دجــــــــــــاج محشي سبـاغيتي
المقاديـــر:
دجاجه كامله
التتبيله : ليمون وملح وفلفل أسود ..
الحشو
سباغيتي
بصل - بندوره - فليفله خضراء
فلفل اسود وملح
صنوبر وكاجو ..- صلصه
للسلق :
بهارات ـ قرفه اعواد ـ هيل صحيح ـ قرنفل _ ملح
الطريقــــــــه :
اغسلي الدجاجه ونضفيها وصفيها وتبليها بملح وليمون وفلفل أسود ...
اسلقي السباغيتي بمي ومعلقه ملح وزيت ... وبس تجهز صفيها
في قدر عالنار ضعي بصل مقطع وفليفله وقليهون ... بعدا حطي البندوره المقطعه
وقلبي ثم الصلصه والفلفل والملح ...
ثم ضعي السباغيتي وقلبيه معهون واتركيهن مع بعض شي عشر دقايق .. لياخدوا
من بعض وتنشف ميتون ..
في مقلايه على جنب قلي صنوبر وكاجو ليشقروا.. بعدين حطيون عالسباغيتي وقلبي ...
بهالوقت بتكون الدجاجه مسكت فيها التتبيله صفيها و احشيها سباغيتي من دون ماتكتري
الحشومشان ماتفزر بالسلق ..
هلأ اسلقي الدجاجه بعد ما تكوني خيطيها بالبهارات والقرفه والفلفل والهيل والملح ..
حتى تستوي ...
طلعيها وحطيها بصينيه الفرن واشويها ....حطيها بطبق التقديم وزينيها عذوقك ...
وياســـــلااااام تمتعي بعدا بالطعم الزكي ..
أنا كنت عامله كمان رز وحطيتها باسفل الطبق ... وسباغيتي من نفس الحشو
ولاحظو بالصور عامله شق بسيط بأسفل الدجاجه المحشيه لتبين السباغيتي كيف بتكون...
وبالعافيه على قلوبكم
إذا نالت اعجابكم ادعولي ...
الروابط المفضلة