دردشة .. يارب تعجبك طريقة الكمونية
أولا .. تنظفى الكرشة كويس جدا .. مع نقعها لمدة نصف ساعة فى ماء بخل وملح ..
وبعدين تسلقيها فى ماء بفلفل أسود وحبهان وورق غار .. زى سلق أى لحوم )
وبعدين تغيرى الماء كمان مرة علشان لو فى أى رمل يكون خلصتى منه تماما
وقبل ما توصل للنضج تشيليها من الماء ..
(كرشة البقر بتكون أجمل من كرشة الضأن لأنها أكتر دسم )
وتكونى قبلها بساعة ناقعه حمص أكل ( مش حمص البليلة )
وتقطعى بصلة وشوية توم وفى ملعقة سمن تشوحيهم .. وبعدين تشوحى الكرشة والحمص معاهم
وبعد كده تحطى عصير طماطم ومعلقة صلصة .. وتسبيهم يتسبكوا على نار هادية ..
لأن كل ما الكرشة شربت من الطماطم كانت أجمل .. وطبعا تحطى ملح والكمون أهم حاجة ..
وبألف عافية ..
وأحنا بنحب أكلها مع فتة الخل والتوم
الروابط المفضلة