلعت اسهل مما كنت متصورة بكتير

لكن بصراحة اللى تكون واثقة ان مافيش مايمنع من الولادة الطبيعية و تولد قيصرى تبقى غلطانة و حرام عليها دة يبقى اسمة تبطر

و فى كل الاحوال اللى اهم من نوع الولادة هو البيبى اللى بنكون مستنينة على نار صحيح انا ربنا ماكرمنيش باللحظة دى بعد عناء ال9 شهور و الم القيصرية لكن ربنا يعوضنى و يعوض الجميع مهما كانت نوع الولادة

أنتي طبعا كانت لك ظروفك وفعلا الاثنين لهم مميزات وعيوب لكن الطبيعيه أخف عيوبا من القيصريه وربنا يعوضك يارب ويفرح قلبك ان شاء الله