مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل




للبحث في شبكة لكِ النسائية:
الصفحة 1 من 10 12345 ... الأخيرالأخير
عرض النتائج 1 الى 10 من 94

نجاح الحقن المجهري بعد فشل 8 محاولات ঔღঔ تجربة متميزة ঔღঔ

(الحمل والولادة و الرضاعة - منتدى لكِ)
السلام عليكم ورحمة الله وبركاته قصة حياتي لوجة الله تعالى انا هدخل في الموضوع علطول في بنات كتييير من ملف الحقن المجهري يعرفوني بس انا ...
  1. #1
    rasha tarek's صورة
    rasha tarek غير متواجد النجم البرونزي
    تاريخ التسجيل
    Nov 2006
    الموقع
    في قلب زوجي
    الردود
    963
    الجنس
    امرأة

    المواضيع المتميزة نجاح الحقن المجهري بعد فشل 8 محاولات ঔღঔ تجربة متميزة ঔღঔ


    السلام عليكم ورحمة الله وبركاته

    قصة حياتي لوجة الله تعالى

    انا هدخل في الموضوع علطول في بنات كتييير من ملف الحقن المجهري يعرفوني بس انا بقالي فترة كبيرة مش بدخل خالص بسبب اني نفسيتي كانت تعبانه جدا ومكنتش عايزة ابقي مصدر تشائم لأي حاله مشابهه ليا ففضلت البعد بس كنت بطمن علي كل واحده فيكو من حين الي أخر

    المهم انا هحكلكو قصتي من البداية علشان اللي ميعرفنيش كويس وعلشان ابقي مصدر تفائل وأمل لناس كتييير اوي فشلت معاهم عمليه الحقن المجهري اكتر من مرة .

    انا متزوجة من حوالي اربع سنين واعاني من الاندومتريوزس وزوجي عنده ضعف في العدد والحركة يعني من اخر ملناش غير الحقن المجهري الا اذا اراد ربي شيئا.

    المحاولة الأولي ( مركز فارس )
    المهم اول عمليه حقن مجهري كانت في يناير 2008 وكان التبويض ممتاز ورجعت 4 اجنة من الدرجة الأولي وكان الدكتور متفائل جدا لأن كل شئ كان مبشر بالخير ، لكن ربي لم يرد لي الحمل والحمد لله

    المحالة الثانية
    ثاني محاولي كانت أجنة مجمده في مايو 2008 ، لكن الأجنة لم تكن جيده بعد فك التجميد ولا اعرف السبب الي الآن ، المهم لم يحدث الحمل والحمد لله

    فقررت ساعتها اني لن اكرر العملية مرة اخري الا بعد ما اعالج الأندومتريوزس ( أكياس الشوكولاته) أولا ، وبعد استشارة اكثر من طبيب قرروا استئصال الأكياس بعمليه جراحية طبعا كنت متردده جدا بس توكلت علي الله وعملتها عند د. عثمان اللي في المعادي ، علشان لو في اي حد بيتابع معاه أحب اقولكم بلاش بلاش بلاش بلاش ارجوكم تروحولو خالص ، طلع دكتور مادي جدا ولا يهمة الا الماده وخلاص ، ولكن ما حدث حدث وحمد الله علي كل شئ

    وبعدها لم يعطيني اي حقن لوقف الدورة حتى يمنع رجوع الأكياس مرة اخري ولكن تركني هكذا وبعدها بست شهور عندما ذهبت الي المركز لعمل عملية حقن مجهري مرة اخري اكتشفت رجوع الأكياس وكأني لم افعل اي عمله ولا شئ ، طبعا كنت هتجنن بس قلت خلاص اللي ربنا رايده هيكون

    المحاولة الثالثة (يناير 2009 )
    التنشيط اصبح سئ للغاية سبب العملية والمبيض بقت استجابته ضعيفة جدا ، والدكتور قرر انه يترك الأجنة لليوم الخامس ليتأكد انها تعيش بعد اليوم الثالث ويزيد فرصة النجاح ، وفعلا رجعت الأجنة في اليوم الخامس وكنت متفائلة جدا ، لكن هرمون الحمل كان موجود ولكن نزل في خلال 3 ايام بعد التحليل الحمل والموضوع خلص والحمد لله

