بسم الله الرحمن الرحيم
كيف حالكم يا احلى امهات وكيف الاولاد معاكم اكيد مجننيكم

بدي احكيلكم قصتي

رحت للدكتوره وصورت في الرابع وما بين والخامس وما بين شو نوع الجنين
بس عرفوا اهل زوجي انه مش مبين اشي صاروا يقولوا اكيد بنت لانه بنت اخت زوجي حامل معي وبين معها من زمان ليش انا لسه مش مبين
انا وزوجي مش مهتمين بالموضوع بس عاد كثر نق الاهل رخ يخلوه يهتم
واخيرا صورت في السادس والدكتوره قالت مش مبين بالزبط يمكن يمكن بنت
بس عرفت حماتي دبت على صدرها وقالت كمان بنت مع انه عندي بنت وحده عمرها 3 سنين وهذا البطن الثاني
وصاروا يحكولي من هسه بس تولدي وتخلصي نفاس بعد 4 شهور احملي بعد البنت بلكي جبتي الولد
لا جوزك يروح يتزوج عليكي وعاد خذي حكي عن مين رح يحمل اسم العيله ومين ومين
يعني قربت انجلط

ليش هيك الناس بينجنوا بس يعرفوا انه الحامل رح تجيب بنت كانه عار ولا جريمه زي ايام الجاهليه الاولى

بس يالله انا ولا هاممني اذن من طين واذن من عجين

بس نسيت احكي بدي اسم حلو لبنت اخت بنتي وبنتي اسمها تالا يلا انتوا وزوقكم اعطوني اسم حلو مثلكم

عادي حبيبتي اغلب الناس ما يبغون البنت بس انت توك واللي يجيب البنت يجيب الولد ان شاءالله


واسم بنتك يجنن وعندك لانا -غلا -شهد - لارا

احكيلك عزيزتى

انا عندى 3بنات ولما كنت حامل في كل وحدة كانو يقولون لى بنت فى السونار

وان فى الاولى والثانية كنت فرحانة وكنت ما قول لحد ان بنت كنت اخاف من الحسد لكن فى الثالثة كنت اتمنا ولد اخ لابنى لكبير لكن اللة اراد تكون بنت وبدا كلام الناس وحدة تقول خلفت اثنين شو بدك بالثالثة

وحدة تقول انا لما بشوفك وشوف بناتك بدى ابكى عليكى اللة يكون بعونك

وحدة تقول اللة يعينك لمين ومين بدك تشترى يا ام البنات وانا اقول واللة عندى ولد وهو الكبير نادونى باسمة وما فى فايدة

المهم انا من 5 اشهر مولدةبنتى لكن اتمنا احمل من جديد عسى اللة ان يرزقنى ولد حتى ينتهى كلام الناس واللة حاسة كبرت قبل عمرى طولت عليكى اللة يقومك با السلامة وانشاء اللة ولددددددددد

الله يقيمك بالسلامة يا هنلي وتجيبي طفل بخلقة متممة وهذا أهم شيء.. ولد بنت، مش مهم!!!

شوفي عزيزتي، احكيلها لحماتك هالقصة.. وهي مكررة طبعاً في زمننا هذا، ولكني لأنه لي علاقة مباشرة بأصحاب القصة رح أحكيلها لك..

هذه المرأة، كانت تكتئب وتبكي كل ما كنتها جابت بنت.. ومع هذا ربنا ما طعم كل ولادها إلا البنات.. وهي رح تموت، تنقهر وينسم بدنها من القهر.. بس بعدين بتشكر الله، لكن والله أعلم بالقلوب، من وراء قلبها!
حتى أنها بتعطي نصائح لكناينها حتى يعملوها يمكن يجيبوا صبي..
المهم، بالأخير ضلت وراء ابنها الغير متزوج أنه ياخذ قريبته.. ومن كثر ما نقت وعملت حالها مريضة وأنه قلبها تعبان من الزعل، وافق ابنها.. بعد ما تزوج وزوجته أنجبت، طلع صبي، ولكنه مريض.. وبعد فترة خافوا يجيبوا طفل آخر بهذا الشكل فتطلقوا.. وبعدها صارت تلوم نفسها وتقول: هذا عقاب من ربي لي أنا، ومن يومها بتحاول ما تدخل في قدر الله، يعني... بتحاول.. مرات بتقدر ومرات لسانها بيزل


وفي قصة قرأتها زمان في المنتدى عن واحدة لا تنجب بتقول: يارب، بدي طفل حتى لو بنت عمياء!!!!!!

