السلام عليكم
انا رجعت لكم مرة تانية ومعايا ابني عمر
كان ميعاد ولادتي 25\8 روحت للدكتور يوم الثلاثاء 21\8 عشان اطمئن علي البيبي واتفق مع الدكتور علي الولادة وكانت المفاجئة البيبي لسة منزلش في الحوض والمفروض اني هولد بعد 4 ايام ومخبيش عليكم انا ساعتها كانت نفسيتي زي الزفت وكل شوية اعيط من غير سبب ومكنتش بعرف اخد نفسي ولا انام وكانت ضلوعي وجعاني وكان نفسي اولد واخلص
وبعدين الدكتور قاللي اني ممكن اتعدي التاريخ واننا هنستني لما البيبي ينزل الحوض براحته ويجي الطلق وابقي اتصل بيه فسألته علي حقنة الظهر وكان في ناس كتير خوفوني منها بصراحة الموضوع ده زود قلقي وخوفي من الولادة فقررت اني اولد قيصري لان كمان الدكتور قاللي اني لازم اكون هادية ونفسيتي مرتاحة عشان اولد طبيعي وانا مكنتش كدة خالص اكييييييد هتقولوا اني بتدلع ههههههه
المهم اتفقت مع جوزي اني خلااااص عايزة اولد قيصري وقولنا للدكتور وفي لحظتها قاللي خلاص تولدي بكرة وكانت....
يوم الاربعاء 22\8 الساعة 6:30 صباحا كنت في المستشفي
ودخلت غرفة العمليات الساعة7:30 بمجرد اني اخدت حقنة البنج محستش بالدنيا الا وانا بفوق علي الم شديييييييييييد في بطني وكنت بصرخ من شدة الالم وجاء زوجي ليخبرني اني ولدت وجابولي البيبي اشوفه واخدته في حضني وخرجت من المستشفي تاني يوم
والالم اللي في بطني لا يزال ده غير الام في كتفي وضلوعي ومكنتش بتروح الا بحقنة فولتارين
والحمد لله عدت الايام وزالت الالام ورجعت لكم تاني
وعقبال كل واحدة مستنية البيبي بتاعها واللي بتتمني انها تحمل ربنا يكرمها
الروابط المفضلة