    المحاولة الرابعة ( مايو 2009 )
    التنشيط ازداد سوء والأجنة كانت سيئة جدا جدا لدرجة اني رجعت جنين واحد فقط ومن الدرجة الثانية ، وطبعا لم تنجح العملية والحمد لله

    فقررت ساعتها اني اذهب الي مركز جنين لأني سمعت من بنات كتيير انه كويس اوي وبيكتشف سبب فشل المحاولات ، هوا فعلا مركز ممتاز والدكتور متفتح ومطلع علي كل ما هو جديد وانا كنت مرتاحة معاهم جدا جدا جدا ولكن الرزق من عند الله رب العالمين ليس بالدكتور مهما وصل علمه .

    فقام الدكتور بشفت الدم من الأكياس عن طريق المنظار الرحمي واعطاني 3 حقن زولادكس لمدة ثلاث شهور لمنع التبويض والدورة من النزول ثم بدأنا في محاولة الحقن المجهري بعدها

    المحاولة الخامسة ( اكتوبر 2009 )
    كنت في المحاول دي سعيدة جدا بالملف بتاع مركز جنين بتاع دينا ( أم كرمة)
    المهم ان التنشيط كان بشكل مختلف تماما عن المركز الأول والتبويض الحمد لله اتحسن كتييير بس طبعا مش زي ما قبل العملية بس احسن من أخر مرتين ، ولكن برده لم يتم الحمل والحمد لله

    المحاولة السادسة ( يناير 2010 )
    هذه المحاولة الدكتور غيري التنشيط مرة اخري وفعلا وصلت لترجيع الأجنة في اليوم الخامس وكان الدكتور مبسوط اوي انا تفائلت ، ولكن لم يرد الله ان يتم الحمل والحمد لله بالرغم من ان كل العوامل كانت توحي الخير

    المحاولة السابعة ( مارس 2010 )
    الدكتور قالي مش عايزين نأجل كتيير علشان الأكياس مترجعش تاني ورجعت في اليوم الخامس مرة اخري وايضا لم يرد ربي ان يحدث حمل والحمد لله
    ولكن في هذه المحاولة كان هناك اجنة مجمده فقررت ارجعاها لعل وعسى يكون لي نصيب فيها

    المحاولة الثامنة ( مايو 2010 )
    كانت هذه المحاولة من اسهل المحاولات علشان مجمد وكانو برده في اليوم الخامس علي فكرة لأن د حسام لا يحب التجميد الا اذا وصلت الأجنة الي اليوم الخامس ولكن لم يحدث حمل ايضا والحمد لله


    هناااااا كنت استنفزت كل ما املك من طاقة وقررت عدم عمل اي محاولات اخري خصوصا اني عملت كذا محاولة ورا بعض بدون اي راحة فكنت نفسيا وجسديا وماديا استنفزت تماما فوق ما تتصورو ، واعتقدت ان ربي كتب علي عدم الحمل والخلفة استغفر الله العظيم

    المهم بدات اشغل نفسي بحاجات تانية غير الحمل واشتركت في حقط قرآن ودروس دينية و قدر الله لي ان اذهب لأداء فريضة الحج والحمد لله وكانت من اروع الحاجات اللي عملتها وبشكر ربنا عليها جدا جدا

    وبعد رجوعي من الحج كنت في حاله نفسيه عاليه جدا ولم افكر ايضا في اي عمليات ولا كنت اريد اي شئ غير ارضاء ربي وكنت سعيده بهذه الحاله والحمد لله الذي هداني لهذا وما كنا لنهتدي لولا ان هداني الله .

