السلام عليكم ورحمة الله



دى اكلة سهلة للعرايس والمبتدئات وبتبقى حلوة اوى فى العزومات
بس قبل ماكتب اى حاجة عنها
متنسونيش فى الدعاء ان ربنا يفرجها عليا ويرزقنى بالزوج الصالح
نبدء بقى ياقمرات
المكونات
فرخة بلدى

4 بطاطس

مقادير التتبيلة
بصلة

م ك مستردة

2 م ك صويا صوص

ملح وفلفل

م ك بابريكيا

2 م ك خل

ليمونة

بشر جزر اختيارى

قليل من الزعتر الناشف

هنخلط مقادير التتبيلة مع بعض ونتبل بيها الفرخة كويس وندعكها كويس ونتبل مابين الجلد والعضم

هنسيبها يوم بايتة فى التتبيلة

هنجيب صينية نقطع فيها 4 بطاطس وعليهم رشة ملح وفلفل

نحطها ع النار يعنى البطاطس بس لونها يتغير هنشوحها يعنى

بعد كده نجيب الفرخة نحطها هى والتتبيلة على البطاطس

نغطى الصينية ونسيبها ربع ساعة على البوتاجاز لغاية ماالفرخة تجيب ميتها بعد كده قلبت الفرخة بعد كده ندخلها الفرن

انا عملتها فى فرن الكهربا على حرارة 180

هتقعد حوالى ساعة فى الفرن

بعد ساعة الا ربع نجيب شوكة عشان نشوف الفرخة استوت ولا لسة

ان كانت استوت هنطفى

وهندخلها فرن البوتاجاز ونشغل الشواية عشان تاخد لمعة من فوق

ونغرف وتتاكل بالهنا والشفا

هسيبكم مع الصور بالترتيب والتفصيل

تسلم الايادي روووووووعه
الف صحه على قلوبكم وان شاء الله ربنا يرزقك بالزوج الصالح التقي

ممممممممم
يسلموا يديك

اهلا بك بيننا اختي
وصفة حلوة
اذا كانت من يديك نرجو منك تحميل الصور من مركز تحميل المنتدى
حياك الله

يسلمو ايديكى حبيبتى
بالف هنا

تسلم الايادي يا موني

هي فعلا ولا اسهل

صحتين وعافية

وأهلا وسهلا بك دائما على صفحات منتدى لكِ

جميله ماشاء الله تسلم الايادى
وربى يرزقك بالزوج الصالح

...

جميله جدااااا وسهله
ماشاء الله تسلم الايادى
وربنا يرزقك بالزوج الصالح

ربنا يخليكم ياقمرات
شكرا ع ردودكم الجميلة

تسلم ايدك اختي
وريته الله عافيه عليكم