يا بنات السعوديات ........اسعفوني برز بخاري

**ضوءالقمر** · 17-02-2004, 06:33 PM

بسم الله الرحمن الرحيم
السلام عليكم ورحمة الله وبركاته

كيفكم يابنات

زوجي اكل عند واحد صاحبه سعودي رز بخاري

وطالب مني اتعلم هل الطبخة واطبخها له بأصولها

وقلت مافي غير اخواتي بالمنتدى يساعدوني

واكون لكم داعيه

**ام ليونه** · 17-02-2004, 08:43 PM

بسم الله
السلام عليكم اخيتي كيفك
هذه اول مشاركه لي وحابه افيدك وتراني مو بس سعوديه الا كمان بخاريه يعني بتاخذي الطريقه الاصليه انشاء الله..مره سهله
كشنه عاديه يعني تحطي زيت في قدر وعلى النار لين شوي يحمى تحطي بصل مقطع وتخليه لين يصير ذهبي شوي مع التقليب ثم تحطي الدجاج او اللحم اللي تحبي ويففضل يكون مقطع بس مو صغار وتخلي شوي وبعدين تحطي طماطم مقطعه او عصير الطماطم وتحطي صلصه طماطم و ملح وفلفل اسود وكمون مطحونين ولاتكثري بهارات تكفي هالانواع بس لانه في ناس يحطون بهارات تانيه يصير طعم الرز زي الكبسه ، وتقلبي شوي لين تجف مويه الطماطم شوي بعدين تحطي جزر مقطع بالطول او صغيره شوي وتخليه شويه انتبهي لا يلصق على القدر خلي النار واطيه ولما يتكشن تحطي ماء بحيث يستوي الدجاج بس لا تكثري عشان لا يصير لون الرز ابيض ولما يستوي الدجاج تحطي الرز بحيث انه يكون تحت الماي تقريبا ب1سم وخليه لين على نار واطيه لين تجف المويه بعدين تحطيه على عين صغيره وتوطي النار مره وتحطي تحته ما يسمى ب"التنكه" ماادري انت وش تسميها بس السبب حشان يدمس الرز وما يلصق بالقدر..
اتمنى اني افدتك ويضبط معاك الرز وبشريني اذا سويتيه..

**ضوءالقمر** · 17-02-2004, 10:58 PM

بسم الله الرحمن الرحيم

اهلا" وسهلا" بك اختي العزيزة ام ليونه

نورتينا
ونورتي المنتدى كلهياقمر
واشكرك من كل قلبي على الرد

بس ان امكن سؤال ياغاليتي؟
بس حط الرز بشيل اللحم ولا بتركه

وتحياتي لك غاليتي

**karima9** · 18-02-2004, 12:27 AM

http://www.am-food.com/default.asp?a...article&ID=105

**ضوءالقمر** · 18-02-2004, 12:51 AM

اهلا" بك اختي karima9 وأشكرك على الافادة

تحياتي لك غاليتي

**حلوالحلوه** · 20-02-2004, 06:58 PM

السلام عليكم ورحمة الله وبركاته
الطريقه هذي من وحده زوجها بخاري وهي زاكيه وطعمه كثير وطريقتي المعتمده للبخاري00
تنظفي الدجاج كويس بملح وطحين وتقطعيه اربع وبعدين تقليه في الزيت وبعدين تكشني البصل ولما يذبل تحطي عليه الملح والكمون وفلفل اسود فقط تبشري كميه جزر وتظيفيها للكشنه واذتبغي يكون الطعم فيه حلاوه ضعي ملعقه كبيره سكر اضيفي الدجاج الى الكشنه وضعي عليها الماء ثم الرز المنقوع مسبقاًولا يكو الماء كثير يادوب يغطي الرز بعد ما يتشرب الرز المويه تبشري جزر ثاني وتحفري حفره في الرز وضعينه ومعه زبيب وتغطيه بلرز وبس نسيت اقولك تضيفي على الكشنه ملعقه صلصه وزبيب منقوع ياريت تضبط معك وتعجبك
عند الغرف تشيلي الجزر الي في الحفر تشيليه في صحن وبعدين تغرفي الرز وضعي الدجاج فوق الرز وبعدين تنثرين الجزر والزبيب الذي في الصحن على الوجه وصحتين وعافيه

**ام ليونه** · 21-02-2004, 05:30 PM

سلام اخيتي ضوء القمر
اعذريني على تاخيري في الرد عليك
تحطي الرز مع الدجاج ماتشيليه ..
ولا تنسي تبشريني اذا سويتي الطبخه ..!
تحياتي

**ضوءالقمر** · 07-03-2004, 03:41 AM

باركوا لي ساويت الرز بخاري وطلع كتير لذيذ والحمد لله

تحياتي لك من ساعدني

**أنسام** · 07-03-2004, 05:27 AM

مبارك عزيزتي ضوء القمر بتستاهلي كل خير بس ما حكيتيلنا اي طريقه اتبعتي تحياتي لك0000

**وعود الخير** · 07-03-2004, 10:05 AM

حلوة الحلوة... أم ليونة..زز بارك الله فيكما .. عملته يوم الجمعة وكان أكثر من رائع ....
من قبل كنت أضع كمية من البهارات عليه فيكون الطعم مختلف.. ولكن هذه المرة كان طيب بشكل ..
ضوء القمر .. بارك الله فيك وصحتين وعافية.