بسم الله الرحمن الرحيم

السلام عليكن ورحمة الله وبركاته

غالياتي سيكون هنا اجتماعكن حتى تلدن بالسلامة وربي يكتب لكم الساعة السهلة يارب


ويرزقكم الذرية الصالحة المعافاة , ويتمم لكم على خير .


أتمنى لكم قضاء أجمل الأوقات في ربوع منتدانا الرائع.


عندي لكم نصيحة

اهتمي بغذائك غاليتي
فغذائك وصحتك ستنفع جنينك عندما يظهر للوجود
وستنفعه في نموه
وستنفعه عند كبره .

وربي يفرحنا بكم غالياتي.


يالله هانت بالغوالي اللي باقي لها شهر واللي باقي لها اكثر
ربي يكون في عونكم ويسهل عليكم كل عسير.

شكرا لك ام سهيل على التجمع الجديد

السلام عليكم ورحمة الله وبركاته
أولا: شكرا يا أم سهيل يا حبيبة على تعبك معانا
ثانيا: أم شهد فيه خبر في المنتدى عن الماترنا بس مش عارفة صحته. شفتيه؟

ما شاء الله عليا تاني مرة افتتح التجمع مبروك علينا . خليني اروح اجيب قصتي .

بسم الله نبدأ ,,, بكتبلكم قصة زواجي . راح ادخل في الموضوع على طول.
انا اصلا من زمان ما كان في راسي زواج المهم في يوم من الايام اتوفت مرت جدي وطبعا العزا 3 ايام وانتهينا من العزا على خير . رابع يوم انا واخواتي طلعنا فوق بيت جدي نجلس عنده بعد شوية ماما اتصلت زهمتني ونزلت لقيتها هي وبابا جالسين ويطالعو في بعض كان عمري وقتها 20 , قولتلهم خير في شي مهم الا بابا نطق : قلي عمي اتصل يبغاك لولده وانا قلتلو ابشر ازا البنت موافقه... استغربت في البداية وقولتلو انا فاكرة انو الولد مو حلو, ( ومر شريط في بالي بعدين اقولكم عليه ), المهم ماما قالت حرام عليكي الولد حلو انا لما رحت عندهم هو اللي وصلني . قلتلهم خلاص اصلي الخيرة واقولكم وبعدين وقته دحين دوبنا خارجين من عزا والولد بيدرس , قال بابا عمي مستعجل , المهم بعد يومين اتصلت امه في الضهر وقالت اليوم نبغى نجي عشان يشوفو بعض عشان ولدي يمكن يسافر الاردن يدرس هناك . ماما استحت منها وقالتلها الله يحيكم . وجات تصحيني ,قومي بيت سيدك جيين اليوم يشوفوكي قولتلها يوووو ليش ماقلتياهم اخر الاسبوع اليوم جاتني الدورة وتعبانة , وبس قمت وبابا راح اشترالي دواء مسكن وماما تسويلي نعناع وحوسة وجلست اسشور شعري وانا طفشانة , وبس ادن المغرب الا وهما عند الباب صلو عندنا .. جات امه واختو وابو . على ما شربو القهوة انا كملت لبس وطبعا من دون ميك اب مرة , جات ماما قالتلي يلا ادخلي قلتلها وي وانتو جالسين استحي وكلكم تتفرجو عليا , والله ماني داخلة , قالت يابت لا تحلفي طيب ازهم اختو تدخلك قلتلها طيب ,بس ودخلت سلمت وانا ماني شايفة احد حتى بابا سلمت عليه من الربكة وجيت خارجة قالولي تعالي اجلسي فين رايحة وجلست بعيد جمب سيدي ( الا هو عم بابا وعمي بالرضاعة ) قالت امه لالا تعالي هنا عشان يشوفك زي الناس وقمت جمبها ولصقت على الكنبة معد اتحركت الين ماما جابت العصير وكلهم شربو العصير الا انا وهو بس سويت فيها وقمت ناولتو العصير وشفتو وقتها , بعدها قالت امه ها ايش رايك عجبك خلاص ولا نقوم هزيت راسي بالاجابة وسألتو نفس السؤال قالها يلا طلعي الاسورة . ولبسني الإسورة وجلسو يتكلمو على الملكة قلهم بابا خلوها قدام شوية عشان ظروف ابويا والعزا . كل هادا الفلم صار بين المغرب والعشا , وادن العشا وقالو يلا احنا نستأزن حتى الشاهي ماشربوه, وقمت وصلتهم الين عند الباب وبابا قال للعريس ترا ازا تبغى تكلمها بالتلفون عشان تتعرفو على بعض انا ما عندي مانع وانا عمك. والاخ ماكدب خبر من تاني يوم متصل قال ايه ابغى اطمن عليكي شكلك كان تعبان , وبالقوة كلمتو وانا مرة محرجة خمسة دقايق ورخينا , وصار يكلمني كل اسبوع مرة . الكلام دا كان في بداية القعدة و في 19 الحج سوينا الملكة كانت مرة صغيرة في البيت بس المقربين . بس انا عكس سبراي ما رضيت احد يلعب في وجهي , رحت للكوفيرة وقالتلها ماما مكياج سهرة خفيف وناعم وطلع مرة حلو .
وتمت الليلة على خير وكان يجيني كل اسبوع . وايام الاختبارات كان يجي يزاكر عندي بحجة انو بيتهم ازعاج مايقدر يركز في وبيتنا هدوء لأنو ماعندنا اطفال اصغر اخواتي كانت 10 سنوات عمرها . وبعد 3 سنوات ونص اتزوجنا . على ما اتخرج ولقى وظيفة . وبعد شهر من الزواج حملت بولدي , ولما ولدي صار عمره سنة رحنا الرياض عشان يكمل بكالوريوس لأن شهادته دبلوم والحمد لله هادا اخر ترم .
ان شاء الله ما اكون طولت عليكم , ما قدرت اختصر اكتر من كده.