    وبعد 3 شهور من رجوعي لقيت جوزي بيقولي انه عايز يعمل محاولة جديدة في الوقت اللي انا اريده واكون مستعده نفسيا لهذا ، طبعا انا اتخديت في الأول من فتح هذا الموضوع وارتبكت وبدأت اتوتر وبعدين جوزي قالي انا مش عايز اخرجك من الحاله الكويسة اللي انتي فيها ولكن وقت ما تحسي انك مستعده قوليلي .
    طبعا كنت بدأت افكر ولكن بخوف بفكر لمحاولة ارضاء زوجي وانا عارفة انه نفسه في طفل جدا جدا فعملت استخارة كتييير علي اني اعمل العملية تاني ولكن في يوم قررت اني حتى لو هعمل العملية مش عايزة اعملها عن حد عملتها عنده قبل كدة بالرغم ان مركز جنين ممتاز ومريح ولكن لم اكن اريد الذهاب الي هناك انا لغاية دلوقتي مش عارفة ازاي القرار ده انا اخدته ، لأن جوزي مقتنع بدكتور حسام جدا ومكنش مقتنع بتغييرة لأن التبويض معاه بيكون كويس جدا ، ولكن انا حسيت انها الاستخارة اني نفرت من مركز جنين بالرغم اني لغاية هذه اللحطة لم اري تطور في اي مركز مثله .

    فكنت في حيرة في اختيار اذهب لمين ، فقررت الذهاب الي د اسماعيل ابو الفتوح وافتكرت كذا واحده من اللي كانو معانا في الملف الحقن عمله عنده وكان بيشكرو فيه برده من دقدوقة واوشي اللي انا فكراهم
    المهم عملت استخارة عليه اكتر من مرة وكل ده وانا بتملكني الخوف والقلق طبعا لأني لا اريد اي شئ يعكر عليا صفو الجو اللي انا عايشة فيه بعد الحج .

    فذهبنا في فبراير 2011 وقرر الدكتور اني ابدأ من يوم اللي ذهبت فيه ، طبعا اتخديت وحسيت اني هبدأ خلاص انا كنت فاكرة اني لسة فترة وبعدين نبدأ زي ما بيحصل مع د حسام ، ولكن ما حدث اني بدأت فورا ، فقال لي زوجي هذا نتيجة الاستخارة فتوكلت علي الله وبدأت وكانت الأيام تمر بسرعة ولا احس بيها ولا افكر في شئ كل التعلق بالله سبحانه وتعالي

    وبعد عملية السحب كان التبويض معقول ولكن لقيتهم بيكلموني تاني يوم من السحب بيقولولي تعالي بكرة علشان ترجيع الأجنة !!!!!!!!
    طبعا استغربت انا كدة هعمل الترجيع في اليوم الثاني يعني محصلتش حتى اليوم الثالث فطبعا حسيت ان الأجنة مش كويسة فتوكلت علي الله وقلت انا عملت كل حاجة اقدر عليها وقبل كده رجعت في افضل الأيام وهو اليوم الخامس ولم يحدث شئ فربما الله كان يريد ان يعلمني ان العلم مهما تتطور فعلم الله أعلي وأعلم

    فذهبت وانا في حاله عادية جدا يوم الترجيع لا اردد غير الاستغفار وادعو الله ، وتعبت جدا في الترجيع بسبب ضيق عنق الرحم عندي وكانت الأسطره مش عايزة تدخل وده كان بيحصل مع د حسام علشان كدة كنت باخد بنج في الترجيع مع حسام بس المرة دي نسيت خالص اقول لدكتور اسماعيل علي الموضوع ده وقلت عايزة اشوف الأجنة وهيا بتدخل ، المهم تألمت ألم فظيع لا يوصف ولكن كنت استغفر وادعو استغفر وادعو ان ربنا يهون عليا .

    وفضلت نايمة في المركز حوالي ساعة ونص وبعدها روحت وكانت بالصدفة في اليوم ده العيله عند زوجي متجمعين علشان عيد الأم واحنا في بيت عيله ومينفعش اني منزلش ، روحت ريحت ساعتين كدة وبعدين نزلت براحة وفضلت قاعده مش بعمل حاجة بس كل اللي كان مقلقني نزول السلم وبعدين بعدها بيومين نزلت برده وهكذا يعني المدة كلها مش نايمة ولا مش بتحرك لأ اول ثلاث ايام فقط مريحة ومش بعمل حاجة خالص ويعدين بدأت اتحرك عادي واطبخ علي خفيف وبنزل السلم براحة سلمة سلمة بس بنزل وبقعد مع الناس عادي .

