حبيباتى وحشتونى جدااااااااااااااااا
أنا من مده ماعملتش مواضيع قولت أسلى نفسى وأنزل لكم الموضوع البسيط ده
وهو
بط محشى بالفريك وفراخ محشية رز
طريقة البط
طبعا بطه متنضفه ومغسوله كويس جدااااااااااااااا بالملح والدقيق والليمون
الحشوة
فريك أنا بنقيه وأغسله وأنشفه وأشيله لوقت الحاجة
طبعا ناخد شوية فريك وننقعهم فى ميه سخنه شوية بالشكل ده
وبعد كده بجيب بصله كبيرة أو بصلتين وأقطعهم مكعبات مش بالمبشره لأ
وأشوحهم شويه بقليل من السمن لما لونها يبقى دهبى
ثم أضيف عليهم الكبد والقوانص بعد تقطعيهم قطع
صغيرة وأضيف عليهم بهار لحمه وبهار فراخ وكارى وفلفل وملح وأسيبهم شويه على نار هاديه لغاية لما ميه
البصل تنشف شويه وأضيف عليهم الفريك بعد تصفيته من
الميه وأشوحهم مع بعض وأسيبهم على نار هايه شويه لغايه لما أحس الفريك بدأ يستوى
ودى عن قرب
وبحشى بيه البط بعد قفل الرقبه بخله أو بالخيط
وبعد كده بقفل البطه بالخيط أو بالخله
وأنا بسلقها على طول مش بشوحها علشان ماتبقاش تقيله لأن البط مليان دهون
وكل الدهون بتأثر على الشرايين المغذيه للقلب
أصل أنا عندى دكتورة فى البيت وبتخوفنى من كل حاجه (بنتى) ههههههههه
يعنى بسخن الميه وتكون مش كتير وأحط فيها البطه ولما يطلع الريم بشيله خالص لما الميه تبقى صافيه
خالص
بعدين بزود البهارات (اللورى- الحبهان- المستكه-الملح)
وخدوا بالكم كميه الشوربه تبقى مغطيه البطه فقط مش كتير بكده بيبقى طعمها خطير
وبعد ما تستوى بنشلها من الشوربه على صينية وأدخلها الفرن بدون أى اضافات
علشان تتحمر من غير دهون وهتلاحظى كمان أنها بتنزل كميه دهون كبيرة وبالتالى هتبقى صحية لنا علشان
مافيش اضافه لأى دهون
ولزوم الدلع قليت لأولادى حبايبى سمبوسك وكبيبة كمان
نيجى بقى للفراخ المحشية رز
وبصراحة هى طريقة روعة عملتها كتير جدا وولادى بيحبوها جدااااااااااااااا من جمالها
ودى صورها قولت انزلها
دى الفرخة بعد ماتبلتها وحشيتها
التتبيلة بتاعتها حبة طماطم مبشورة وعليها رشة فلفل أسود وملح وتبيتيها فى التلاجة لتانى يومدى الحشوه بتاعتها
الحشوة عبارة عنكباية أرز مش كبيرة مغسوله ومنقوعه من فترةكوب كبد فراخبصلالطريقةنبشر البصله ونضع عليها ملعقة سمن + شويى زيت ونحطها على النار لغاية لما يصفر لونهابعد كده نضيف عليها الكبد المقطعة ونقلبها كل شوية وبعد مانحس أن مية البصل بدأت تنشف نضيف لها كوب ماء ونتركها تغلى ثم نضيف عليها الأرز ونضيف بهارات فلفل أسود بهار فراخ وملح بس حكى بهار كتير هى الحشوة بيقها لونها غامق صدقينى هتبقى تحفه ونهدى النار لغاية لما الأرز يبقى نصف سوا
ونتركها تبرد ونحشى بها الفرخة
وبعد الحشو حطيها فى كيس الفرن
وعلى الفرن على طول
بس أنا عملتها فى صينيه لأن أكياس الفرن خلصت من عندى
حطيتها فى الصينية وضيفت لها 2 كوب ماء ومستكه وحبهان ولورى وجزر وعود كرافس بكده بتبقى الشوربه
بتاعتها خطيرة وغطيتها بالفويل
ودخلتها الفرن ساعه أو ساعة ونصف على حسب حجم الفرخة
بعد ماأستوت حطيتها فى صينيه تانية وحطيتها فى الفرن علشان تتحمر
الموضوع ده بتاعى ياجماعة وأنا نقلته للمنتدى هنا
وكده خلاص واللى عايز يحلى يتفضل
كنافه محشية لوز وجلاش محشى مكسرات
ومعلهش ياجماعة اتأخرت فى الرد أصل النت سايق دلاله
يارب الموضوع يعجبكم ومتنسوش التقييم
الروابط المفضلة