السلام عليكم و رحمة الله و بركاته

ازيكم يابنات
تعالوا نبدأ الجزء التاني من الموضوع
و ده كان ملخص الجزء الأول
كانت دي بدايته
انا دلوقتي حامل في الشهر الرابع(انا دلوقتي في السابع) في طفلي الثاني و طبعا عندي حالة قلق رهيبة من ازاي هأقدر أهتم بيه و ب مؤمن و بالبيت من غير تقصير و انا مش بحب أتعب حد معايا يعني بحب أعتمد علي نفسي
و طبعا ربنا يخلي لي ست الحبايب بس بردو مش عايزة أتعبها اوي
و أبو مؤمن مشغول طول اليوم تقريبا الله يعينه
و طبعا عن تجربة سابقة مع الأستاذ مؤمن تعبت أوي في البداية و أخدت فترة علي ما قدرت أتعود و أنظم نفسي
و مش عايزة ده يتكرر خاصة مع وجود مؤمن اللي عمره 3 سنوات
فققرت اني أترك القل و أبدأ في التفكير و التدبير و التخطيط عشان أساعد نفسي
و طبعا مش لقيت غيركم يا أخواتي البنات الحلوين الشاطرين عشان أخد رأيكم في أفكاري قبل ما أبدأ في تنفيذها و كمان لو عندكم أفكار جديدة ينوبكم ثواب في أختكم
علي فكرة انا مش عندي اخوات خالص لا بنات و لا ولاد << حكت قصة حياتها

نبدأ بسم الله

1- قررت اني كل شهر أجيب حوالي كيلو لحمة مفرومة زيادة علي حاجات البيت و أعصجهم و أحطهم في أكياس و علي الديب فريزر و بكده يبقي عندي حوالي 6 كيلو لحمة معصجة عند الولادة تساعدني شوية و تشيل عني و عن ماما شغل التجهيز للطبخ. و في نفس الوقت مش تبقي حمل علي الميزانية لأن كلنا عارفين ان في الكام شهر الأولي بتبقي المصاريف علي اخرها.
2- قررت أجيب كل شهر حوالي من 2-3 كيلو طماطم و أعصرها و أسبكها و أحطها في الديب فريزر و بكده هيكون عندي حوالي من 10-15 كيلو طماطم مسبكة جاهزة يا دوب للتسخين و أحط فيها الخضار .
3- قررت كل شهر أجيب فرخة و أتبلها للشوي و أحطها في كيس و في الديب فريزر.
4- قررت قبل الولادة بحوالي أسبوع أو اتنين (هأولد قيصري بأذن الله هأبقي عارفة ميعاد الولادة) أغسل ستاير البيت كله و أعلقهم ليلة الولادة عشان لما الضيوف ييجوا يلاقوا بيتي نضيف .
ده طبعا غير غسيل الحمام الله يكرمكم ليلة الولادة
5- ده بقي مش قرار ده تم تنفيذه فعلا
انا أودة الأطفال عندي سريرين بس انا كنت شايلة واحد عشان مؤمن يلعب براحته في الوسع و دلوقتي طبعا هأطلع السرير التاني بأذن الله فعملت جمعية
و نزلت اشتريت طاقمين ملايات سرير أطفال جديدة و كمان لحاف فايبر جديد و كمان اشتريت طقم ملاية حلو اوي و قطن لسريري عشان الناس اللي هتيجي تشوفني قبل السبوع ان شاء الله تلاقي بيتي فلة.
6- طبعا تنضيف المطبخ تنظيف عميق قبل الولادة و أ؛ط فويل علي البوتاجاز ولو اني مش بحبه بس معلش أول فترة بس.
7- انا بدأت في ترتيب دولا مؤمن عشان أفضي مكان لأخوه أ, أخته القادم عشان مش يتفاجيء و يزعل و سايباهم فاضيين عشان لما أشتري هدوم للبيبي يبقي الموضوع تدريجي .

8- كل شوية هأنضف دولاب و أرمي كل الزيادات و كل الأشياء غير المستخدمة عشان أوسع للأغراض الجديدة و حوسة البيبي الجديد هههههههههههههههههههههههههههههه ه .
9- نسيت أقول كمان هأخزن في اليب فريزر خضروات مجهزة للطبيخ علي طول.

