** أرز مــلون بالربــيان **

الطريقة هذه تقريبا لاربعة اشخاص ,, فبامكانك زيادة المقادير في حالة زيادة عدد الاشخاص


المقادير :
- ارز
- ربيان مقشر مسلوق ( انا استعمل الجاهز ) نصف كيس ... يعني انت شوفي وقدري الكمية اللي تحبينها
- قياس قبضة ايدك كزبرة مفرومة وبقدونس مفروم
- 3 بصلات متوسطة مفرومة
- 3 طماطم مفرومة
- باكيت واحد ماجي
- ملعقة اكل سكر بس ما تكون مليانة يعني تكون مفروشة
- رشة كركم - رشة بزار
- ملعقتي ( خليط ثوم مع زنجبيل ) واللي ما عندها ممكن تحط نصف حبة ثوم مفرومة
- نصف كاس زيت

للتلوين : صبغات سائلة ( مثل احمر واخضر ) طبعا لا تكثرين لان الصبغة مضرة

الطريقة :

الارز :

- يسلق الارز لوحده مثل الطريقة العادية .. بس ما اتخلينه يستوي عدل ..يعني شوي يابس.



الخلطة :

في قدر ضعي الزيت وبعدها الثوم وبعدها بشوي البصل ، ولما يذبل البصل شوي حطي الربيان والطماط والكزبرة والبقدونس وحركيهم مع بعض .. وغطي القدر شوي يعني لما يلين الطماط شوي ثم ضعي الماجي والسكر والكركم والبزار وحركيه ثم غطي القدر .. وخليه يطبخ على راحته والنار تكون هادئة ومن فترة لفترة حركي الخليط .. عاد لما يطبخ عدل .. وتشوفين انه لونه صار على البني وكله انطبخ .. اطفي النار



طريقة ترتيب الارز :

في قدر كبير ضعي نصف من الخلطة ونصف من الارز، وثم النصف الثاني من الخلطة ثم النصف الثاني من الارز .

وبعدين احضري صبغات سائلة .. واحضري فنجان قهوة ضعي مقدار غطاء غرشة الصبغة في الفنجان وزيده ماء حار ثم ضعيه بشكل x او بشكل حرفك على كيفك ...وكذلك مع اللون الثاني ثم تضعين القدر على النار ويطبخ على راحته ..

طريقة التقديم :

طبعا تخلطين الكل مع بعض .. وتضعينه في صينية التقديم .. وراح يكون شكله حلو جداااااا ، وممكن تسلقين 3 بيضات ثم تقشرينها وتقلينها وتضعينها على الخليط اما مقطعة اوكاملة .. وممكن تزيين الطبق بالطماطم او المكسرات ..


وبالهنا والعافية

تسلم ايديكي طريقة روعة و سهلة

تسلمي عزيزتي نودي وشكرا لك

السلام عليكم

تسلم الايادي ...طبعتها عندي ...لان من شكلها رائعة جدا وتسلم ايدج ...زيدينا من الاكلات الخليجية

تسلم يديك بما انه اليوم عندي الاكل اسماك وكنت متحيرة بالروبيان شو بدي اعمل معة راح اطبقة فورا بس راح استخدام صبغة برتقالية ما عندي غيرها مع الصفراء وبحاول اصورها لكم ان شاء الله
وتسلم يديك مقدمايا عسل

يسلموا ايديك على هالطبخه بس ايش هو البزار لو سمحت

وعليكم السلام اخواتي



ملاحظة .. البصل ما يكون مفروم .. .. يكون مقطع بالطول ثم من النصف .. والبقدونس حسب الرغبة .والسكر نصف ملعقة لكن مو مشكلة اذا ملعقة ...اسفة على الخطا


- مس شيف : الله يسلمج عزيزتي ..
- سيما : بالعافية والله يسلمج عزيزتي ..
- داليا : الله يسلمج والبزار هو نوع من البهارات وهو حار شوية ..ما ادري اذا له اسم ثاني ..

مشكورة حنونة وتسلم دياتك على هذا الطبق اللذيذ والغريب والسهل

الله يسلمك عزيزتي دودي ..