* دجاج مع الخضار *

**إيمان علي** · 31-01-2004, 04:28 PM

يا سلااااااااااااااااااام، من زمان ما أكلنا سوا يا جماعة.. ولهذا جربت أكلة جديدة وقلت ناكل مع بعض

أكلة لما تحتاري بالأكل وشو بدك تعملي حضريها بعشر دقائق واطبخيها بساعة تقريباً وفعلاً لذيذة جداً.

* المقادير *

دجاجة مقطعة ومنزوعة الجلد ومغسولة ومجففة
بصلة كبيرة مقطعة دوائر
حبتين بندورة كبار مقطعين دوائر
2 كوسا مقطعين دوائر
2 بطاطا متوسطة الحجم مقطعين دوائر
حبتين فلفل أخضر مقطعين دوائر
وإذا عندك خضار ثانية ما في مانع

سنين ثوم
1 ونصف م ص ملح
نصف ملعقة فلفل أسود
ملعقة basil أعتقد اللي هو بالعربي الحبق أو الريحان! ما هيك؟!
ملعقتين كبار بقدونس أخضر مفروم
ربع كوب زيت

* الطريقة *

بعد التقطيع

كله امزجيه مع بعضه جيداً بحيث يتوزع الزيت والبهارات بصينية
رتبيه وحطيه بالفرن المحمى على حرارة 400 فهرنهايت وما تغطيه

بعد ساعة وربع تقريباً سينضج والرائحة رح تملأ البلد

المرق رح يتصفى منه بكثرة لهذا السبب جففنا الدجاج بالبداية، نكهة المرق كثير لذيذة وفيها حموضة بسبب البندورة .. يم يم

طلعوها من الفرن وصحتين وهنا.

يؤكل بخبز أو جنب الرز أو السلطة.

**Dandosh** · 31-01-2004, 10:05 PM

يسلم ايديكي يا امونة .. زوجي لما يشوفني عاملة هالاكلة بيقول لي شكلك اليوم ما الك خلق تطبخي

من كتر ما هي سريعة ..
مزبوط basil هو الحبق او الريحان

**زوجة داعية** · 31-01-2004, 10:48 PM

تسلم إيدك ياأم بلال

هذا الطبق أحبه ودائماًأعمله

**إيمان علي** · 01-02-2004, 01:31 AM

تسلمي دندوش وزوزو..

شكلي مش نافعة.. كل ما أجرب أكلة بتطلع قديمة

وعلى فكرة أنا أول ما تزوجت علمتني إياها ماما، بس فيها صلصة.. ما حبها زوجي لأنه فيها صلصة مع أنها كثير لذيذة. بطلت أعملها، والحمد لله هذه مثلها بس بلا الصلصة فحبها كثير.. واليوم ضحيت بفطوري برة حتى أفطر منها ببيتي لوحدي

**مـiـى** · 01-02-2004, 11:02 PM

كتير شهي و , إضافة الخضار المشكلة شئ جديد علي .

على فكرة البخار وصلت رائحته لعندييييييييييييييييييي

.

**إيمان علي** · 02-02-2004, 10:30 PM

صحتيييييييييييييييييييييين يا منمن وعوافي

**متفائلة في زمن اليأس** · 03-02-2004, 12:54 PM

ممممممممممممم

تسلم يديك على الوصفة يا أم بلال ......

سأجربها عن قريب بإذن الله ...

**إيمان علي** · 04-02-2004, 04:12 AM

صحتين مقدماً يا متفائلة

سلمتي.

**عسولة المنتدى** · 04-02-2004, 02:09 PM

إيمان مشكورة على هالوصفة وإحنا نسميها صينية الدجاج وساعات نحط صلصة وساعات لأ ... وجربي تحطي فيها بزاليا وذرة راح تصير لذيذة أكثر بعد ... يسلموا

بس اللي لفت نظري في الموضوع كله .. إنك بتستخدمي القصدير الجاهز في الطبخ .. بصراحة فكرة روعة يعني بدل مالواحد يغسل بهالمواعين وغيره ... بس إنت ترمينها بعد الاستخدام صح ؟؟