دي كل أفكاري لغاية دلوقتي عايزة أسمع رأيكم ولو عندكم أفكار تانية أفيدوني بالله عليكم
لأني خايفة اوي و حاسة اني مش أد المسئولية دي ربنا يستر

و دي كانت بعض التجهيزات اللي حصلت بالفعل
شوفوا بقي انا بمناسبة دخول الشهر السابع ههههههههههههههههههههه
و عشان لقيت نفسي تعبانة جدا و كل يوم بأبقي أتعب من اليوم اللي قبله قررت
اني أغسل سجاد أودة النوم
عايزاكم تشجعوني يا بنات لأني تعبانة جدا بجد ربنا يسهل ولادتي و باقي أيام الحمل علي خير

و دي اول واحدة (هما تلاتة)

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 176KB.



طبعا بأحطها في الحمام علي الأرض و عليها رابسو و كلوروكس للألوان و هاتك يا فرك و دعك بالفرشاة


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 158KB.


و بعدين أشطفها كويس جدا و ألفها زي الرول و أوقفها عشان تتصفا كويس عشان لما أنشرها علي البلكونة مش تنقط علي الجيران الحبايب


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 144KB.



و دي هنا بعد ما نضفت بس طبعا مبلولة لسة و بصراحة مش هأقدر استني علي ما تنشف عشان أصورها لأني هأعطرها و ألفها و أعينها علي طول لغاية اليوم الموعود


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 172KB.



و بس يا بنات و طبعا مش هأشرح احساسي كان ايه و انا بأغسلهم بس أعتقد ان ده كان شكلي



و ده تاني حاجة عملتها

عملت الطماطم
20كيلو يا بنات عصرتهم و سبكتهم
اااااااااااااااااااااااااااااه ياني

شوفوا دي كمية الطماطم
ده الحوض الأول

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 159KB.

و ده الجوض التاني



هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 152KB.

و هنا أول دفعة مسبكة

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 130KB.

و بعد كده جبت أكياس و حطيت الكيس في شفشق او دورق بصوا هو اللي في الصورة ده هههههههههههههههههههه عشان لما أملا الطماطم مش أتعذب

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 126KB.

و هوووووووب علي الديب فريزر
ده الدور الأول



هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 137KB.



ده الدور التاني



هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 156KB.


و بعدين قلت طيب بالمرة اشتري شوية حاجات بسيطة و أجهزها
و هووووووووب عصجت كيلو لحمة مفرومة و حطيتها علي كيسين
و فرخة كمان تبلتها
و كمان بفتيك تبلته و حطيته في طبق
و دي الصورة النهائية

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x500 و بحجم 170KB.

و طبعا كمية التعب مش قادرة أوصفها يا بنات
رجليا و ضهري و الحوض الاااااااااااااااااااااااااااا ام شديدة بس الحمد لله خلصت
و ما تنسوش ان ده كله جنب شغل البيت و طبعا مؤمن حبيب قلبي
و انا نزلت كمان اشتريت الحاجات
لما حاسة اني عايزة أطلب الأسعاف هههههههههههههههههههههههههه
الحمد لله بس أنجزت شوية حلوين

و طبعا فيه حاجات اشتريناها للبيبهات انا و البنات الحوامل الحلوين
بصوا رابط الموضوع الأول اهو
http://www.lakii.com/vb/showthread.php?t=613449

صباح الفل يا بنات
الموضوع الأول اتقفل ياللا بسم الله نبدأ الموضوع التاني
وحشتوني معلش امبارح نزلت اشتريت شوية حاجات هأنزلكم صورها ان شاء الله بكرة لأني لسة هأكمل عليها النهاردة لو قدرت

