تويت
الكبه //على هامش طبق اليوم لشهر الصوم //
وأخييييييييييييييرا تشجعت وقررت انزل طبق
طبعا من المعروف انو للكبه اشكال وانواع وهاد نوع من أنواعها اذا بدكم الحقيقه اني بجد مالي عارفه اسمها
هي بتشبه المشويه شوي
المهم عندي هو انو طريقتها سهله وسريعه
المقادير اكيد حسب الرغبه ولكن بشرط ان تكون اللحمه اكثر من البرغل بزياده شوي
يعني مثلا
ربع كيلو برغل ناعم
كيلو لحمه مفرومه ناعمه
بصله كبيره
ملح
نعناع ناشف
فليفله ناشفه ناعمه
كمون
ماء وقت الحاجه
اولا بالماكينه المخصصه للكبه نضع البرغل المغسول والبصل ونديرهم لوقت البرغل يصير عجين
وبعدها نضيف اللحمه والبهارات ونخلطها باليد وبعدها مره وحده فقط بالماكينه
ولو شفناها بتلصق نضع ماء
ونعجنها باليد شوي
وبعدها نقطعها دوائر لحتى تسهل علينا وضعها بأسياخ الشوي
ونشويها لوقت تحمر شوي
لاأحد يضحك على الشوايه لانو هون ممنوع الشوي بالبيت وهي من اختراع زوجي
والنتيجه
أنا عملت جنبها بقدونس وبصل مع سماق روووووعه
سامحوني على الصور لاني والله أخذتها على السريع وماكنت ناويه انزلها بالركن ابدا
وغير هيك ابدااااااااااااااااااااا لاتنسوي اني بجد يجد فاشله
وهي اول مره والله بحياتي بعملها
حتى طريقة شويها في منهم بصفوها كرات صغار جنب بعض بالسيخ وبشووها
جربوها على كميه صغيره حتى ماتدعوا علي
هي بجد طعمها مميز وروووعه
ويارب تعجبكون
تعليق