بسم الله الرحمن الرحيم

السلام عليكم ورحمة الله وبركاته

كل سنة وانتو سالمين
واهلا وسهلا فيكو في رحاب العشر الاواخر من رمضان

امبارح كانت اخر عزومة على ما اعتقد في رمضان والكل بلش يستعد
للعشر الاواخر اللهم اجعلنا من عتقاء الشهر يارب يا كريم


وحبيت اورجيكو عزايمي في رمضان مع الاطباق اللي قدمتها ويارب يكون لي الاجر والثواب


اول يوم كان حلو بلمة العبلة ووجود حماي وحماتي العزيزين اللزيزين زاد السفرة حلاوة والله
وههههههه صار نهفة معي بحكي لمعزوزي كم ضايل للاذان قال نص ساعة وانا قعدت واخدت راحتي
وبعدين اتفاجئت بصوت الاذان الله اكبر ويا حبيبي محضرة السفرة بس مش على الاخير وصرت الاطش واشتغل بسرعة
بس هم يرضى عليهم حكولي عمهلك اتوضو وصلو واكلو تمر واجيت اصور تك تك اك يا حبيبي فش بطارية يا الله شو اتنكدتتتتتتتتتتتتتتتت
المهم استهديت بالرحمن وقلت لعله خير
عملت جاجتين بس هم اكلو جاجة وعاودت بالليل حضرت السفرة والله منشانكو يا احلى ناس
وتكتكتلكوووووووووووووو

نبلش بسم الله
اول شي السحور


تحضير حسوة الجاج المحشي

لتحضير الحشوة
لحمة مفرومة مقلية اشوية وبقدونس وملح وفلفل وبهار‬



نقلبهم اشوية على النار


بعدين نضيفلهم ليستو تلتين السوى


هيك الرز بكون شكله حبته واقفة بس لسا ما استواش



انتهيت من تحضير الحشوة


تنظيف الجاجة بشوية لمون وملح وخل نفركهم منيح ونشطفهم‬


نبهر الجاجة بملح وفلفل وبهار
وننساش نحط شوية بهار في بطن الجاجة‬


فقرة الحشي وانا بحب احشي بين الجلد واللحم ممممممم بطلع طعم الرز خيالي‬



ايش رايكو بها التربيطة؟
بعمل فتحة بجلد الجاجة وبخل اجريها فيها وعند الجلد بنكاشة اسنان بسكرها‬


نترك الجاجة متبلة شي ساعة زمن


انا عملت جاجتين بس بدكو الصراحة كنا خمسة على السفرة كبار واكلو بس جاجة وضل منها‬


قبل لسكرها بس هيك رشة زيت خفيفة وبضيف بصلة معها بالكيس‬


نعمل فتحة بكيس الشوي


دور الشوربة
شوربة خضرة مفرزة قليها بشوية زيت‬




نقلي اشوية الخضرة بالزيت ةنملحها ونبهرها


وبعدين نضيفلها المرقة سواء مرقة لحمة او جاج زي ما بدكو


ونتركها تغلي على الهدوء لتستوي


الخضرة استوت وريحتها روعة



اخر شي نضيفلها شوية بقدونس






تحضير السلطات
لبن وخيار ونمعنع ناشف وتومة مدقوقة ورسة ملح نخلطهم مع بعض وسلامة تسلمكو‬




وهلاء وقت تحضر الرز هاي الحمة المفرومة ضفتلها مية لتستوي منشان الرز المفلفل




كله نقلي مع بعض


ونفلفل الرز بالمرقة


وهي الرزات استوي

نكمل

بالنسبة للعصير عملت قمر الدين
لفة قمر الدين فرمتها صغير وضفتلها نص لتر مية سخنة‬


حطيتها على الغاز اشوية وضليتني احرك فيها لداب اشوية‬


حطيته بالمولينكس وضفتله لتر مية بارة وخفقته‬



اضافة السكر حسب الرغبة


ونضربه ضربا مبرحا بالخلاط:80:


وبعدين نصفي بلاش يكون في كلاكيع مش مخفوقة




اذا احتاج مية فيكو تزيدو انا لقيته انه احتاج لانه طلع كتير جامد


وصحتين


الذ شي برمضان


وبلش الجد والكل عم يستنى الاذان


وهي السفرة الشوربة ويخنية البطاطا والجاجة والسلطات
جاب معزوزي تبولة وفلافل‬




فلافل محشي جبنة وفي محشي بصل وسماق


تبولة شغل معزوزي يرضى عليه


شو رايكو بشمعاتي؟:ahem2:




ولكم تحياتي واحتراماتي

الماسة
ام سوسو ولولو وعبد الله

سفره اشي فاخر من الاخر تسلم يدك والف صحه عليكم وصيام مقبول يا رب
سفره بتشهي بحق

ريتك سالمة تغريد وربي يبارك لنا بها الايام الفضيلة

ماشاء الله عليكي
ابدعتي...وكل عام وانت بالف خير يارب

سفره دايمه

صحه و هنا على قلوبكم

تسلمي يا قمر

يم يم يم يم عاشت حبيبتي على الاكل و والوصفات الطيبة تخبل يعطيج العافية
ما شاء الله الله لا يحرمنا من وصفاتك الحلوة

ماشاءالله سفرة عامرة بالخيرات وبلمساتك المبدعة
ألف عافية وكل عام وأنتم بخير

كتبت بواسطة الموناليزا14

ماشاء الله عليكي
ابدعتي...وكل عام وانت بالف خير يارب

موناليزا وانت بالف خير وصحة وعافية يارب

كتبت بواسطة أم فئ

سفره دايمه
صحه و هنا على قلوبكم
تسلمي يا قمر

الله يسلمك ام فىء ويديم الخير في بيتك

كتبت بواسطة ♥ نبعة الريحان♥

يم يم يم يم عاشت حبيبتي على الاكل و والوصفات الطيبة تخبل يعطيج العافية
ما شاء الله الله لا يحرمنا من وصفاتك الحلوة

نبعة الحنان الله يرضى عليكي ولا يحرمنا من طلتك

كتبت بواسطة لزانيا

ماشاءالله سفرة عامرة بالخيرات وبلمساتك المبدعة
ألف عافية وكل عام وأنتم بخير

لزانيا ممممممممم اسم لذيذ وانت بالف خير يارب

ماشاء الله يسلموا ايديكي يا الماسه وسفره بتشهي والف صحه علي قلبكم
وكل عام وانت بخير