اللى حملت بشهر6 تعالوا نحكى مع بعض لغايه الولاده

**marwa81** · 09-07-2009, 05:19 PM

السلام عليكم ورحمه الله وبركاته
ازيكم ياحلوين وحشتونى كتير حبيت افرحكم بخبرحلو وهو انى والحمدلله رب العالمين حامل عقبالكم يارب .
حبيت اعمل الموضوع ده نرغى فيه انا والحوامل معايا فى نفس الشهر يعنى نقول لبعضنا موعد الولاده ان شاء المولى والاعراض اللى ظهرت على كل واحده ونلاقى حلول مع بعض ونهون على بعض لغايه الولاده بأذن الله انا هابتتدى
بسم الله الرحمن الرحيم
اخر دوره :25_5_2009
عملت تحليل دم يوم: 22_6_2009 وطلع موجب بس حبيت احكيلكم اللى حصل معايا فى اليوم ده انا روحت انا ووالدتى قبلها والدتى قعدت تقولى اصبرى اسبوع
واعملى تحليل عشان يبان قولتلها حاضر وبعدين واحنا قعدين قومت لبست وقولتلها
انا حسه انى حامل احساس جالى من عندالله عز وجل تعالى ياماما ننزل قالتلى يله ماقولتش لجوزى عشان لو ماطلعتش حامل هيقولى انتى عجوله وووو
المهم روحت واخدوا منى عينه دم وقعدت انتظرت النتيجه طبعا كنت خايفه موتت
كأنى فى امتحان والله المهم سبت امى قاعده وقولتلها هنزل اشترى فطاير لابنى فارس عقبال مالنتيجه تتطلع وبعدين نزلت واشتريت الفطاير وخوفت اطلع لامى فقعدت على البحر تحت معمل التحليل قعدت ادعى ان الله لايخجلنى واطلع حامل
وقعدت فتلره لقيتها طالت وانا منتظره امى لاشوف نظره عينها وهافهم عليها.
المهم امى اتأخرت كتير حسيت مره واحده جالى مغص جامد وبطنى اتقلبت ومش قادره جريت على المعمل لقيت امى لسه قاعده منتظره ادتتلها الفطاير حتى كان فيه فطيره باللبن واللبن انكب على هدومى كلها وعلى الارض وتركت امى وججريت على الحمام اعزكم الله وبعدين طلعت روحت جريت اقف على السلم اراقب الجو من بعيد والله كنت زى الاطفال اللى خايفين من شىءلقيت امى قربت من الكاشير وبعدين اخدت النتيجه وانا قلبى بينبض ادورت ليه ولقيتها جايه عليه وبتتضحك قولت يكون ايه
لقيتها بتقولى مبروك انتى حامل مادراكم فرحتى كانت اد ايه لقيت نفسى بعيط وبرتعش كانى اول مره بتلقى خبر الحمل بس ديما الحاجه اللى بتيجى بعد شوقه بيكون ليها طعم سبحان الله طرت طبعاا من الفرحه وبقيت مش قادره امشى
عقبال الكل يارب انا الى الان لم اذهب لدكتور بس حجزت على يوم السبت ان شاء الله على مااظن ان ربى كملى على خير هاولد على 1 مارس ان شاء الله
بس بعد مااجى من عند الدكتور هاحكيكم الباقى يله منتظره الباقيات الفقره الجايه هاحكيلكم عن اعراض الكسل اللى جت عليه

**marwa81** · 09-07-2009, 05:30 PM

انا يابنات الاعراض اللى عندى قرف جامد ومش طيقه ادخل المطبخ ولا اشم اى حاجه
وجوزى الغلبان بعمله الاكل بالعافيه ومن غير نفس وعاوزة انام طول الوقت وعلى طول مكشره ومابفرد وشى وبصلى بتقل لان كسلانه اوىىىىىىىىىى ماما بتقولى ماتستسلمى بقول فى سرى منا بعمل كل حاجه هوا اعمل ايه تانى انا بقى هنام واستسلم بجد ههههههه
بس جوزى هايصعب عليه ابنى اخواتى بيأكلوة ويلعبوه لما بكون عندهم لكن لما بكون لوحدى
بهمل فيه وكمان بطنى حسه انها منفوخه كتير بس كده

**om belal** · 09-07-2009, 05:32 PM

مروه اولا مبرووووووووووووك و ربنا يكملك علي خييييييير امييييييييييييين انا بقه اخر دوره كانت لي يوم 30 -5-2009 الحمد لله حامل كده في شهر بس دعواتك الله يثبت حملي لو فيه الخير عشان نازل عليه دم من الفجر النهرده ...انا الحمد لله معايه بلال 7 شهور و 3 اسبيييييييييع ....بس لسه مرحتش للدكتوره قالت لي راحه تامه و اتابعها با التلفون و اعطتني مثبت دعواتكم