أم بلال
عندك حق في موضوع اني أسيب أودة نومي ده غلط بس في البداية كان أبو مؤمن بينام معانا بس لما مؤمن بيصحا طوووووووووووووووووول الليل و باباه عنده شغل الصبح بقي يرتاح اكتر لوحده و بصراحة انا كمان عشان ما يبقاش فيه مشاكل هههههههههههههههههههههههههه لكن مازن ان شاء الله هأعوده ينام لوحده لأنه اتضح ان الموضوع ده متعب لكل الناس لمؤمن لأنه صعب جدا ينام من غيري فهو متعذب و كمان انا دلوقتي مش عارفة ارتاح لأنه نايم في حضني و انتم عارفين صعوبة النوم في الشهور الأخيرة من الحمل و كمان استحااااااااااااااااااالة أعمل اي حاجة و مؤمن نايم لأني لو قمت من جنبه بيصحا فورا يعني وهو نايم لاااااااااااااااااااازم أفضل جنبه حتي لو صاحية
هي كانت غلطة و ان شاء الله انا اتعلمت و مش هأكررها
انا بس أول ما أطمن ان مؤمن شال فكرة انه يرمي مازن من البلكونة من دماغه هأسيبهم في أودتهم سوا و أرجع سريري ولو ان موبايل أبو مؤمن مش بيخليني انام علي طول بيرن وهو طبعا في ساااااااااااااااااااااااابع نومة هههههههههههههههههههههههههههههه

سارة يا قمر
وحشاني جدا و طلباتك أوامر
شوفي يا ستي انتي فعلا محتاجة ممارسة للمحادثة يعني عايزة تتكلمي مع حد كتير كلنا محتاجين ده و مش تتكسفي و مش تخافي ولو ده مش متاح اسمعي كتير و حاولي تتكلمي و تسجلي لنفسك و بعد كده اسمعيه عشان تشوفي نطقك و غلطاتك فين و طبعا لازم تركزي علي أهم ركنين في اي لغة القواعد و الكلمات عشان تقدري تتكلمي كويس و لااااااااااااااااااااااااااااااااازم القراءة و الأستماع
اقري قصص قصيرة من عالنت بالانجليزي اقري الأخبار من اي موقع و اسمعي أغاني و انتي معاكي كلماتها عشان تتعملي النطق الصح
اتفرجي علي افلام أجنبي مرتين مرة استمتعي بالفيلم و المرة التانية ركزي مع الكلمات و الترجمة و هتلاقي نفسك أخدتي ثروة لغوية جامدة جدا أحسن من الكتب عشان دي لغتهم الحية اليومية
واخر حاجة لازم صاحبك يكون القامووووووووووووووووس لازم يكون جنبك دايما و اي كلمة جديدة تلاقيها اكشفي عن معناها (انا بقي ده غرامي و هوايتي)
ولو فيه اي سؤال تاني انا موجودة و في الخدمة يا قمر

ll2asaf m3ndesh windows 3arabi f haktblk farnkarab w yarait tfhameni ,
2oalan enty sokar w 3gbani awi w 3gebni taghezatk gedan w raga3teni l masr w l gamal masr w 7oset 3'asel el sagaged swa2 3nd mama 2o lama etgawezt , bs 2olelei bt3atari el sgada ezay ?? w ezay tt3ebi nafssek keda w enti 7aml y om Mo2men 7aba 7aba y gamel w matnsesh en lssa fe sbo3 w 3akeka w el bet hitmarmat tani mn el nass , msh 3iza 2a2olk ana f 3akeket bnty w sbo3ha kan beti shaklo eh bsra7a lssa saieb m3aya zekra msh 7loa w f 2a7'er el yom bta3 el sbo3 shadet m3 e7'wat gozi l2nhom gom bahdlo el donia w 3izen yseboha mn 3'er tandef bss ana 3'lsst w 7'althom nadafo el matba7' l2n Omi mat2darsh w 2o7'ti kant 3arossa lsa , rabna y2wek w shokrak 3la mosharkatek el gamela el mofeda gedan w salami l 2ahl BorSa3ed

