الكشـــــــــرى
طبعاً المقادير هانقدمها على اجزاء
اول شئ النشويات
أرز مصرى ..
مكرونة حجم صغير
مكرونة اسباجيتى
عدس اسمر (عدس بجبة)
حمص شامى
(المقادير نسبية)
اسلق الحمص فى ماء وملعقة صغيرة ملح .. وبعدين اصفيه من ماء السلق واضعه فى طبق
اسلق المكرونة الصغيرة والاسباجيتى سواء بالطريقة المعتادة
وفى قليل من زيت الذرة
اشوح المكرونة مع قليل من الملح والفلفل الاسود
واسلق العدس نصف طهى
واجهز بصل مقطع جوانح .. وعليهم رشة دقيق علشان يطلع البصل مقرمش ..
وعلى النار فى زيت الذرة احمر البصل .. (فى نفس الحلة اللى هاسوى فيها الرز)
يطلع بالشكل ده .. واطلعه على ورق نشاف
وفى نفس الحلة وبدون ما اغسلها اضيف الماء المساوى لمقدار الارز ويزيد عنه نصف كوب آخر
بمعنى لو انا عملت 2 كوب ارز يبقى اضيف الماء 2 كوب ونصف
ولما يغلى الماء اضيف الأرز مع العدس وملح وفلفل حسب الرغبة
واتركه يستوى على نار هادئة كأى أرز عادى ..
للصلصة ...
2 كوب عصير طماطم
هريسة شطة
ثوم مفروم
زيت ذرة
نشوح الثوم فى قليل من الزيت
ثم نضيف عصير الطماطم والملح والفلفل وهريسة الشطة ونتركها لتنضج لمدة عشر دقائق
للدقة (صوص الخل)
ثوم مفروم - ملح - فلفل اسود - كمون - كوب ماء - نصف كوب خل ابيض - برطمان فارغ له غطاء محكم
نضع الثوم والخل ورشة ملح وفلفل وكمون والماء فى البرطمان ونغلقه بإحكام
ونرجه جيداً لمدة عشر دقائق على الأقل
ونتركه لمدة ساعة علشان النكهات تختلط
وبعدين نصفيه بمصفى صغيرة
ونجهزه فى اى شئ مخصص له
وأخيراً التقديم
انا جهزت قالب الكيك المفرغ من المنتصف
ووضعت اول شئ البصل بالشكل ده
وبعدين الحمص
وبعدين المكرونة
وبعدين الارز والعدس
وبعدين اقلبه فى سرفيس دائرى
وهنا من قريب
وبألف هنا وشفا
رد مع الاستدلال
الروابط المفضلة