ما شاء الله
مأكول الهناء الصحة و العافية , و كل سنة , إنت و كل حبايبك , و كل عضوات منتدانا بخير
و إن شاالله دايمآ و على طول بتطبخي هالطبق بالهنا و الصفا و الأعياد و المسرات و المناسبات و الجمعات الحلوة و السعيدة , و كل أحبابك حواليكي
و على سيرة المنسف : اتذكرت مرة وحدة رفيقتي من محافظة السويداء التي يشتهر أهلها بالكرم الشديد , و طبخ المناسف للضيوف
كانت تعطيني وصفة المنسف لأنها شاطرة بهالوصفة
قالتلي : وقت اللي بتسلقي اللحمة حطي مع مية السلق ملعقة سكر , بتلاقي اللحمة استوت بسرعة بدون ما يتأثر طعمها
و فعلآ : مرة بالبيت عم نسلق لحمة للطبخ , حطيت سكر مع إنه ماما ما كان عاجبها الموضوع , و لقينا اللحمة استوت بسرعة , و الحمد لله , ماما ما زعلت مني بعدين
مشكورة حبيبة قلبي على هالوصفة العراقية الفاخرة
و كل عام و الجميع سالمين
الروابط المفضلة