ارز برياني بالخضار واحد باللحم واخر بالفراخ البانيه وفراخ ولحمة ولسان عصفور monaahmed

**monaahmedsaad** · 26-09-2009, 12:26 AM

ارز برياني باللحم والخضار(البسلة والجزر)
واخر بالفراخ البانيه والخضارمن مطبخ monaahmedsaad
وفراخ بالبقسماط وطبق لحمة ولسان عصفور وسلطة خضار

السلام عليكم ورحمة الله وبركاته

ازيكم ياعضوات يامبدعات ياغاليات
كل عام وانتم بخير
عيدعيد عليكم وايام اسعد يارب ليكم ولينا

انا اليوم حبيت اجبلكم مجموعة اكلات لذيذة وطعمها رائع

تعالو شوفوا معايا طرقي البسيطة

اولا ارز برياني باللحم والخضار (البسلة والجزر)

المقادير

نص كيلو لحم مقطع قطع صغيرة
2 بصلةة صغيرة مقطعة
نص كيلو بسلة خضراء مسلوقة(ممكن خضار مشكل)
2 حبة جزر مقشرة ومقطعة صغير
و4 كوب رز مغسول ومصفي جيدا
شوربة لحمة
توابل
معلقة دارسين (قرفة)
معلقة كركم
ملح
معلقة بهارات برياني
معلقة كزبرة
معلقة كاري
سمن او زبد معلقتين كبار

الطريقة

في طنجرة ع النار اضع البصل واتركه علي نار هادية ليدبل ويصفر

ثم اضيفي اللحم المقطعة واتركيهم علي النار الهادية مدة طويلة جدا لتستوي

بعدها بضيف البسلة والجزر واتركهم علي نار هائة سهاري لتستوي البسلة والجزر

بعد ان تتري البسلة كويس اضيف لها الكزبرة والكاري والدارسين وبهارات البرياني

\

واقلب كويس واتركهم ع النار السهاري 10 دقائق
بعدها اضيف الارز انا كان عندي رز مصري ومعنديش بسمتي فاستخدمت المصري

انا اساسا بعمله بالبسمتي بيبقي طعمه راااااااااااااااااااااااااااااااائع
واقلب كويس بكون معليا النار علي الحلة

واقلب شوية في الارز عشان يتشرب كويس الخلطة والسمن واحس انه نشف من المياه

بعدها اضيف الشوربة والكاري والملح واقلب تقليب خفيف واسيبهم يتشربو الشوربة وبعدها

اجعل النار سهاري جدا واحط الشياطة واغطي الحلة واسيبها تنضج كويس

واقدمها يارب تعجبكم يارب
وبعدها اقدمها مع كوب شوربة وطبق لحمة وطبق لسان عصفور وطبق سلطة خضار

ارجو عدم الرد لم يكتمل بعد

**monaahmedsaad** · 26-09-2009, 12:31 AM

تعالو شوفو معايا بعمل اللحمة المسلوقة ازاااااااااااااي

المقادير

كيلو لحمة
ملعقة هيل
فلفل اسمر
ملح
مياه
5 حبات قرنفل
ورق غار(ورق لوري)
بصلة مقطعة صغير

الطريقة

بطنجرة اضع فيها كل المقادير ماعدا الملح

واتركهم ع النار للغليان
وبعدها اضيف اللحمة المغسولة جيدا ومصفاه لانها بتعمل ريم
ع الوجة وبتغمق الشوربة ان ماتصفتش كويس

واسيبهم لحد ماتنضج 3 ساعات تقريبا اصل بحبها مستوية جامد اوووووووووووووووووي
وكل ماتحتاج مياه اضيف ليها مياه ساخنة بعملها بسخان الشاي
وقبل ان اطفي عليها ب10 دقايق اضيف الملح

وبقدمها بعد النضوج بس انا باخد منها عشان اللسان عصفور والارز

اللسان عصفور بالليمون

لسان عصفور
شوربة
ليمون

بحمر اللسان عصفور زي الشعرية وبعدها اضيف جزء من الشوربة

وااتركها تغلي لمده 10 دقايق فقط واقفل عليها
واسيبها تتشرب الشوربة وقبل التديم اضيف باقي الشوربة واسخنها
ع النار واضعها بطبق التقديم واضيف لها عصير الليمون