    كنت متوكله علي الله فعلا وحسيت من جوايا ان لو ربنا رايد شئ هيكون اكيد مش السلم او اني اقف خمس دقائق اعمل حاجة هيأثر عليا .
    وعدت فترة الاسبوعين بسرعة جدا ولأول مرة محسش بالفترة دي لأني كنت عامله برنامج ماشية عليه من قراءة القرآن وسورة البقرة والرقية والأذكار والاستغفار ، كنت حاسة اني مش عايزة اعمل التحليل وافضل كدة كانت فترة سعيدة جدا بالنسبالي ومتعبتش فيها خالص من التفكير والقلق اللي دايما كان عندي في الفترة دي
    المهم جه يوم التحليل ودعيت ربي كتيير انه يرزقني الصبر عند القضاء ويقنعني بما رزقني والاستغفار طبعا .

    دخل عليا جوزي وهوا ماسك النتيجة في ايده ومش بيتكلم طبعا انا حسيت ساعتها ان خلاص ربنا مش رايد فقلتله ايه النتيجة ، لقيته بيقولي قدر الله وما شاء فعل ،فأول حاجة قلتهالو طب الحمد لله، وبيديني التحليل ببص فيه فلقيت بوزتيف ساعتها مكنتش فاهمة فببصلو لقيته بيدمع وانا بقولو يعني ايه الكلام ده ، هوا ده بتاعي ولا ايه وطبعا وانا ببكي ومش مصدقة وبقوله ليه بتقولي قدر الله وما شاء فعل ،بيقولي لأنه فعلا قدر الله وما شاء الله مش لازم تتقال بس في الحاجة الوحشة ، طبعا كان بيحاول يشوفني متماسكة ولا لأ مع انه مش واقته خالص الهزار ده
    طبعا اعدت اعيد وابكي في نفس الوقت وابص علي التحليل وعلي اسمي واتأكد انه بتاعي مش متلخبتين ولا حاجة وسجدت شكرا لله تعالي علي نعمة عليا

    ولغاية دلوقتي انا مش مصدقة بس انا كان عندي ثقة كبيرة في الله وكنت متوكله علي الله في كل حاجة حتى لما كان بيحصل حاجة مش متوقعة مكنتش بزعل اوي وبقول لو ربنا رايد هيكون انا مش فارق معايا اي حاجة

    الحمد لله كما ينبغي لجلال وجهك وعظيم سلطانك
    الحمد لله كما ينبغي لجلال وجهك وعظيم سلطانك
    الحمد لله كما ينبغي لجلال وجهك وعظيم سلطانك
    الحمد لله كما ينبغي لجلال وجهك وعظيم سلطانك
    الحمد لله كما ينبغي لجلال وجهك وعظيم سلطانك

    انا لسة في الأول خالص طبعا ولسة ولا سمعت نبض ولا حاجة فقلت اكتب قصتي علشان ابث التفائل في قلوب كل واحده فيكو وان ربنا ان شاء الله شايل لكل واحده فينا رزقها في اليوم المناسب ليها ،

    وعايزة من كل واحده تقري قصتي تدعيلي بثبات حملي وانه يكمل علي خير ويرزقني ربنا الذرية الصالحة يا رب العالمين .




    آخر مرة عدل بواسطة ام مرمر و ليلو : 11-04-2011 في 12:42 PM السبب: اضافة شعار


  2. #2
    ام مرمر و ليلو's صورة
    ام مرمر و ليلو غير متواجد كبار الشخصيات
    تاريخ التسجيل
    Oct 2007
    الموقع
    بعيدة عن حضن اهلي الدافي الله يحميهم ويخليهم لي
    الردود
    20,387
    الجنس
    امرأة
    التدوينات
    1
    التكريم
    • (القاب)
      • متميزة ركن الأمومة والطفولة
      • بحر العطاء في ركن الكروشية
      • باحثة متميزة
      • أبرار
      • محررة بمجلة انا ورحلة الامومة
      • سيدة مبدعة
      • متألقة صيف 1432هـ
      • زهرة ربيعية
      • نبض وعطاء الشتاء
      • درة صيفنا إبداع 1431هـ
      • أميرة المقبلات
      • لؤلؤة شتوية نادرة
      • متألقة ركن الحاسوب
      • فراشة ركن التصاميم
      • همسة متميزة
    (أوسمة)
    الحمد لله الذي رزقك الحمل
    اسئل الله ان يتمم حملك على خير ويقر عينك برؤية جنينك وهو باتم صحة وعافية
    قصتك حلوة ومؤثرة
    وتبعث الامل للاخوات
    اسئل الله ان يرزقك كل منتظرة قريباً