http://www.lakii.com/vb/showthread.php?t=432771

الموضوع هنا بس شكل العلبة مختلف لأنه طبعا اللي في مصر بينتج عندنا مش المستورد الأصلي

خدوا كمان قصة خطوبتي....

"ههههههههههههههه يا سبراي أنا حصل لي نفس الشئ يوم الخطوبة
أمي صممت لازم أبقى عروسة واحط ميك أب واعمل لفة في الحجاب بتاعي
المهم لأننا لقيناها حتكلفنا كتير حكاية الكوافيرة في البيت وخاصة إني كنت جايبة فستان الخطوبة جاهز فأمي قالت خلاص نجيب فلانة الكوافيرة اللي بتعمل لنا فتلة لوجهنا فوافقت....
دخلت طنط فلانة غرفتي ومنعت أي أحد من الدخول حتى لا يبوظ الميك أب (قالت لي الحسد بيبوظ كل شئ) وغمضت عيني وبدأت الحاجة تشتغل في وجهي....
بصي يا عروسة في المراية............يالااااااااااااااااااااااا ااااا هوي بلايتشو بجد والحل؟؟؟ الحمام علشان اروحه اغسل وجهي لازم أمر على الصالة وفيها الضيوف والعريس وكنت خلاص حبكي وفضلت ماسكة منديل وشغالة مسح في شفايفي وخدي بس عيني أعمل فيها إيه؟
ودخل العريس وانصعق من المنظر بس هون علي الأمر وهدأني هو والدي وخرجت معاهم للناس
بس بعد ما تزوجنا قال لي كانت صدمة محترمة لي فيكي يومها فشرحت له الأمر وكيف كانت حالتي وقتها
بس الحمد لله اتجوزناااااا"

يلا ياحلوين انا استئزن , اشوفكم على خير

في أمان الله حبيبتي بنت مكة

انتي يابت ياسوده ويامكه .. شنو دا .. ماصدقتو التجمع افتتح رحتو تجيبو رغيكم اللي فات ههههههههه

انا لو جبت كل ردودي اللي فاتت التجمع حيتقفل تاني قبل ما البنات يجو


للاسف ياسوده قريت الموضوع بتاع الماتيرنا بس ماعارفه اذا صحيح ولا لا .. ومن ساعة ماقريته وانا بعمل في بحث علي النت عن الماترينا علشان اعرف الحقيقه واول ماوصلها حاقولهالكم .. انا الحبوب اللي باخدها هي نفسها اللي موجوده صورتها في المقال <<< ما شالله علينا مواكبين الحضاره