السلام عليكم اخواتى فى الله ياااااارب تكونوا كلكم بخير
دى مشاركتى الثالثة فى ملف اطباق بحربة و يارب ينول رضاكم
انا علاطول اجيب كيلوى سردين** اقلى نصه و النص التانى اعمله صنيه فى الفرن
نبتدى بصنية السردين فى الفرن
المقادير
نص كيلو سردين الحجم اللى انتى عايزاه
2 حبة طماطم مقطعة
1 حبة فلفل اخضر حامى و لو مش بتحبى الحامى خليه عادى
حبة بصل كبيرة مقطعة
3 فص توم مقطع
عصير نص ليمونة
حوالى معلقتن كبار كرفس او كزبرة خضراء مقطعة (اختيارى)
ملح*كمون*فلفل
3 معالق زيت كبار
الطريقة
· هنحطه على البوتجاز حوالى 10 دقايق(او لحد الميه اللى فيه تكون خفيفة ) و نغطيه طبعا ..لحد الفرن بتاعنا يسخن ال10 دقايق دول
· نحطه فى الفرن لحد ما يستوى و الميه بتعته تختفى تماما و ممكن تفتحى الشوايه عشان الوش يحمر
و ان شاء الله هتدوقى احلى و اطعم صنية سردين
*****************************
السردين المقلى
المقادير
نص كيلو سردين متنضف طبعا
2 فص توم كبير
ملح * فلفل * كون * شطة ناعمة
عصير نص لمونة كبيرة
الطريقة
** نخلط السردين بالمقادير السابقة( و يفضل تركهم فى التلاجة نص ساعة او ساعة قبل القلى )
** هنجيب السردين و نعفره بالدقيق او نرش عليه الدقيق و نفض من عليه الدقيق الزيادة عشان
الزيت مايتحرقش
**انا بطلع جزء طرى شويه و بطلع جزء مقرمش و ناشف شويه (يمممممم ) انا بحب الناشف جدا
و لاااااااااااااازم ادوق طبعا و انا بقلى ههههههههه
و هتدوقى اطعم سردين مقلى ان شاء الله
يا رب موضوعى البسيط يكون عجبكم
و بحبكم فى الله يا احلى صحبه
فى رعاية الله و حفظه
الروابط المفضلة