    يَا نَارُ كُونِي بَرْداً وَسَلاماً عَلَى عراقي الحبيب

    كنوز من الحسنات
    اللهم اغفر للمؤمنين والمؤمنات الأحياء منهم والأموات
    سبحان الله وبحمده سبحان الله العظيم
    قراءة ما تيسر من القرآن, قول الحمد لله
    لا حول ولا قوة الابالله
    لا إله إلا الله وحده لا شريك له 10 مرة
    اللهم صلى على محمد وعلى آل محمد كما صليت على إبراهيم وعلى آل
    إبراهيم ..
    ستبقى محبتكم بالقلب ما حييت

  3. #3
    zina3's صورة
    zina3 غير متواجد عضو نشيط
    تاريخ التسجيل
    Jan 2011
    الموقع
    fi 9alb zawji
    الردود
    326
    الجنس
    امرأة

    استغفر الله الذي لااله الا هو واتوب اليه


  4. #4
    nevee's صورة
    nevee غير متواجد عضو نشيط
    تاريخ التسجيل
    Oct 2008
    الردود
    469
    الجنس
    أنثى
    اللهم لك الحمد كما ينبغي لجلال وجهك وعظيم سلطانك
    الف مبرووووووووك يا حبيبه قلبي والله احلى خبر سمعته
    وانا فكراكى على طول
    ودايما بدعيلك لانى عارفه اد ايه انتى تعبتى ربنا يارب يكملك على خير وتسمعى احلى نبض وتشوفيهم بين ايديكى اجمل توأم في الدنيا يعوضك عن كل اللي فات يارب
    وعقبالنا كلنا ياااااااااااارب

    "رَبّ إِنِّي لِمَا أَنْزَلْت إِلَيَّ مِنْ خَيْر فَقِير"

    رب لا تذرني فردا و انت خير الوارثين



  5. #5
    soshy's صورة
    soshy غير متواجد النجم الفضي
    تاريخ التسجيل
    Oct 2008
    الردود
    1,620
    الجنس
    امرأة
    رشا الف مبروك وربنا يتملك على خير قصتك اجت بوقتها لاني بفترة الانتظار ومتكله على رب العاامين وقصتك لحد ما تشبه قصتي بس انا دي المحاوله ال6 بجنينين درجه 2و3 وبارك الله في بنات الملف اللي لدعولي وبشجعوني
    بجدبارك الله فيكي ويتمملك على خير
    ومتشكره على قصتك

    اللهم أنت ربي لا أله ألا أنت خلقتني وأنا عبدك وأنا علي عهدك ووعدك ما أستطعت أعوذ بك من شر ما صنعت أبوء لك بنعمتك علي وأبوء بذنبي فأغفر لي فأنه لا يغفر الذنوب ألا أنت

  6. #6
    soshy's صورة
    soshy غير متواجد النجم الفضي
    تاريخ التسجيل
    Oct 2008
    الردود
    1,620
    الجنس
    امرأة
    تعقيب كتبت بواسطة nevee عرض الرد
    اللهم لك الحمد كما ينبغي لجلال وجهك وعظيم سلطانك
    الف مبرووووووووك يا حبيبه قلبي والله احلى خبر سمعته
    وانا فكراكى على طول
    ودايما بدعيلك لانى عارفه اد ايه انتى تعبتى ربنا يارب يكملك على خير وتسمعى احلى نبض وتشوفيهم بين ايديكى اجمل توأم في الدنيا يعوضك عن كل اللي فات يارب
    وعقبالنا كلنا ياااااااااااارب
    نيفي انت فين وايه اخبارك
    كنت كتير فعاله ونشيطه بالملف وين اختفيتي

