السلام عليكم ورحمة الله وبركاته
اخواتي الحوامل
ام زياد جمعت الحوامل الي بشهورهن الاولى
وانا راح بجمع الي بالشهور الوسطى بدي اتعرف على حوامل هذه الشهور اول حمل لها ولا لا متى الولادة ولد ولا بنت كيف حياتها ببيتها يعني حبة دردشة حتى نطمئن بعض والي تروح الدكتور تحكينا ايش قالها
انا الشهربمنتصف الشهر السادس
ارجو ما تزعلي مني ام زياد

السلام عليكم ورحمة الله وبركاته
اختي ساما سجليني اول الحضور عندك
عندي صبي واحد عمرو سنة و 8 اشهر و هادا تاني حمل إلي
ما بعرف ازا معي صبي او بنت خليها لما اولد انا بشوف بعيني

ماعندي اي مشاكل الحمدلله غير وجع الضهر و النوم الكتيررررررررررررر
و الاكل الكتير هههههههههههه

هي لمحة عل السريع و ان شالله برجع بعدين

يارب تقومي بالف سلامة
انا تقريبا مثلك عندي بنت اسمها سما وعمرها 2 وهذا ثاني حمل
وطبعا نفس مشاكل الظهر والنووووووووووووووم هههههههههههههههههههههه
لدرجة انو الرجل طفش هههههههههههههههه
بس الي مخوفني شوي انو بدا ينزل على موية شوية وما بعرف ايش الاسباب لان الدكتور قالي بدا الموية تقل
لكن الحمد لله اشعر بضرب الجنين الي ما ينيمني وهذا مطمئني شوية
طمنينا عليكي لما تروحي الدكتور والله معنا
بس غريبة مافي حد بالشهور هذه الا انا وانت؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هلا ساما

الله يخليك سما و يحميها

ليش المي عندك عم تنزل شو السبب و ان شالله ما في خطورة طمنيني

بالنسبة لحركة البيبي انا حاسة انو زايدة هل الشهر كتير ما شاء الله على طول تلبيط ههههههههههههههه
انا ان شالله موعد ولادتي ب 6 ديسمبر و انتي ايمتا موعدك

ما بعرف ليش خايفة من البيبي الجديد و خايفة تكون المسؤولية كبيرة عليي خاصة انو في طفل تاني رح يغار و بتعرفي البيبي الجديد اول شهر لازم تضلي معو على طول
بعين الله


و انا متلك مستغربة ليش ما في اخوات عم يشاركونا
اكيد قلة المروة بحر الصيف

لا تغيبي كتير ضلي طمنيني عنك و احكيلي شو بتعملي كل يوم

سلام

السلام عليكم اختي ليندا انا كدالك عندي موعد الولادة 6ديسمبر الحمد لله الحمل طبيعي عندي ولد اسمو محمد يسين سنو سنة ونصف ورحت لدكتور لمعرفة الجنس فقالي انو عندي طفل كمان بس انا مسرورة كتير الحمد لله لاني عانيت مدة خمسة سنين عقم الحمد لله بتمتع بصحة وبحس بضربات البيبي مابيخليني انام من بعد صلاة الفجر هههههههههه اتمنى اننا نسمع عن بعض اخبار حلوة ونفرح بدرية صالحة وصورة كاملة انشاء الله ردي على الموضوع متاخر لاني جديدة بالمنتدى اتمنى اكون صديقة لكم اخواتي في الله

هلا فيكي اختي ليندا اتمنى تكوني بخير
انا بعد قلقانة كتير من المسئولية خصوصا ان اهلي مو معي الله يقوينا
عندي سما تقريبا عندها احساس انو في بيبي لانها علطول تضربني ببطني وليها كام شهر ما تنام الا على بطني هههههههههههههههه الغيرة بدات
وما بعرف سبب لنزول المي عندي والدكتور قالي من المجهود مع اني اصلا ما بقوم من السرير ههههههههههههههه والبيت ما شاء الله ما ينشاف
بصراحة بدات احس بثقل في جسمي عموما و ما بعرف اتنفس اظاهر انو البيبي نايم على الرئتين هههههههههههه
طمنينا عنك ليندا واحيلنا عن يومياتك واش اسم طفلك الاول وايش الاسم الي اخترتيه للبيبي