سلطة الخضار

3 حبات طماطم مقطعة
3 حبات خيار مقطعة صغير
خس صغيرة مقطعة صغير
بصلة صغيرة مقطعة صغير
3 فصوص ثوم مفرومة ومدقوقة
جزرة مبشورة
زيت وخل وملح وكزبرة
وكمون وعصير الليمون

اضعهم معا واقلبهم كويس بس وقت التقديم فقط

ارجو عدم الرد لم يكتمل بعد

**monaahmedsaad** · 26-09-2009, 12:36 AM

ثانيا

ارز برياني بالفراخ البانيه والخضار(بسلة وجزر)

المقادير

2 قطعة صدر مقطعة قطع صغيرة
2 بصلةة صغيرة مقطعة
نص كيلو بسلة خضراء مسلوقة(ممكن خضار مشكل)
2 حبة جزر مقشرة ومقطعة صغير
و4 كوب رز مغسول ومصفي جيدا
شوربة لحمة
توابل
معلقة دارسين (قرفة)
معلقة كركم
ملح
معلقة بهارات برياني
معلقة كزبرة
معلقة كاري
سمن او زبد معلقتين كبار

الطريقة

في طنجرة ع النار اضع البصل واتركه علي نار هادية ليدبل ويصفر

ثم اضيف الفراخ البانيه المقطعة واتركيهم علي النار الهادية مدة

(مش كتيرالفراخ بتستوي بسرعة ) لتستوي

بعدها بضيف البسلة والجزر واتركهم علي

نار هائة ساهاري لتستوي البسلة والجزر

بعد ان تتري البسلة كويس اضيف لها الكزبرة والكاري والدارسين وبهارات البرياني
واقلب كويس واتركهم ع النار السهاري 10 دقائق
بعدها اضيف الارز انا كان عندي رز مصري ومعنديش بسمتي فاستخدمت المصري

انا اساسا بعمله بالبسمتي بيبقي طعمه راااااااااااااااااااااااااااااااائع
واقلب كويس بكون معليا النار علي الحلة

واقلب شوية في الارز عشان يتشرب كويس الخلطة والسمن واحس انه نشف من المياه

بعدها اضيف الشوربة والكاري والملح واقلب تقليب خفيف واسيبهم يتشربو الشوربة وبعدها

اجعل النار سهاري جدا واحط الشياطة واغطي الحلة واسيبها تنضج كويس

وعند التقديم
اقدمها مع فراخ مسلوقة
او فراخ محمرة بالزبدة والسمن
او فراخ بالبقسماط
او فراخ محشية بالفريك ومشوية
او صينية فراخ

ارجو عدم الرد لم يكتمل بعد

**noorelhoda** · 26-09-2009, 12:36 AM

ماشاء الله يسلمووووووووووووووووو يارب
اكلات تجنن يا غاليه جزاك الله خيرا
فتحتى نفسى يا قمر

**monaahmedsaad** · 26-09-2009, 12:44 AM

بالنسبة للفراخ المحمرة بالزبدة والسمن

انا بسلوقها عادي

زي اللحمة مع اضافة الملح مع التوابل قبل ان تغلي المياه
في طاسة علي النار بها زبدة اقوم بالتحمير كل قطعة علي حدة

بالنسبة للفراخ بالبقسماط

برضو بسلوق الفرخة عادي خالص زي اللحمة
بس بضيف الملح مع التوابل وبتاخد نص ساعة فقط

وبعد ان تنضج بكون محضرة بيضتين مخفوقين بالفلفل الاسمر والملح

وطبق اخر بيه بقسماط
اقوم بغمس الفراخ بالبيض ثم البقسماط

واحمرهم
في زيت غزير واطلعهم علي ورق مناشف للمطبخ

بالنسبة للفراخ المسلوقة والمحشية بالفريك ومشوية

انا قدمتها سابقا

*موضوع متميز*فطاري فتة مصرية وفراخ محشية

وديه صورة جديدة

بالنسبة لصينية الفراخ

انا برضو قدمتها سابقا

مكرونة باشاميل وصينية فراخ مشوية بالفرن بصوص البصل والفلفل الرومي من مطبخي مشاركتي

وبرضو بقدمها مع اللسان عصفور والسلطة

ويارب تكون وصفاتي البسيطة عجبتكم وكل سنة وانتم طيبين
والف هنا علي قلوبكم يارب

اتمني منكم ان تدعولي بالذرية الصالحة والستر بالدنيا والاخرة
وان يهدي بيني وبين زوجي ويصلح دايما بينا يارب
ويهدي ابني ويدخلنا جميعا مع المسلمين الجنة يارب