اخواتى الاعزاء اقدم لكم هذا الطبق الليبى ارجوا ان يعجبكم
المقادير
كوبين من الارز
ربع كيلو من اللحم بالدهن
ملح
بصل
حرارات
كبده حسب الرغبه
ثوم
لوزمحمص
زبيب

الطريقة
يسوى
اللحم شوربه مع التوابل والبصل والثوم
بعد النضج يصفى اللحم وتأخذى ماء الشوربه تسوى عليها الارز
بعد النضج يرفع من على النار
الخطوه الثانيه
تسوى الكبده مع التوابل
من المهم ان تقطعيه صغير لتعطى شكل جيد
بعد النضج تضعى عليها الوز والزبيب وتخلطيها مع بعض
ثم تأخذى الخليط وتخلطيه مع الارز جيدا
ويقدم الطبق الى جانب اللحم بعد تحميره
والى الجانب كوب المسير الحار اذا كنتى تريدى معرفه طريقت السهله اخبرينى
وهذا هو الطبق المشهور فى افراحنا الليبية
بالصحة والعافية
خواتى

تسلم يديك يا كنده طبق غريب
زيدينا من الاكلات الطيبة
وحياك الله بيننا

تسلم ايديكي يا كندة، على فكرة انا مصرية مولودة في ليبيا في مصراتة، و سمعت كتيرمن أهلي عن الاكل الليبي و نفسي اعمل حاجة منه،و يا ريت لو تحطي في الموضوع ده اطباق ليبي كمان خاصة البزين. و يا ريت تقوليلي يعني ايه حرارات؟؟ معلش طلباتي كتير بس ما صدقت لقيت حد من ليبيا يكلمني عن بلد مولدي و اطباقه الشهيرة. و يا ريت لو نبقى اصحاب.

تحياتي

أهلا اختى معليش بعد اذن الأخت كندة ارد عليك واقولك الحرارات معناها قرفة
وانشاء الف صحة

اختي نور الحق تسلميلي يا غالية، أنا أعرف القرفة طبعا لكن الصراحة اسم حرارات ده جديد عليا خالص. شكرا يا غالية

السلام عليكم ورحمة الله وبركاته

اهلا بك صديقة غالية احب اقولك اننى حقا ليبية لكننى اموت فى مصر واهلها لانه امى رحمها الله مصريه من الاسكندريه
اما عن الحرارات هى مجموعة البهارات المكونه من الكسبره الناشفه والفلفل الاحمر والكمون والقرفه والفلفل الاكحل وهكذا تتكون عندك مجموعة من البهارات ونحن فى ليبيا نقول عنها الحرارات
وبالنسبة الى البزين انتى عارفة دقيق الشعير واكيد تعرفى العصيدة هى نفس العصيده بالظبط بس تستخدمى دقيق الشعير وتعملى طبيخة البطاطة وتكون قطع كبيرة اى حلقات وتطهى باللحم الوطنى والاهم ان تكون معها قرون الفلفل الحار ثم تضعى الطبيخة على العصيده عندك وتاكلى بالهناء والشفاء
واتمنى ان تكونى على اتصال بى
استودعك الله

أختي الحبيبة Kenda

مشكورة على ردك الجميل و تشرفت بمعرفتك يا غالية. بس معلش حاتعبك معايا أنا معرفش العصيدة أنا اسمع عنها بس لكن معرفش بتتعمل ازاي و انا معشتش في ليبيا كتير انا اتولدت و فيها و بعدين رجعت مصر و انا صغيرة عندي 3 سنين أو 4 فمعرفش غير اسماء الاكلات اللي ماما- الله يرحمها- كانت تحكيلي عنها انها اتعلمتها من جيرانها الليبيات (هي كانت تحبهم جدا و همة كمان كان يعزوها قوي الله يرحمها و يمسيهم بكل خير). معلش حاتقل عليكي و اقولك تشرحيلي طريقة عملها بالمقادير و بكلام مصري عشان افهم و ايه هي طبيخة البطاطا؟؟ يعني اطبخ البطاطس حلقات و الا أحمرها؟ معلش استحمليني. ماما كانت دايما تقول لي ان أكلكم حراق قوي (حار) و الهريسة هي اكلتكم المفضلة و بتكون مشطشطة قوي ، و التوانسة كمان على ما اعتقد يحبوها.

ان شاءالله نفضل على اتصال أختي الغالية و ألف شكر على المساعدة

بسم الله الرحمن الرحيم
عزيزتى الغالية
سعدت بالتعرف عليكى جدا فانا كان نفسى فعلا ان اتعرف على مصريه لاننى بحبهم وانا دلوقتى هكلمك مصرى بالنسبة الى العصيده هى ليست بالمقادير وانما بالعين يعنى تعملى على قد ما انتى عايزه وهى ان تضعى مقدار من الماء على النار يعنى ممكن كوب ماء حتى يغلى كويس ثم تضعى عليها ملعقه صغيره زبده وقليل من الملح ثم تضعى الدقيق بالتدريج مع التحريك بسرعه حتى لا تكلكع منك الدقيق ثم تعصديها يعنى بمعلقة خشب انا مش عارفه اشرحها لك ازاى لانه لزم علشان تعمليها كويس تكون بتتعمل قدامك على العموم تنزليها من على النار وتعصديها بالمعلقة الخشب كويس وترجعيها النار ثانى تضعى عليها شويه ماء ساخن وتتركيها لمده ثلاث دقائق حتى تنشف الماء وتعصديها كمان مرة حتى تحسى ان استوت وده لمه تحسى ان الشعير بقى رطب بالنسبة للطبيخة فهى عاديه جدا يعنى يا ستى زى ما تطبخى البامية او البازلاء بس بدلها تضعى البطاطا يعنى تسويها عادى
عموما يا غالية البزين لزم يتعمل قدامك علشان تعمليه كويس وبعدين افتكرى اكله ثانيه تحبى تعرفيها وانا حاضر
من عينيه
ولو تحبى ان تراسلينى على ايميلى الخاص ها هو
تقبلى خالص تحياتى


أختي يمنع وضع الايميلات في المنتدى

تم التعديل بواسطة : شمالية غربية

كندة الغالية

تسلمي لي يا قمر على الشرح المفصل و التوضيح. فهمتها كويس و حأحاول أنفذها ، و أنا فهمت من كلامك إن العصيدة طريقتها تقريبا زي البشاميل، صح؟ عموما أنا حاطمنك لما اعملها!!!

و على فكرة أنا كمان سعيدة قوي بالتعرف عليكي لأني أنا كمان كان نفسي من زمان اتعرف على بنت ليبية و خاصة ان ليبيا بلدي التاني بالرغم اني معرفش كتير عنها غير اللي اهلي حكوهولي عليها بس نفسي قوي اعرفها اكتر و اروح الاماكن اللي عشت فيها و انا صغيرة و مش فاكراها.

عموما يا قمر شكرا على الايميل و حتلاقي مني ايميل النهاردة ان شاء الله.

سلام يا غالية

كندة

أنا بعت لك ايميل بس رحعلي تاني مش عارفة يظهر في حاجة غلط، انا عموما حاكتبلك ايميلي و حاولي تبعتيلي كده و انا حاسجله عندي


بانتظار رسالتك ان شاءالله


تم التعديل بواسطة شمالية غربية