اهلين فيكي ام يس كلمينا عنك اكثر وعن ابنك يس ايش انطباعه حاسس بحملك او لا وكمان ايش الاسم الي بدك تسميه لمولودك وهل عرفتي نوعه انا للحين ما بعرف متى موعد الولادة بس نهاية التاسع في 12 ديسمبر
الله يقومك بالسلامة

السلام عليكم ورحمة الله وبركاته
اختي ام ياسين يا ميت هلا و مرحبا فيكي
الله يخليك ياسين و ان شالله بتجيبيلو اخ متل القمر يلعبو مع بعض و يجننوكي
صراحة احلى شي بالحمل حركة البيبي كل ما اتحرك كتير بفرح و بحط ايدي او بنام و بصير شوف يطني كيف عم يتحرك يمين و شمال ههههههههههههه

اتمنى تضلي تشاركي معنا بالموضوع و اكيد رح تكوني اخت و صديقة غالية علينا


انا و انتي نفس موعد الولادة ان شالله بس اصحا تعمليها و تخلفي قبلي هههههههههه
استنيني
انا بحملي السابق ولدت بنفس اليوم يلي حسبلي ياه الدكتور و ان شالله هل المرة نفس الشي



اختي ساما انتي احكي لبنتك انو في بيبي صغير جوا بطنك و بس يجي رح يلعبو مع بعض و انك رح تخليها تحملو و تبوسو سدقيني بتفهم عليكي

انا ابني على طول بقلو تعال بوس بطني في بيبي صغير نايم جوا بيحبك كتير
و الحمدلله على طول بيحط ايدو على بطني و بيقلي بيبي بيبي و بيبوسني
بس ان شالله ما يتغير الوضع بس ولد

انا كمان ما فيني اتنفس منيح ما بعرف ليش سبحان الله على طول بحس صدري ضايق



اسم ابني جبريل
و ان شالله ازا جاتني بنت رح سميها شام (على اسم الشام )او ناديا
و ازا صبي ادم او زكريا او يوسف الله اعلم لشوف جوزي على شو بيستقر



يا بنات كم مرة بتاكلو باليوم هههههههههههههههه
لاني ما بعرف شو صايرلي سبحان الله صحن رايح و صحن جاي من المطبخ

السلام عليكم
انا كمان ان شالله معكم
بالاسبوع 21 و حامل بتوأم الحمدلله و هاد اول حمل ربنا يتمملي و للجميع على خير
انا عندي عكس مشكلة الاخت سما و هي انه المي حوالين البيبيات زايدة، و جسمي مجمع مي كتييير واللي بشوفني بحكي اني بالتاسع
الله يهون عليكم و علينا ان شالله

أنا في الخامس زي مو واضح في توقيعي
عندي بنوتين مشيبين شعر راسي
والقادم الله اعلم لسه ما تأكدت

بنتي الصغيرة عمرها سنتين واليومين دي نفسيتها تعبانه ومهي طايقتني وطول الوقت بتلطشني

الكبيرة 4 سنوات وجدا متحمسة ونفسها في ولد


طبعا باخد الكالسيوم والحديد وكتبتلي الدكتورة أمس على دوفلاك لأن عندي أمساك الله يكرمكم
ودهان للظهر لأن ظهري قتلني من الألم

مساء النور اخواتي انا عندي نفس اليوم مع الاخت لندا 6دسمبر وفي الولادة الاولى اعطاني الدكتور 4.3 وولدت في نفس اليوم بالنسبة لابني يسين انتو عارفين سن السنة والنصف بيكون صعب شوي وبيكون عايز يكتشف كل شيء انا عندي معاه مشكل اخواتي انو لما بكون مرتاحة على ضهري بيجي وبيطلع فوق بطني ويضربني بيقولي مومو يعني بيبي لما بصرخ عليه بيبوسو وبيقولي مومو لانو لسة مبيتكلمش انا عرفت انو عندي ولد تاني والله اعلم وجد مسرورة لاني عانيت خمس سنين من العقم فلي اعطاني الله فرحانة بيه الحمد لله بطلب الله يعطينا الصورة الكاملة والدلرية الصالحة لكم ولجميع المسلمين وانا كتير فرحانة اني وجدت اخوات متلكم لاني غريبة وبعيدة عن اهلي اتمنى انكم تكونو بخير والسلام