كفته اللحم بالبيض المسلوق

**omheasham85** · 25-09-2003, 12:51 AM

المقادير
نصف كيلو لحم أحمر مفروم و خمسه بيضات مسلوقه و مقشره
بيضه مخفوقه و بقسماط
بصله مبشوره و ملح و فلفل و بهارات و حلقات طماطم
السبايسي : مقدار دقيق و2 مقدار بقسماط مطحون ويضاف التوابل والبهارات والملح والفلفل الأسود
الطريقة
يخلط اللحم المفروم بالبصل و التوابل و الملح وبيضة ونصف رغيف منقوع ومصفي جيدا و يعجن جيدا ثم تقسم أجزاء
تبلل اليد بالماء أو الزيت و يضغط عليها ثم توضع بيضه مسلوقه فىالوسط و تلف اللحم عليها
تغمس كل كفته فى البيض المخفوق و البقسماط او السبايسي و تقلى فى السمن المقدوح أو الزيت
تنشل على ورق مطبخ ثم ترص فى طبق و تزين بحلقات الطماطم

**بنت الحدباء** · 25-09-2003, 02:44 AM

وصفة رائعة جدا اختي الفاضلة من زمان وانا ابحث عن هذه الطريقة لان مرة اكلتها عند صديقة لي واعجبتني جدا وساجربها قريبا واعلمك بالنتيجة عزيزتي والف شكر

**MISS_CHEF** · 26-09-2003, 02:51 PM

نفسي اجربها قريبا

وخصوصا رمضان على الابواب

شكلك مصرية صح

عندي سؤال عن الديك الرومي

ازاي بتعملية

**omheasham85** · 26-09-2003, 05:36 PM

أرسلت بداية بواسطة MISS_CHEF
نفسي اجربها قريبا وخصوصا رمضان على الابواب

شكلك مصرية صح

عندي سؤال عن الديك الرومي

ازاي بتعملية

اولا صح انا مصرية عرفتي ازاي هما المصريين مشهورين بالاكل ولا اية
ويا تري انتي اية جنسيتك
بالنسبة للديك الرومي انا كل سنة لي ديك رومي اعملة بمناسبة حضور ابني من ابو ظبي ونتلم كلنا ابني اللي هنا واللي متجوز هنا برضة وبتكون اكلة ظريفة

كنت الاول ارسلة الي محل تسيباس عندنا في القاهرة قبل العزومة بيوم ويقوم بوزنة وياخذ اجرة الطهي علي كل كيلو 10 جنية ويسوية ويتحمر ويتقطع ترانشات وتحتة سيرفيس ارز بالخلطة يجنن ونشتري منة سيرفيس سلطات كل الانواع اللي تتخيليها ويوصلة ساخن في الساعة التي نطلبها اما السنة دي نويت اني اسوية بنفسي وفعلا تبلتة بالبصل والكتشب والمستردة والبهارات والكمون والفلفل الاسود والملح والزعتر والكاري وكل ما تشتهي النفس من التوابل و واتركة من اليوم اللي قبلة بالليل في الخلطة وفي الصباح الفة كما هو بالتوابل بتاعتة في الفويل { انا كنت ناوية الفة في الكيس الحراري لكن لم اجد اكياس مقاس الديك } المهم لفيتة بالفويل ووضعتة في حلة كبيرة بدون ايدي طبعا علشان ما تتحرقش الايدي وكمان تكون غويطة اي ليست مفرطحة علشان لو ماء الديك تسرب من الفويل لا يبهدل الفرن المهم اتركة من 3 الي 4 ساعات وعملت انا الارز بالخلطة وحطيت علية الماء الذي تسرب بالحلة وكان لونة غامق وهو اعطي الارز لون جميل وعملت اشكال من السلطات ومحشي و.... و....
السلطات ممكن فاصوليا بيضاء مسلوقة ونقطع عليها بصل خيار فلفل اخضر رفيع جدا و مبشور الجزر ونفرم ثوم مع التوابل والخل ونقلبهم وممكن بقدونس بتكون رائعة وممكن مخللات وسلطة طحينة وفرمت عليها حمص الشام وبالهنا ممكن سلطة كرنب قلب الكرنبة نفرمها ونتبلها بما نريد اضافتة
ملحوظة المستردة بتعطي طعم مزز شوية وهي حسب الرغبة