حبيبتى ربنا يقومك بالسلامه

بس انا برضه الدكتورة قالتلى كده ان المشى ماله علاقه بالولاده

بس هو لتنشيط جسمك كرياضه لان طبعا المراه بتكون حركاتها قليله فى الحمل

فالمشى هذا قبل الولاده نوع من انواع الرياضه

فانصحك امشى علشان بس جسمك وعضلاتك

وربنا يقومك بالسلامه وتجيبلنا نونو قمر

انا الدكتورة كانت دايم تقولي بمجرد ماتدخلي التاسع امشي يوميا ربع ساعه الى نصف ساعه من دون ماتتعبي نفسك لأنه وحده من زميلاتي من كثر مامشيت في التاسع فوق المعقول نزلت مويات الجنين بدري واضطروا يعملوا لها قيصريه

الله يهون عليك وعلي الولاده وعلى كل حامل ياااااااااارب

السلام عليكم ورحمة الله وبركاته
المشى أثناء الشهر الأخيرمن الحمل مهم للأم ولتقوية عضلات الرحم وتمرينها .. وفعلا هو يعتبر رياضة للأم أكثر من تسهيل الولادة
أنا دكتور أطفال حديثى الولادة .. بس دى مجرد معلومة صغيرة فى تخصص آخر
وأتمنى ولادة سهلة لكل نساء المنتدى ولزوجتى إن شاء الله

جزاكم الله كل خير يا أخواتى وأسعدكم الله وأراح بالكم
بصراحة أنا اليومين دول بقيت بمشى كل يوم غصب عنى لأن زوجى بحكم شغله دكتور دايما خارج وأحيانا لمدد طويلة فبقيت تقريبا بخرج كل يوم أقعد عند أمى لحد ما يخلص شغله .. بس هحاول إن شاء الله أتعود إنى أقعد لوحدى علشان متعبش نفسى من كتر الخروج كل يوم
أنا ردى كان متاخر عليكم .. بس والله بسبب عدم إستقرارى فى البيت .. النهاردة بس قررت إنى أقعد فى البيت وهو خارج من الساعة 6ونص ومعاد رجوعه إن شاء الله الساعة 11ونص .. علشان كدة لاقيت وقت أرد عليكم .. بس أنا متابعة ردودكم على طول .... وجزاكم الله كل خير

أنا أمبارح كنت عند الدكتوره ونصحتنى
بالمشى الكتير وشرب القرفه وأكل البلح

لم تحسين بتعب والآلآم في الظهر امشي حتخف الآلآم

كتبت بواسطة buenachica

السلام عليكم ورحمة الله وبركاته

أخواتى الغاليات ... أخباركم إييييييييييييييييه ؟؟؟ وحشتونى .

ندخل فى الموضوع

أنا حامل الحمد لله ودلوقتى بفضل الله فى بداية الشهر الثامن .. فكنت عند الدكتورة بتاعتى من أسبوعين وسألتها :

إمتى أبدأ أمشى كتير علشان خاطر سهولة الولادة ؟؟؟ ( زى ما أنا بسمع طوووول عمرى من الحوامل )

لاقيتها بتقولى : المشى ولا بيعمل أى حاجة للحامل بالنسبة لتسهيل الولادة .. لما يجى اليوم إللى هتولدى فيه إن شاء الله هشوف إن كنت هطلب منك تمشى شوية ولا لأ .

بصراحة إستغربت جداااا .. لأنى كان أملى فى الله ثم فى إنى أمشى كتير قبل الولادة علشان ربنا يسهلهالى زى ما كل البنات بتقول

فأنا بصراحة تقريبا فاقدة الثقة فى إجابة الدكتورة وبقول يمكن تكون دى وجهة نظر خاصة بيها هى وأسلوب خاص بيها .. بس أنا عاوزة أفهم منكم بقى كل إللى تعرفوه عن موضوع المشى ده .. ومستنية ردودكم وعارفة إنكم إن شاء الله هتفيدونى
وجزاكم الله كل خير

اسمعي حبيبتي انا كل اللي اعرفه انهالمشي مش مسهل للولادة هو بس بيساعد على انه حجم الجنين يكون معقول اي يخفف من الزيادة وانتفاخ الجنين والدليل على ذالك انه لي صديقة من يوم ما تم الحمل كانت بتمشي كثير ولمسافة طويلة ومع ذالك ولدت قيصري.

كتبت بواسطة مروه سيف

أنا أمبارح كنت عند الدكتوره ونصحتنى
بالمشى الكتير وشرب القرفه وأكل البلح

المشي اكيد مفيد واكل البلح بس شرب القرفة لا انصحك به.

الله يسهل عليك يارب وتطمنينا بولاده سهله يا رب اظن الأخوات افادوك وافادونا

اختي بعد تجربه شخصيه والدكتوره قالتلي برده ان المشي مش ضروري بنسبه 100%
وبعدين كل واحده بتختلف عن التانيه والمشي علي قد متقدري مش ترهقي نفسك وممكن الدكتوره شايفه ان حجم الحوض بتاعك كويس للولاده الطبيعي ماهو عل قد علمي ان المشي علشان الرحم ينزل وربنا يعينك وتقومي بالف سلامه.