هقولكم انهاردة ان شاء الله على اسهل وأسرع طريقة لعمل الكابوريا
بجد طريقة سهلة جدا وطعم الكابوريا بيكون كمان جميل جدا وممكن كمان بنفس الطريقة دى بالظبط نعمل الجمبرى
المقادير
كيلو من الكابوريا
بصلة كبيرة مقطعة
4 فصوص ثوم مقطع
2 ثمرة فلفل اخضر مقطع
كمون - فلفل أسود
الطريقة
نضع الكابوريا فى مصفاة ونغسلها جيدا بالماء الجارى
وبعدين نسيبها شوية تتصفى من الماء ثم نضعها فى حلة على النار بدون اضافة اى مواد دهنية ثم نضيف عليها البصل والثوم والفلفل الاخضر والتوابل
نغطى الحلة ونترك الكابوريا خمس دقائق وبيكون ده شكلها
شايفين بعد خمس دقائق بالظبط تحول لونها للون البرتقالى ودى اللى كانت تحت نقلبها كويس علشان كل الكابوريا تستوى كويس
وممكن وهى متغطيه نمسك الحله ونرجها جيدا علشان نضمن ان كل الكابوريا استوت كويس
وممكن تستغرق حوالى 10 الى 15 دقيقة بسسس
وبتبقى بالشكل ده
شايفين كلها اخدت اللون البرتقالى واستوت كويس
وده شكلها فى طبق التقديم
يارب تكون عجبتكم الطريقة وتكون سهلة عليكم
وزى ما قلتلكم ممكن بردو يتعمل الجمبرى بنفس الطريقة وبيكون جميل جدا
بالهنا والشفا ليكم
الروابط المفضلة