السلام عليكم

ملييييييت من الكلام عن الفطام

وهالمرّه الرابعه اللى احاول من بنتى

لان المشكله ان بنتى صارت تستخدم الثدى كلعبه

ما ترتاح الا معاه على طول 20 فى 24 ساعه مو اقل

تعبت وقررت افطمها

وحضرّت العدّه لهذ المهمه الصعبه

واقى للأذن : من صوت البكاء امزح

مرضعه : مع انى متأكده انها ما بترضى

مصاصه او كذابه : لعل وعسى

انواع الحليب :-

حليب السعوديه رفضته لان طعمه مو حلو (( حتى انا ما عجبنى))
كل انواع حليب الاطفال ميؤوس امرها
اللبن اب تتقبله مرا ومرات لا
لبن المراعى مرات برضه
حليب المراعى بالنكهه الفانيليا ما عجبها

هاى بنتى

طبعا البكاء على اشدّه
واشوف الكحه بدأت فيها لا حول ولا قوه الا بالله

بدأت حضرتى من الساعه اربع العصر هذا اليوم
الموافق 13 -5 - 2003
يعنى ما كملت نص يوم الحين الساعه 12 ونص الليل
واحس اعصابي بتنفجر

صح نسيت ااقول انى ما كرهتها بالثدى
ما حطيت عليه شي مقرف او ملح


ضرورى اسويها ولا ؟؟

يا ترى متى بخلص sid

السلام عليكم ورحمة الله وبركاته
كراميل حبيبتي لاتعصبين ولاشي كلنا نمر بحالتك بس موالثدي الرضاعه العاديه بس فيه وحده الله يذكرها بالخير كانت نفس حالتك الحين راحت الكويت
كلمتني من يومين وقالتي انها فطمت ولده تقول انها حطت صبر بس انا ماعرفه تقول زي المره وبعدين كره صدره والحين يشرب حليب باالكوب عقبال بنتك يارب

كم عمرك بنتك يا كراميل؟ معلش ذاكرتي مش نافعة أتذكر.

أنا فطمت ثلاث أطفال وكان من أيسر ما يكون... قوليلي عمر بنتك وأنا أعلمك الأسرار كلها

كراميلا لا تطلع بنتك زي بنت جيرانا

تصدقين دخلت المدرسة وهي ترضع (من الرضاعة مو من الصدر)

لما ترجع من المدرسة تجي تحت السرير وتشرب الحليب من رضاعتها
عشان أمها ماتشوفها


الله ييسر أمرك

أرسلت بداية بواسطة melaf
السلام عليكم ورحمة الله وبركاته
كراميل حبيبتي لاتعصبين ولاشي كلنا نمر بحالتك بس موالثدي الرضاعه العاديه بس فيه وحده الله يذكرها بالخير كانت نفس حالتك الحين راحت الكويت
كلمتني من يومين وقالتي انها فطمت ولده تقول انها حطت صبر بس انا ماعرفه تقول زي المره وبعدين كره صدره والحين يشرب حليب باالكوب عقبال بنتك يارب

شكرا عزيزتى والله يسمع منك يارب
لانى تعبانه بجد وصدرى تحجر sid

وقررت احط ملح لان ما عندى صبر للاسف
والصبر نبات مر الطعم لكن مفيد للغايه
يعطونه للمواليد الجدد حتى يحميهم من الالتهابات
ويقوى الجسم ويخلي الجلد اقوى فى تحمل الجروح
(( انا غبيه ما اكلت بنتى منه ))





الف شكر الغاليه

أرسلت بداية بواسطة إيمان علي
كم عمرك بنتك يا كراميل؟ معلش ذاكرتي مش نافعة أتذكر.

أنا فطمت ثلاث أطفال وكان من أيسر ما يكون... قوليلي عمر بنتك وأنا أعلمك الأسرار كلها

هلا ايمانو

عمرى سنه ونص

ومر يوم للآن وصدرى متعبنى من الالم
يا ترى كم يآخذ يوم لما يختفى الحليب

اما حاله بنتى لما تطعم الملح تزعل
لكن كل ما تقوم من النوم تطالب بالحليب

وبعدين تشرب شوى لبن او ماى تسكيتا للجوع
اشربها من قوطى (علبه) اللبن او العصير مباشره
بدون مرضعه

اما بالنسبه للنوم


مرهق لما تقوم تطلب الحليب وما تنام الا بعد هز وروحه وجيّه

شو رأيك؟

أرسلت بداية بواسطة نور
كراميلا لا تطلع بنتك زي بنت جيرانا

تصدقين دخلت المدرسة وهي ترضع (من الرضاعة مو من الصدر)

لما ترجع من المدرسة تجي تحت السرير وتشرب الحليب من رضاعتها
عشان أمها ماتشوفها


الله ييسر أمرك

هلا الغاليه نور
بنتى مستحيل تصير كذا لانها تكره المرضعه موت

انا لما كنت صغيره كنت احب الرضاعه
وتمسكت فيها حتى الصف الثانى ابتدائي
وما اقلعت عنها الا لما رحت زياره لبيت
خالى لاسبوع استحيت ارضع
فبطلت من يومها ههههههههه

بالنسبة لتحجير الصدر حطي عليه ورق كرنب او تحت الدش بمويه دافيه مشطيه بمشط
اسنانة ضيقه او اشفطيه بالشفاطة شوي بس لاتطولين يعني 15 الى30 ثانية مو اكثر علشان ما يحث على افراز المزيد من الحليب
والافضل من كل هذا انك تفطميها بالتدريج والله يعينك

فهــــــده

جربت الماء الدافى مع المشط وما حسيت بارتياح وخفت ان
الماى الدافى يزيد در الحليب
وحاولت اشفط لكن الصدر متيبس تماما

اما سالفه التدريج حاولت
لكن زاد تعلقها فيني وبالحليب
اكثر واكثر مع الوقت
وتعبت

الحين الخوف
اشوفها عناديه ترفض الحليب
وامس قبلت اللبن اليوم ترفضه
خايفه صحتها تسوء

تحياتى

غريبة المشط مانفع
طيب الشفاطه لاتستعملين الا الى تسحب سحب وابدي احسبي الوقت من يبدا الحليب يطلع لا تستعملين الشفاطه الي تنضغط ضغط ما تشفط زينsid
وصح عليك المويه الدافيه ماتنفع الا مع المشط والابتزيد الحليب اسال مجربsid
وجربي ورق الكرنب والله يعينك