السلام عليكم ورحمة الله وبركاته
وحشتونى .. أنا غبت كتير عن المنتدى فى الفترة الأخيرة دى بسبب الحمل .. ومتوقعة فترة غياب أكبر بسبب الولادة وإللى أانا شفته فى أربع أيام بس من بعد الولادة
أدخلكم فى الموضوع على طول .. مشكلتى هى
إن ده أول طفل ليا وطبعا لألنى معنديش تجربة سابقة فى الرضاعة فلسة حلمة الثدى عندى متكونتش .. وطبعا طفلى بيعانى جدا لما بيحاول يرضع منى وبتكون النتيجة حاجة من الإتنين يا إما يرضع بس نقطتين وبعدين ينام من التعب والمجهود إللى بذله يا إما يبكى وميحاولش خااالص لأنه عارف إنه مش هينجز .. وبيكون جعان ياعينى وملهوف بس مش عارف والمنظر ده بقى بيعملى إكتئاب وبيخلنى أبكى أحيانا
فبضطر أستخدم الشفاط وأاحطله اللبن فى الببرونة وكمان بساعد مع اللبن بأعشاب فى الببرونة برده .. بس بيقولولى إن الببرونة غلط دلوقتى لأنه هيتعود عليها ومش هيرضع منى
بس أنا مش عارفة أعمل إيه أنا عيزاه يكون شبعان .. ساعات بحاول معاه إنه يرضع منى بس فى وقت مش بيكون جعان يعنى تسالى كدة دى الحالة الوحيدة إللى مش بيبكى فيها
فأانا عيزاكم تفيدونى الله يكرمكم فى الموضوع ده بكل إللى تعرفوه .. ولو تعرفوا أاى طريقة تساعد على تكوين حلمة الثدى بسرعة إنجدونى بيها
لألن المشكلة دى بقت هى مشكلة حياتى دلوقتى .. ومضيعة منى فرحتى بيه
فياريت تقولولى إنتوا كنتوا بتعملوا إيه مع أول طفل .. وياريت بسرعة الله يكرمكم
الروابط المفضلة