*طبق متميز*···^v¯`×) ( مــانـيـكــوتـــي ) (ׯ`v^···
:
السلام عليكم ورحمة الله وبركاته
كيفكم
من زمان عن المطبخ والطبخ
عاد امس قلت اتسنع واسوي العشاء لهم
وسويت مكرونة " مانيكوتي "
صراحه مدري شلون طريقتها بس عجبتني ببنده واشتريتها وسويت الحشوة والصوص من راسي وطلعت تجنن ماشاءالله
صورة جماعيه للحلوين
][ المقادير ][
مكرونة مانيكوتي
][ الحشوه ][
صدور دجاج مقطعه مكعبات صغيرة
بصل مقطع مربعات صغيرة
فلفل رومي مقطع مربعات صغيرة
جزر مبشور
ملح + بهارات + ثوم بودره << نسيت اصورهم
][ الصوص ][
كريمة خفق
ملعقة زبدة
ثوم بودرة
زنجبيل مبشور << ممكن تستغنين عنه
][ الوجه ][
جبن مازوريلا
::
][ الطريقة ][
اسلقي المكرونة مع ملح وزيت
ثلث ساعة تقريباً
::
جهزي الحشوة
احمسي البصل والثوم بزيت ثم اضيفي الفلفل الرومي وقلبيه شوي وبعدها اضيفي الجزر وقلبيه
وحطي البهارات والملح وبعدها الدجاج وقلبيه وخليه ع نار هادئه لين ما يستوي
::
اذا استوت المكرونه وخلصت الحشوه
صفي المكرونة من الماء وابدي احشيها ورصيها بالصينيه جنب بعض
:
جهزي الصوص
احمسي الثوم والزنجبيل مع الزبده ثم اضيفي الكريمة وخليها لين تغلي وشيليها
وصبيها فوق المكرونه
حطي جبن المازريلا فوق كل حبه
وهذه الصوره قبل ما ادخلها الفرن
:
وهذه صورتها النهائية وقت التقديم
المكرونه اعجبت الجميع ماشاءالله
يعني تستاهل التجربة
والف صحه وعافيه ع قلوووبكم
.
رد مع الاستدلال
[
الروابط المفضلة