رز معمر بالحمام ***اطيب طبق الذ مذاق****
السلام عليكم ورحمة الله وبركاته
ان شاء الله الكل يكون بخير
تاني مشاركة ليا في المسابقه
عملت رز معمر بالحمام وكان ما شاء الله حلو جدا
وسهل كمان
المقادير
2.5 كوب رز مصري مغسول
3 كوب حليب ساخن
حمام (اللي ما يحب الحمام ممكن يبدله بلحم مسلوق ومستوي او صدور فراخ كمان مستوية)
سمن بلدي (من عند ماما هههههه)
قشطه
ملح فلفل
بصلة صغيرة مقطعة رفيع
الطريقة نحمر البصل ونضيف الحمام نحمره كويس جدا على الجنبين ونضيف له ملح وفلفل
نضيف للرز قشطة وسمن بلدي انا بحط معلقتين كبار من كل نوع ونمزجهم كويس(انسو الريجيم )
في صنية (المفروض برام علشان يبقا مظبوط بس انا معنديش برام هنا) نضع نص الرز وبعدين فوقه الحمام وبعدين نوزع باقي الرز على الوش
ونضيف الحليب ومعاه معلقة سمنة على الوش ومعلقة قشطة كمان نوزعهم
ودلوقت مع الصور
بس خلاص
اتمنى يعجبكم ان شاء الله
كل عام وانتم بخير
رد مع الاستدلال
كتبت بواسطة omjasser
الروابط المفضلة