خليها تتقي ربها وتفرح بالهدية اللي أعطاها رب العالمين.. شو كانت عملت لو أنك لا قدر الله ما بتجيبي أولاد.. ما كانت تمنت أنك تجيبي أي طفل والسلام؟ في ناس ربهم ما رزقهم بأطفال أبداً.. شو يقولوا؟؟

هذه مشكلة الكبار بالسن، ما بيسمعوا إلا صوتهم، ما مستعدين يسمعوا المنطق وبيفكروا أنهم هم فقط اللي عارفين الصح والخطأ!

الله يهديها ويهدي الجميع.

اختي الغالية هنلي ما عليكي من كلام الاقارب والناس ما دام انتي وزوجك مقتنعين وراضيين بالي بيعطيك اياه الله ولد والا بنت نعمة من عند رب العالمين .. واهم شي ان يكون يصحة وعافية

و لا يهمج يا هنلي صدقيني البنت أحن و أرحم على والديها من الولد

تعرفين لنا جاره الله رزقها بتسع بنات و ولدين و الكل كان زعلان على حظها و يقولون يا مسكينه بس ربج كبير ..... كبروا البنات و اتزوجوا وحده ورا الثانية و حتى الصغار منهم مخطوبين. . . المهم انهم من كم سنه قرروا ينتقلون في بيت أكبر علشان أولادهم كبروا و تزوجوا و جابوا عيال و ضاق عليهم البيت و اتخيلي انتي منوه اللي ساعد جارتنا في تأثيث بيتها الحديد. . .أيوه بالضبط البنات . . .كل وحده تكفلت بشي . . وحده أثثت المجلس و الثانيه الصاله و الثالثه غرفت الوالده و. . و هكذا أما الأولاد ما زادوا عن حريمهم و عيالهم يعني ما قدموا أي مساعده لأهلهم و المضحك انه جارتنا بناتها هم و عيالهم يجونها كل جمعة . . . يوم نروح لها نقعد نذكر الله ما شاء الله . . . تلقينها قاعده في نصفهم و لا الملكه و كل أحفادها حواليها. . صدقيني ان البنات رحمه من رب العالمين


و توكلي على الله هو المرزق

الله ينفس عنك و يسهل عليج

ياستي ياهنلي

والله الناس احيانا لما يتكلموا بينسوا انه هذا الشيء بيد رب العالمين

المهم تكملي شهورك كاملة ويجي الطفل سليم ومعافى

وسميها اذا بنت يارا فراح يصير تالا ويارا شو رايك .

ولا يهمونك ياشيخة
انا عندي بنتين واتمنى الثالثة
مشكلة المجتمع كذا !لا ماشين لامع دين ولا مع منطق

الله يعينك عيوني هنلي

بصراحة عائلتك غريبة عكس عائلة زوجي

يموتون على البنات وكل مرة تحمل وحدة منا انا وحماتي

ومرت حماي .. نظل ندعو طول الشهور يارب تكون بنت

تصوري توصل للنذور .. ونظل ندعي أنا وزوجي يارب

بنت يارب توأم بنات .. وأطلب من امي وابوي وأم زوجي وجدته

يدعون عشان نجيب بنت .. والله ونظل نجمع اسماء بنات

من اول شهر .. بصراحة نموت في شيء اسمه بنات وإذا

سمعنا عن وحده جابت بنت نقول يارب ترزقنا بنت مثل فلانه

مو حسد بس لأن نموت في شيء اسمه بنات وتعالي وشوفي

الدلال إلي تحصل عليه من العائلة كامل .. والله كأن مستخفين

على البنات ... ما اعرف ليش الناس للحين متخلفة في

سوالف الأولاد .. وانا الحين عندي 2 اولاد ومن اول حمل ليي

على طول ندعو يارب بنت وجاء ولد والحمد لله والثاني نفس

الشيء دعينا بس الله عطانا ولد .. وهذه المرأة كمان راح ندعو

وان شاء الله تجي البنت

والله كلامكم ميه الميه يا احلى بنات
بتعرفوا زي ما قالت الاخت ياسيه نفس الشي حماتي كل بناتها عندها عندها 6 بنات و6 اولاد اولادها كلهم برا البلاد اشي في الاردن والسعوديه وامريكا بس احنا اللي هون وكمان بعدين عنها هي في بالد واحنا في بلد
وبناتها واولادهن عندها دايما بس دايما تقول اخ لو هنلي تجيب ولد لانهم اولاد بناتي مش الي شوفوا عاد لانه بناتها متزوجين مش من نفس العيله معتبره اولادهم مش الها بس اولاد اولادها الها
وكمان يا ام علاوي نفس شغله سلفتي صار عندها 5 اولاد وكل مره تحمل وتقول بدي بنت بس خلص ربنا هيك رايد
المهم عندي انه ييجي الطفل سليم ومعافى ومش مهم ولد والا بنت
وتسلمولي اخواتي
بس بدي كمان اسامي بنات