سؤال

اخواتي
لقد احضر لي زوجي دجاجة كاملة غير مقطعه واريد ان اضعها على شواية الفرن

ماذا افعل بعد السلق

أختى العزيزة .. isabel

أنا مش فاهمة قصدك من شوايت الفرن .. يعنى تقصدى الشواية اللى بتدور وبيدخل فيها الفراخ ؟

ولا قصدك الفرن ..؟

على العموم الموضوع فى الأثنين واحد ومش محتاج للسلق ..

أولا : بتقومى بتنظيف الفرخة تحت الماء وتتأكدى من منطقة الرقبة أنها نظيفة ..

ثانيا : تحضرى أناء عميق تضعى به ماء وملح وخل وتضعى الفرخة لمدة 10 دقائق على الأقل به .. ثم تنتشليها وتحضرى دقيق حوالى 4 ملاعق وتمرريه عليا من الخارج والداخل ..


كده تتخلصى من روائح الطيور وتكونى نضفتيها تمامااااااااا


بعدين نحضر الخلطة لتتبيل الفرخة ..

بصلة كبيرة
ملعقة ملح
فلفل أسود _ وجوزة الطيب ( تعطى للفراخ خاصة نكهة طيبة )

وقرنفل وهيل

وبهدين تحطى البصلة فى الخلاط ولغاية ما تصبح عصير وتضيفى عليها التوابل مع لمونة كبيرة عصير طبعا ..

وتتبلى الفرخة بيهم جيدا ومع وضع التتبيلة بين الجلد واللحم ومن الداخل .. وتتركيها فى التتبيل
حوالى ساعة ..

وليكى حرية الأختيار ما بين أنك تحطيها فى شواية الفرن زى ماهى وتكون الشواية بتلف ..

أو فى كيس من أكياس الشوى ..

أو تحشيها أرز وتحطيها فى الفرن فى صينية اللى بيكون بيها شبكة لوضع الاكل عليها

والفراخ بتأخد نضجها مابين ساعة وساعة وربع على درجة حرارة متوسطة

اختي العزيزة bosy98

اشكرك اختي من اعماق قلبي ( ريحتيني الله يريحك )

جزاك الله كل خير وتسلمي على المساعدة

انا فى الخدمة ..

وشكرا على الدعوة الجميلة .. ولو حابة طريقة الارز اللى تحشى بيه قوليلى وانا اكتبها

وكمان الطريقة دى بستخدمها حتى فى الفراخ المقطعة

الطيبة bosy98
مشكورة اختي الغالية بس زوجي ما ياكل رز ابدا ابدا