صبــــــــــاحكم مســـــــــــــــاءكم فل وعنبر
صبــــــــــاحكم مســـــــــــــــاءكم سكـر مكرر



بالرغــم من مشـــاغلى هذه الأيــام الباردة
وبالرغم من إكتئابى من الأحداث المؤسفة

وجدت هذه الرسالة الرقيقة
من الحبيبة الحبوبة
تدعونى برقتها المعهودة
لمشاركتكن يا غوالى
فى موضوع المشاوى



ومن عمق مطبخى الصغير
قمت ونفضت عنى غبار الكسل والشخير

وأبت نفسى المتكاسلة
إلا مشاركة أخواتها

ولو بشئ بسيط
مش محتاج ترتيب ولا تزبيط

لكم منى كثير الود
والـــــ.....ورد

وأســألكم الدعــاء لى بظهر الغيب وأهلى وأهل مصر والمسلمين جميعا

بسم الله نبدأ

أولا مشويات الخضار

خضار مشكل مشوى

صورة للتشويق



المقادير والطريقة

أى خضار مشكل عندك مجمد أو طازج
أنا جبت أسباراجوس طازج + فلفل أحمر طازج + بصل صغير مجمد

تتبل الخضروات بزيت الزيتون والثوم البودرة + ملح + فلفل + روز مارى وزعتر

أنا فى الأول وضعتهم فى طاسة على نار هادئة علشان البصل يفك



ثم يوضع فى صينية فى الفرن ونفتح عليه الشواية
ممكن أيضا يوضع فى قطعة فويل على الشواية الغاز

أنا بأحبه متحمر شوية بالذات الفلفل أمووووت فيه





قدمته مع الأرز الباكستانى للحبوبة أخت فى الله






رووووووووووعة والأرز تحفة أنصحكم تجربوه
وده رابط الحبوبة أخت فى الله
♥♥♥♥ طرق مبتكره لعمل وراك الدجاج .....تحففففففه بجد ♥♥♥♥

البطـــــــــــاطـــــــــا المشـــوية

طبعا طريقتها مش محتاجة إفتكاسات
هى البطاطا تآخديها وتغسليها كويس
وإما فى الفرن أو على الشواية
وإعملى فيها شق من المنتصف علشان تستوى كويس

روووووعة أموت فيها




منظـــــــر داخلى ههههههههه






تتآكل كده أو ممكن تضيفى عليها سكر بنى ومكسرات وحبشتكانات لزيادة الوزن
لكن أنا أضمن لك إنها كده لوحدها تزود الوزن مش محتاجين إضافات


وممكن طبعا تتعمل صينية وحاجات تانية كتير مش وقتها دلوقتى ممكن نعمل لها ملف لوحدها لاحقا بإذن الله

مشويات البروتين

الشيش طاووق بالخلطة السرية

الخلطة دى إن شاء الله ما بتخيبش أبدا

المقادير بالبركة كده

أوراك دجاج مخلية وممكن صدور لكن الاوراك بتكون أحلى

التتبيلة
ملح فلفل روزمارى ممكن بابريكا لو عندك
السر بقى فى الزبادى + المسطردة ( الخردل) + زيت ويفضل زيت الزيتون + معلقتين خل

قطعى معاهم فلفل ألوان + بصل + طماطم لو حبيتى

وتشك بالأعواد وتشوى بالفرن أو على الشواية

كفتة المعلم مشــاوى

الكفتة عادية ما فيهاش شئ غريب
بس حطيت فيه كزبرة وبقدونس
والكزبرة إديتها طعم خرااااااااااافة

كمان حطيت علبة فيها مية مع الكفتة فى الشواية علشان تبقى طرية



توضع فى صينية فى الفرن أو تصبع على معلقة خشبية وتشوى



أنا بأشويها فوق شوية ولما تمسك نفسها أنزلها على الرف اللى تحت
ملحوظة كمان : الكفتة ساعات بتلزق على الأسياخ وتفك من بعضها ولحل هذه المشكلة
إما تحطى الكفتى فى الفريزر قبل الشوا
أو فيه زيت بخاخ جاهز للأسياخ قبل الشوا علشان ما تلزقش الكفتة فى السيخ وتتقطع
أو الأرخص تجيبى بطاطساية وتقطعيها من المنتصف وتمشيها على الأسياخ قبل الشوا
النشا اللى فى البطاطس بيكون على السيخ ويمنع الإلتصاق





زووووووووووووووووووووم

صدور الدجاج المشوية

راااااااااااااااائعة والسرررررررررررر فى الخلطة

المقادير والطريقة مع بعض بالبركة

صدور دجاج مقطعة مكعبات



الخلطة

صوص الباربكيو - ورشسترشاير صوص - صويا صوص - فصين ثوم مفرومين
معلقتين خل + معلقة سكر كبيرة +زنجبيل بودرة + كاتشاب + عصير ليمون
زيت زيتون + ملح وفلفل


وتتبل وتترك ساعتين أو تلاتة
وقطعت معاها فلفل أحمر



ثم توضع بأعواد الشواء أو تشوى فى الفرن أو الشواية الكهربا
وده شكلها بعد ما إستوت




قدمتها مع العيش والشيبسى والخضار المشوى



زوووووووووووووم

هوت دوج و برجر وبطاطس فى الفويل

الهوت دوج والبرجر جاهزين بس طبعا
المنتدى ملئ بوصفات البرجر الرائعة

أما البطاطس غسلتها كويس ولفيتها بالفويل وسيبتها على الشواية
ولما بدأت تستوى فتحت الفويل وقسمتها نصفين وكنت محضرة الخلطة السرية
( زيت زيتون أو زربدة وبودرة ثوم وملح وروز مارى)

بعد ما إستوت





وهنا فى الأطباق
وعملت خلطة خارجية ( زبدة + القليل من الملح وبودرة الثوم) للى يحب يستزيد من الدهون ههههههه






وبألف هنا عليكم

الحقيقة كنت ناوية أعمل كمان بيتزا بالشواية
وذرة مشوية وكمان سمك
لكن لم يمهلنى القدر
زى ما إنتم شايفين كده
حصل اللى حصل



وأصبحت الشواية فى خبر كاااااااااااااان

وأغلقت لحين إشعار آخر هههههههه

وكل برد وإنتم طيبين