يسعد صباحكم صبايا
امبارح طبخت ملفوف محشي خص نص لعيون ام وسيم ههههه
حبيت اشارك بهاد الطبق لانه عنا الكل بطبخ الملفوف بهاي الطريقة
المقادير
راس ملفوف 2 ونص كيلو غرام
نص كيلو رز مصري منقوع
وقية لحمة عجل مفرومة ناعم مرتين
فلفل اسود وبهار سادة وملح وعصفر
تومة سنان وسنين تومة مفرومين ناعم
زيت وسمنة
اول اشي بنسلق الملفوف بمي سخنة وشوية ملح
الرز المنقوع بنصفيه من ميته وبنحط عليه البهارات والعصفر والملح
بنحط الزيت والسمنة عالنار وبس يسخنو بنحط التومة المفرومة ناعم مجرد دقيقة من دون مايتغير لون التومة
بنصب الزيت والسمنة السخنين عاللحمة وبعدين بنفركهم بطراف اصابعنا وبنلبش نحشي الملفوف
بنحطهم بطنجرة ضغط واخر اشي بنضيف التومة المقطعة دوائر
بنحط عليهم مي سخنة يادوب تغمرهم وشوية ملح وبنحط صحن عشان حبات الملفوف ما يتنفلو
انا بطبخه بطنجرة ضغط نص ساعة على نار هاااااااادية
عند التقديم بضيف الليمون عليه ونعنع ناشف بس ماكان عندي نعنع اكتفيت بالليمون
بتركم مع الصور
الروابط المفضلة