السلام عليكم
مجبوس التونه تعلمته من وحده بس غيرت فيه وطلعت طريقه جديده بمقاديري انا وصدقوني لذيذ للي يحبون السمج وتاكلونه بدون مرق او دقوس اوروب طبعا ويصلح للازمات اذا مستعجله
الكميه تكفي شخصين
المقادير:
علبة سمك تونه كبيره بدون زيت
كوب رز مغسول ومنقوع لمدة ساعه في ماي بارد
طماطه صغيره مبشوره
ملعقة صلصة طماط ( معجون)
بصله متوسطه مقطعه حلقات
كمية من زيت الذره
نص ملعقه صغيره بهارات
فلفل اسود وملح
3 ورقات غار
فصين ثوم مدقوق ناعم
الطريقه
1- نضع الزيت ونقلي فيه البصل حتى يحمر ( مثل طريقة عيش المشخول ) ونرفع البصل من الزيت ونرفع الزيت الزائد في طبق اخر ونترك كمية تكفي للطبخه فقط ( لاتكثرين)
2- نضع الثوم والطماط والصلصه والتونه والبهار والفلفل الاسود ونحركه شوي حتى يذبل الطماط قليلا
3- نضيف ماء قليل وورق الغار والملح حتى يغلي ثم نضيف الرز بحيث يكون الماء اعلى من مستوى الرز ب 2 سنتميتر ( مانكثر ماي عشان مايعجن )
4- نتركه يغلي واذا نشف الماء نضع حديده ونخفف النار الى اقل شي حتى ينضج
5- عند التقديم يزين بحلقات البصل وقليل من البقدونس او الكزبره المفرومه
بس بصراحه شي خيالي ماينشبع منه
سووه وادعولي
بس لاتقولون موضوع مكرر لاني سويت بحث ومالقيته وحتى لو مكرر انا طريقتي غير وبالمقادير
الروابط المفضلة