* وصفة مصوره *رأيكم محشى كرنب وبط محشى
ازيكم عاملين ايه وحشتونى
من غير مقدمات كتير عشان النهاردة عندنا شغل كبير نبدأ بأه مع بعض قبل البط ما يطير
محشى كرنب وبط محشى ومتحمر فى الشواية يا سلالالالالالالام
انا مصورتش خطوات المحشى عشان كلنا عارفينها بس هقولها برده للافادة
انا بجيب الكرنب بقطعه ونسلقة ونقطع الروق ونجهزه للحشو
الحشو ..بحط فى الحلة حتة سمنة بلدى طبعا وعليها البصل المفروم (بصل كتير بعمله فى الكبة)
واشوحه شويه على ما اعصر الطماطم يعنى مبحمرش البصلة نى فى نى وطعمه يمى يمى بعدين احط الطماطم وعليها ملح فلفل كمون بهارات مكعب مرقة ورق لورى شوية زعتر شوية زنجبيل ولما تتسبك احط الرز المغسول والخضرا المقطعة واقلب وبتذوقه واعرف عاوز ملح ولا لأ..واحشى وبحط له شوربة من بتاعة البطة اسويه بيها
البطة..اجيبها اغسلها وافرم بصلة وعليها ملح فلفل كمون كارى بهارات زنجبيل واقلبهم وادعك البطة من الجانبين ومن جوه كويس واخيطها واكون حطة فى الحلة جزر وكرفس وبصل واشوح البطة ثم اضع الماء والملح والفلفل واللورى والمستكة والحبهان واسيبها تغلى ولما تغلى اوطى النار واسيبها تستوى براحتها وممكن تختبرى السوى بالسكينة فى الورك او الصدر
ولما تستوى انشليها وحطيها فى صينية وحطيها تحت الشواية وقلبيها من الاربع جوانب
سلطة الزبادى..كوب زبادى عليه شوية خل صغيرين وذرة ملح وذرة فلفل ورشة كمون وقلبيه كويس وقشرى خيارة وابشريها وحطيها وقلبى.
رد مع الاستدلال
كتبت بواسطة أم مــــالــــك
الروابط المفضلة