صبااااااااح الفل مبروووووووووووووووك علينا التجمه الجديد يارب ميتقفلش بقه
عملييييييين ايه ؟؟؟ بيرو عيزين نتفرج علي الحجات بقه يالا نزلي الصور
انا انهرده ان شاء الله لو الدكتوره ريحه حروحلها و المفرود تقولي النوع دعوتكم معايا بقه ههههه حساها نتيج السناويه كده ربنا يسهل
ياجماعه بلال بقه مش عرفه اعمله ايه في حوار النووووووووووم ده بيصحالي من 7 و من 7 الا كمان ولله ما بكون قدره ماساه حوار النوم ده و هو شويه و بينام ثاني و انا بفضل زي القرده بقه ههه ربنا يهديه يارب بس حاليا بقه عايز مجهود فظيع ماشاء الله و كمان مش عايز يقع في البيت عايز مكان مفتوح و اطفال و ينطلق و كمان لسه صغير اوي علي الحضانه مش عرفه اعمله ايه لو عنكدم اي اقتلااحات بقه ؟؟؟

الله الله على الكلام العسل

ايوووووووه كده يابيرو
اكتابت لما لقيت الجزء الاول اتقفل وكنت لسه هابعتلك رساله علشان تلحقينا بجزء جديد
مبرررووووووووك

هااحضر الغدا وارجع اقولكو على بياتى الشتوى ان شاء الله
سلااااام دلوقتى

يالا يا سمسمي في الانتظار بس تعالي قبل متدخلي السومعه ههههه

الحمممممممممممممممممد لله انكم هنا ...

انا اول ما فتحت النت دخلت ادور على الموضوع ..

ولما لقيتة اتقفل كنت هتجنن..

رحت بعت رسالة لبيرو...

بس الحمد لله لما ركزت لقيت انها بالفعل فتحت موضوع جديد ..

شاطرة يابيرو ...

دا انا كنت زعلانة قوى ..

قلت يعنى انا هرغى مع مين انا دلوقتى ..

سمسمة ... حمد الله على السلامة يابنتى ... بيات شتوى سعيد ... اكيد حلمتى ان

الصيف جة ...
هههههههههههه
انتى فين يابنتى قلقتينا عليكى ... كل دة نوم ؟؟؟؟يارب تكونى كويسة .. يلا اعملى

الغدا وتعالى ...

ام بلال .. اخبارك ياقمر واخبار بلال والنونو ....

ندا وسارة وهالة... تعالوا يلا شاركونا

ام عمار ... طولتى الغيبة ياقمر ... تعالى نورينا يلا....

السلام عليكم ورحمة الله وبركاته


ربنا يتمم حملكم على خير ويقويكم يارب

قرات في بعض الردود انكم اعتبرتم هذا تجمعا وقوانين المنتدى تمنع فتح اي تجمعات في الركن

سوف تكون هناك مواضيع محددة لكل 3 أشهر من السنة تخصص للدردشة للعضوات اللاتي ولادتهن تخص شهر محدد وسوف تجدد المواضيع سنويا. لذلك يمنع إنشاء مواضيع مشابهة لها بواسطة العضوات.

واي موضوع يعتبر تجمع سيغلق
المواضيع في ركن الحمل مواضيع للفائدة .

اتمنى لكم وقتا سعيدا بيننا .

كتبت بواسطة ام سهيل

السلام عليكم ورحمة الله وبركاته

ربنا يتمم حملكم على خير ويقويكم يارب

قرات في بعض الردود انكم اعتبرتم هذا تجمعا وقوانين المنتدى تمنع فتح اي تجمعات في الركن

واي موضوع يعتبر تجمع سيغلق
المواضيع في ركن الحمل مواضيع للفائدة .

اتمنى لكم وقتا سعيدا بيننا .

هو ده مش تجمع بمعني تجمع يعني و احنا بنستفيد من خبرات بعض عشان تقريبا كلنا نفس الظروف معانه بابي و حوامل بس كده و بععد اذنك لا تغلقي الموضوع و احنا حنلتزم بجميييييع القوانين ان شاء الله و شرفتي الموضوع قليلنا بقه خبراتك

ام بلبل ربنا يقويكم ويجعله في ميزان حسناتكم

ويجعل ذريتكم قرة عين لكم يارب.


خبراتي اخ من خبراتي من زمان عنها اصلي عجوزة واصغر طفلة عمرها ستة سنوات

دعواتكم لي بصلاح ذريتي .

لكن ولا يهمكم راح اتابع معاكم .


لانه بصراحة موضوعكم متميز ومبدع باطلالتكن .