شعار₪طبق متميز₪ فتة الجاج الطيبة.......مصورة TOTO

**TOTO 000** · 25-02-2008, 03:40 AM

بسم الله الرحمن الرحيم
معلش يا بنات سامحوني شكلي ما عرفتش أنزل الموضوع منيح فنزل نصو بس بتمنى من المشرفات يمسحو الموضوع الأول.
المقادير:
نصف جاجة
كاسة الا ربع رز مصري منقوع
رغيف خبز صغير
فص ثوم كبير مهروس جيدا
ملعقة خل كبيرة
عصير ليمونة متوسطة ونصف
نصف ملعقة صغيرة بهارات مشكلة
نصف ملعقة صغيرة هيل
نصف ملعقة صغيرة سماق
ملح و بصلة صغيرة
نصف كيلو لبن روب
صنوبر أو أي نوع مكسرات بتحبيه
بقدونس حسب الرغبه

الطريقة:
قطعي الخبز الى مربعات واقليهم بالزيت حتى يصبح لونهم أشقر ثم صفيهم بصينية بايركس صغيرة
ثم اسلقي الجاج وضعي على ماء السلق البهارات المشكلة و الهيل والبصلة المقطعة نصفين عندما ينضج الجاج جيدا سحبيه من العظم وفتفتيه على الخبز المحمص كطبقة ثانية وضعيهم جانبا.
ثم ضعي الثوم والخل وخمس ملاعق من مرقة الجاج على عصير الليمون وحركيهم جيدا وضعيهم جانبا. ثم نأتي للرز بتعملي عادي والأفضل يكون مع شعيرية يعني بتحطي شوية شعيرية مع شوية زيت على النار وبتقلبها حتى يصبح لونها أشقر ثم تضعي الرز المغسول على الشعيرية وبتحطي المي وبتخليه يستوي.أبل ما تحطي الأكل بربع ساعة بتشربي الجاج بخليط الليمون بترشيه بايدك عشان يتوزع على كل الصينيةثم بترشي الشماق على الجاج وبعدين بتحطي الرز كطبقة ثالثة وابتفردي الرز مزبوط بعدين بتحطي طبقة اللبن الروب يمكن تحتاجي كمان ملعقتين الى ثلاثة لبن زيادة.بعدين بتزيني بالصنوبر .
يمكن انتي حتستغربي من هالأكلة زي ما صار معي أول مرة بس لما اتدوقيها رح تحبيها كتير لانها عن جد طيبة وانشاء الله تعجبكم.
ماتنسو أخواتي تقاطعو المنتجات الدينيماركية