اخواتي انا بدي اغلبكم

عادتا لمى بدي اطبخ بسلق الدجاج ويمكن هاي الطريقه الاغلب بيعملها

وبعدين بحط الجاج بالصينيه وبحطه بالفرن علشان يتحمر

يعني انا مش عارفه وين المشكله الجاج بتحمر بس الوش بطلع ناشف

يعني قاسي ما بتقدري تاكليه ومن جوى طري


ايش بتعملوا انتم الله يخليكم جاوبوني لاني مليت من الطبخ والتحمير


الله يخليكم لا طنشون موضوعي
ترى بستني sid


سلام

ولا يهمك اختي الموضوع بسيط ان شاء الله
ضعي قطع الدجاج في صينية الفرن ( بدون سلق ) وضعي عليه الملح و التوابل وكوب ماء وقليل من الزيت ثم غطي الصينية بورق الالمنيوم ( الفضي ) وادخليها الفرن في الوسط وعلى حرارة 350-400 f
او 180-200 c
وراقبيه الى ان ينشف الماء وبعدها ازيلي ورق الالمنيوم وافتحي الحرارة من الاعلى لكي يتحمر الدجاج
واذا كان الدجاج لم ينضج بعد تستطيعين اضافة الماء ( طبعا هذا قبل ما تحمريه )
والف عافية
اخبريني النتيجة

اهلا بك اختي العراقيه

هاي الطريقه بعرفها وبعملها بالجاج المشوي
بس انا بسلق الدجاج وبستعمل ماء السلق في عمل الطبخه نفسها يعني بعمل مقلوبه او صلصات وبحط من ماء السلق للارز او الصلصه

عزيزتي في هذه الحالة يمكنك عمل خلطة من الكاتشاب وقليل من البهار(وشوية فلفل اذا كنتي بتحبي الدجاج الحار)...وبعدين ادهني وجه الدجاج بهذه الخلطة وضعيه بالفرن حوالي 10 دقائق لما تتنشف الخلطة

اولا بيعطي الدجاج طعم لذيذ
ثانيا بيعطيه لون احمر جميل
ثالثا ما بينشف الدجاج

انا بحط على وجه الدجاج شوية زيت زيتون ما بينشف ..
و كمان اذا بتلفيه بالفويل يمكن احسن بطلع

بسيطة بإمكانك إنك تغلفيه بورق قصدير، ولما ينضج، فقط شغلي الفرن من فوق حتى يتحمر بعض الشيء فقط ليعطي لون من غير ما ينشف

مرحبا اخت ليني انا بيصير معي هيك
وفي عده طرق
اما بتقومي بتحمير الدجاج قبل السلق بس بتحطي عليه شويه زيت او ليمون علشان يتحمر الوجه وممكن تحمريه من الجهه الثانيه ولما يتحمر بتكوني مجهزه بصل مع بهار وشويه زيت وبتحركيهن على النار وبتحطي عليهن الماء علشان تسلقيهن هذه طريقه
او ممكن تقليهن قلي قبل السلق بس اعتقد انه مش صحي كثير
او تعملي زيي
اطبخي الجاج وبعد ما يستوي حطيه في صينيه وحطي على وجهه شويه زيت او ليمون ورشه بهارات اي نوع علشان النكهه بس والزيت واللمون يساعد في تحمريها بشكل سريع
ولما تتحمر اطفي الفرن واقلبيها على الجهه الثانيه يعني الجهه المحمره للاسفل هيك بتبقى طريه


او اذا عامله مقلوبه او اش فيه رز قبل ما يستوي الرز حطي عليه الجاج بعد ما تحمريه هيك مع السخونه والبخار تبع الطبخه بيبقى طري
وشكرا

فعلا الفويل رح بحل نصف المشكلة والحرارة كمان لاتكون كتير مرتفعة ودهنة اللبن الرائب شي ملعقة على الدجاجة المسكينة رح يحمرها احسن وممكن تخرمي الفويل بعد نصف مدة الطهي بس رديلنا ايش يصير معك.... الف سلامة على جاجاتك من القسوة ههههههههههههههه

كمان يمكنك ان تضعي عليه كمية من الليمون و زيت الزيتون و الثوم

الله يخليلي اياكم ما احلاكم وما اطيب اقلوبكم

شكرا للجميع علي الرد ورج اجرب كل الطرق الي حكتولي عنها
بس مش مره وحده على جاجه وحده كل مره بعمل طريقه

دندون شو هوا الفلفول عفوا الفويل ما عرفته اذا مش عارفه احمر الجاج بدي اعرف الفويل

bdooor عم تتمسخري على جاجاتنا اصلا جاجاتنا احلا من جاجاتكم جاجنا اوسترالي لون عيونه زرق وريشه اشقر فلازمه شويه حنيه هههههههههههههههههههههه


شكرا لكم
سلام