هاد الموضوع المفروض يكون لملف اللبن للغالية ام وسيم
بس لاني بساوي المخشي خفيف كتير حبيت يكون مشاركة لملف الغالية ميسو اكلات صحية

المقادير
2 كيلو كوسا
3 اواق لحمة عجل مفرومة ناعم مرتين
4 بصلات كبار
ملح وبهارات مطحونة
بقدونس وصنوبر للزينة





اول شي بنقور الكوسايات ولما نعمل مخشي ما بنقور الكوسا كتير
يادوب نشيل اللبة اللي جوه



بنحط اللحمة مع البصل المفروم بطنجرة وبنفركهم بايدينا منيح
لحتى نحس بالحمة انخلطت منيح مع البصل
وبنشعل النار تحتهم اول ربع ساعة على نار متوسطة
رايحة تطلع المي من اللحمة
وبس تنشف المي بنوطي الغاز عالواطي

وهي شكل اللحمة قبل ما تستوي



بدها حوالي تلت ساعة لحتى تستوي
اخر شي بنضيف الملح والبهارات
انا استعملت هال مطحون زنجبيل بودرة فلفل اسود وبهار سادة
بس نطفي تحت اللحمة بنحط البقدونس المفروم والصنوبر المقلي




بنحشي الكوسايات باللحمة وبنقلي الكوسايات او بنشويهم بالفرن

بنحط الكوسايات عالنار وبنحط عليهم مرقة لحمة لو مافيه مي عادية

بنحط اللبن بالخلاط مع معلقتين كبار نشا
وبنصب اللبن عالكوسا وبنخليه يغلى ربع ساعة
انا بضيف نعنع ناشف اخر شي بس للاسف ما توفر عندي



يقدم مع الارز الابيض
بس للاسف ما صورت الارز معه لاني كنت عازمة ناس وما فضيت
ان شاء الله يكون الكوسا عجبكم لانه عنجد كتيييييييير خفيف وكتير ضيوفي انبسطو فيه

في امان الله

رووووووووووووعة ام عمرررر
تسلم الايادي الحلوة
وبالهنا على قلبكم

ماشاء الله تسلم ايدك الحلوة

وهو من الاكلات المفضله عندي

الله يعطيك العافيه

عاشت الايادي المعدلة على الوصفة الطيبة والطبق الشهي

بارك الله فيك غاليتي

امممممممممم
ريحة المخشي جابتني ركض
تسلم ايدك يا قلبي
شكلهم بشهوا
والف صحه وهنا على ضيوفك

روووعة
سلمت يمناك المبدعة
بوركتي يالغالية

أكيد رح يكون طيب وبشهي بكفي منظره أنا من عشاق المخشي وخاصه بس تكون الكوسا حبه صغيره
تسلم ايديك ويعطيك العافيه ياحلوه

تسلمي عالطبق الجميل
بالعافية عليكم
تحياتي و تقديري

تسلم الايادي يا قمر

وصحتين وعافية


المخشي من اطيب الاكلات

يسلمو ايديك ياقمر علي الاكلة الطيبة

صحتين وعافية يارب