كمية من السمك على حسب أفراد العائلة
يا هلا بكل أحبتي
بعد ما أكلنا اللحمة وشبعنا منها
نرجع لقواعدنا مع السمك
حبيب قلبي
رغم إن الغالبية لا يفضلونه بوقت الشتاء
نجد من يقول بأنه من الأكلات التي تظهر البرد
ولكني لست من أنصار هذه المقولة
فالأسماك من البروتينات سهلة الهضم
والمفيدة أيضاً لغناها باليود والفوسفور
وفيتامين أ ود
ويكفي أنه بروتين قليل الدسم
***
ولما أسأل ولادي هنطبخ إيه؟
بكون في عقلي الباطن بفكر في السمك
موش عارفة ليييييه؟
من غير ما أسمع باقي الأراء
أولاً أنا بحب السمك موووووووووت
وعشان كده أغلب أكلنا في يوم الجمعه
بيكوووووووون سمك
تعالوا معايا على أحلى طبق سمك
إشتريت سمك مكرونة
وسبب حبي لسمك المكرونة
إن طعمه قريب لطعم الجمبري
واللي إكتشفته إن نوع السمك دا
بياكل الجمبري وكذا مرة أشتريه
ألاقي في فم السمكة جمبرياية
عشان كده بضرب عصفورين بحجر
أشتري سمك المكرونة
عشان ألاقي جمبري
هههههههه لأ ناصحة
وسمعت من صديقتي الحبيبة دهوبة
إن إسمه مليط
على العموم موش مهم عندي الأسم
طالما هااااااااااااااااكل سمك
مليط ولا زيد ولا عبيد
موش هتفرق معايا
*طريقة العمل*
أنا جبت سمك مكرونة منظف
تبلته بالتوم والملح والكمون والليمون وقطعة فلفل حامي
نهرسهم سوياً
ونترك السمك في التتبيلة مدة ساعة
ثم نغطيه بالدقيق
وبعدها نبدأ في قليه
نصيحة مني وأنتم أعلم مني بالتأكيد
لا نملأ الطاسة كثيراً بالسمك حتى نحصل
على سمك مقرمش ومتحمر حلو
عملت معاه رز بالبصل
حمرت بصلة كبيرة ثم أضفت لها معيار المياة
على حسب معيار الأرز
وعندما تغلي
أضيف الأرز والتوابل (ملح وكمون)
وعندما يبدأ بالتشرب أهدي النار عليه
حتى يستوي
تفضلوا معنا
وبالهنا والعافية على الجميع
يا جماله يا جماله
يا قرمشاتك يا أحلى سمك
معلش بقى بعد ما باكل السمك
بنااااااااااااااااااااااااااااام
واناااااااااااااااااااام
الروابط المفضلة