    اللهم أنت ربي لا أله ألا أنت خلقتني وأنا عبدك وأنا علي عهدك ووعدك ما أستطعت أعوذ بك من شر ما صنعت أبوء لك بنعمتك علي وأبوء بذنبي فأغفر لي فأنه لا يغفر الذنوب ألا أنت

  7. #7
    ورد الزيزفون's صورة
    ورد الزيزفون غير متواجد محررة في مجلة الامل
    تاريخ التسجيل
    Jan 2009
    الموقع
    مغتربة في هذه الدنيا
    الردود
    5,814
    الجنس
    امرأة
    التكريم
    (أوسمة)
    الله يثبت حملك ع خير يارب ويرزقك من ه الحمل بالحمل الثابت والسليم عاجلا غير آجلا يارب ويبعد عنك كل شر

    يارب الله يرزقك بالذريه الصالحه عاجلا غير آجلا يارب


    بسم الله ارقي جنيني من كل ما يؤذيه من شر كل نفس وعين حاسد
    اللهم صلي وسلم على نبينا محمد صلى الله عليه وسلم


  8. #8
    مريدا's صورة
    مريدا غير متواجد النجم الفضي
    تاريخ التسجيل
    Jan 2008
    الموقع
    القدس
    الردود
    1,226
    الجنس
    أنثى
    الحمد لله كما ينبغي لجلال وجهك وعظيم سلطانك
    ربنا يتمملك على خير يا رب
    وما يضيعلك تعب وان شاء الله بعد 9 شهور بتشوفي احلى تؤم
    مشكوره على طرح قصتك ستفيد جميع المنتظرات


  9. #9
    still_here's صورة
    still_here غير متواجد النجم الفضي
    تاريخ التسجيل
    Mar 2007
    الموقع
    إنتظااااااار الفرج....عباده
    الردود
    3,765
    الجنس
    أنثى
    يا قلبي يا رشا أنا أول ما قريت العنوان بجد طرت أنا بجد مبسوووووووووطه أوي...تعرفي أنا دايما كنت بدعيلك وفاكراكي حتي من فتره بعتلك رساله مش عارفه شوفتيها ولا لأ....ألف ألف مبروووووووووووووووووووك يارب يكمل حملك علي خير ويرزقك بالذريه اللي تفرح قلبك يارب ...

    قال عليه الصلاة والسلام : " إن العبد إذا سبقت له من الله منـزلة لم يبلغها بعمله ، ابتلاه الله في جسده أو في ماله أو في ولده ، ثم صبّره على ذلك ، حتى يبلغه المنـزلة التي سبقت له من الله تعالى "

    ياااااااااااااااااااااااااااااااااااااارب

    عوضني عنهم برحمتك واجعلهم شفعاء لنا يوم القيامه



  10. #10
    nevee's صورة
    nevee غير متواجد عضو نشيط
    تاريخ التسجيل
    Oct 2008
    الردود
    469
    الجنس
    أنثى
    تعقيب كتبت بواسطة soshy عرض الرد
    نيفي انت فين وايه اخبارك
    كنت كتير فعاله ونشيطه بالملف وين اختفيتي
    ازيك يا قمر انا بخير الحمد لله بس بدخل من فترة لفترة

    يارب يا سوشي المرة الجايه ادخل الاقيكى كاتبه موضوع زي دة

    ربنا يجبر خاطرك يارب وميضيعش تعبك ولا تعبنا اللهم آمين

    "رَبّ إِنِّي لِمَا أَنْزَلْت إِلَيَّ مِنْ خَيْر فَقِير"

    رب لا تذرني فردا و انت خير الوارثين



مواضيع مشابهه

  1. الردود: 4
    اخر موضوع: 09-10-2009, 12:38 AM
  2. الردود: 4
    اخر موضوع: 31-08-2009, 12:48 AM
  3. الردود: 3
    اخر موضوع: 19-08-2009, 09:55 PM
  4. الردود: 0
    اخر موضوع: 16-08-2009, 01:19 AM
  5. الردود: 0
    اخر موضوع: 13-08-2009, 02:07 AM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97