السلام عليكم يا بنات انا عندي نوع من البهارات كلها كمون ولونها اسود ونوع اخر لونها حلو بس يخساره خلص بغيت اسال اذا فيه احد يساعدني في عمل بهارات وش احط فيها الان إلي خلصت كان لونها يميل الي الون الصفر وريحتها حلوه وكل شي فيه محطوط بتساوي لذاك قلت اسويها بنفسي ومافيه احد راح يساعدني غيركم

أختي الغالية ممكن تشتري البهارات جاهزة و مخلوطة من عند العطار. أعتقد كده تضمني المقادير تكون متساوية و متناسبة

أتمنى أكون أفدتك بأي شيء

اختي الغالية
انا استعمل مثل البهارات اللي ذكرتيها صفراء و ريحتها حلوة اجيبها مخصوص من القصيم اسمها بهارات القصيم اجيبها غير مطحونة واطحنها حسب حاجتي وشفتها عند العطارين بالرياض نفسها يقول لك هذي بهارات القصيم
جربت اني اسويها بنفسي بس ما عجبني
اتمنى اني اكون افدتك

تسلمون على ردودكم بس ابغى وحده ماهره في صنعها وتعلمني وشى احط فيها الله يعافيكم

انا عندي البهارات اللي تقولين صفراء...اخذها حب واطحنها في البيت حسب استخدامي
وشفتلك مكوناتها
كمون
وكزبره
وقرفه
وفلفل اسود
وبصل ناشف
وثوم ناشف
اتوقع الكزبره والكمون تكون بكميات متساويه يعني كاس مثلا من كل نوع
الفلفل حسب الرغبه طبعا
القرفه والبصل والثوم يعني بالنظر لانه صعب تحطي كاس منها..يعني تقريبا على كل كاس من الكمون والكزبره تحطي عشر حبان من كل نوع وتكون الحبه منها تقريبا زي نص الاصبع
هذا الللي شفته في بهاراتي
والله اعلم...اتمنى اكون افدتك

الله يعافيك يا a&aومشكوره على ردك بس بغيت اكثر من المشاركات وشكرا للك مرة اخرى

عزيزتي هذه خلطه بهار اخدتها من المنتدى وجربتها وعجبتي لونها بيطلع اصفر جربيها وشوفي وقوليلي رايك....
3 معالق طعام كمون00 3معالق طعام كزبره ناشفه 00 ملعقه طعام ليمون اسود ناعم 00 ملعقه شاي زنجبيل00 ملعقه طعام قرفه مطحونه ناعم 00 ملعقه طعام كركم 00 2 ملعقه طعام هيل مطحون ناعم 00 ملعقه طعام فلفل اسود 00 ملعقه طعام زعفران مطحون ناعم
تحياتي

شوفي احلى بهارات استخدمتها هى البهارات البحرينيه الامير او الهاون او فردوسي
وكلها طعمها خطير

حبيبتي بالنسبة انا اشتريها من عند حرمة تبيع الكيس بعشرة ريالات ولونها أصفر

لكن وبكل صراحة طعمها في الأكل جنان والطلب عليها كثير

وهذه بعض مكوناتها الآتي :

فلفل اسود -كمون - كزبرة ناشفة - بصل ناشف - قرفة -

بالنسبة للاخت التي ذكرت بهارات القصيم انا ماأحبها أبدا للأنني تعودت على هذه البهارات لكن الناس اذواق
وانا اتمنى ان اعرف كيف اسويه
همس الغمام

السلام عليكم ورحمة الله وبركاته
اختي العزيزه هذه بهاراتي انشاء الله تعجبك
3 ملاعق كبيره كمون مطون
3 ملاعق كبيره كزبره مطحونه
1 ملعغه كبيره ليمون اسود ناعم
1 ملعقة شاي زنجبيل مطحون
1 م ك قرفه ناعمه
1م ك كركم مطحون
3 م ك هيل ناعم
1 م ك فلفل اسود
1 م ك زعفران مطحون
وما نتسينا بالدعاء