[CENTER] السلام عليكم ورحمة الله وبركاته [/CENTER]
كيفكوون ..؟
من زمان عن الطبخ .. اليوم طقيت الصدر وسويت العشاء
رز لزيييييييز أوي
شفت طريقتها ببرنامج زد رصيدك .. اللي سواها علي الورفلي
وأعجبتنييييي وقلت مجربتها مجربتها
وأخيرا سويتها اليوم
بصراحه طلع لذييييذ وكل اللي أكلوه مدحوه
::
المقادير |~
صدور دجاج مقطع مكعبات
بصل مقطع شرايح
فلفل رومي مقطع مكعبات صغيرة
جزر مبشور
ثوم مطحون
ماجي + ملح + فلفل أسود + بهارات
كركم مخفف بكاس ماء
رز مسلوق بماء وزيت وملح
الطريقة |~
شوحي البصل مع شوي من الزيت
قلبي لين يذبل البصل .. وحطي الفلفل الرومي وقلبيه
حطي البهارات والفلفل الأسود والملح والماجي
حطي الجزر المبشور واستمري بالتقليب
حطي الدجاج وقلبيه شوي ع النار تقريباً خمس دقايق
جهزي الكركم المخفف بالماء
حطي الكركم ع الدجاج وقلبيه
غطيه وخليه ع نار هادئة لين يستوي الدجاج
بعد ما يستوي الدجاج ويكون الرز جاهز
جيبي قدر نظيف .. وحطي الدجاج
حطي فوقه الرز واضغطيه عشان ما يتناثر اذا قلبتيه
وخليه خمس دقايق ع نار هادئة
اقلبيه وقدميه والف صحة وعافيه
عاد مستعجله وجوعانين ما زينته بشي
::
وعشان من زمان عن المطبخ .. بنزل لكم طريقة السمبوسه مجاناً
هذه الحشوة ألذ حشوة خضار ذقتها
رهيييييبه بشكل .. أنصحكم بقوووووة فيها
::
المقادير |~
بــصــل مقطع شرايح طويلة
كرنب "ملفوف" مقطع شرايح طويلة
جـــــزر مسلوق ومقطع مكعبات صغيرة
بطاطس مسلوق ومقطع مكعبات صغيرة
( انتبهي لا تخلين الجزر والبطاطس مسلوق مره عشان ما ينهرس عليك )
ملح - بهارات - فلفل أسود
جبن شيدر مبشور
جبن كاسات
الطريقة|~
صوره جماعية للحلوين
شوحي البصل مع شوي زيت
قلبي لين يذبل وحطي عليه الكرنب والبهارات والملح والفلف الأسود
اذا ذبل الكرنب حطي الجزر والبطاطس
قلبي عشان تختلط ببعض ولكن بشويش لا ينهرس عليك
حطي الجبن الشيدر المبشور والجبن الكاسات
وقلبي بشوويش لين يذوب الجبن وارفعيه من النار
الحشوة صارت جاهزه احشيها بورق السمبوسة واقليها
وألف صحه وعافية ع قلوبكم
.
الروابط المفضلة