مسالخير غالياتي
كنت في غاية الحماس للمشاركة في الأسبوع الشامي بأطباقنا السورية والخاصة بمنطقتنا ولكن ظروفي لم تسمح
وكسبت الفرصة الماسية وبآخر يوم وحبيت نزل هالوصفة اللذيذة والمحببة عنا
صيينية البطاطا والدجاج من الأكلات الطيبة فعلاً و بنصحكن تجربو طريقتها وإن شاء الله بتدعولي 
قطع دجاج نصف مسلوقة +بهارات وتوابل مشكلة حسب الرغبة
بطاطا مقطعة شرائح و ليس أصابع
سلطة خضراء ,مخللات ,مايونيز وكتشب ...... حسب الرغبة
نضع قطع الدجاج النصف مسلوقة في التتبيلة وهي عبارة عن
عصير ليمون مع قطع الليمون مقطعة شرائح ,بصل شرائح ,ثوم مهروس
أعواد قرفة ,مسمار ,حب هيل
إضافة للبهارات المشكلة وهي
كزبرة يابسة ناعمة,زنجبيل ناعم ,فلفل أسود ,فلفل أبيض ,بابريكا ,سماق ناعم ,وأكيد الملح مع رشة زيت نباتي
طبعاً ما بدنا نكتر بهارات رشة خفيفة من كل نوع وحسب كمية الدجاج يلي عنا
نترك الدجاج متبل ساعتين أقل شي وممكن تجهيزه قبل بيوم
نقلي البطاطا ونضعها في صينية الفرن ولا داعي لوضعها على ورق المطبخ أو محارم المطبخ
نضع الدجاج المتبل فوقها وندخلها إلى فرن حامي 180 شغال من فوق ومن تحت
ونتركها حتى يتحمر الدجاج وياخد لون حلو
ونتأكد من أن الدجاج أخد استواء كامل
نضع على قطع الدجاج عصير الليمون مع التوم وطبعاً مع صحن سلطة خضرا ومخللات والمايونيز والكتشب يا سلام واستمتعو بالأكل
*وصفه مبتكره* صينية دجـاج وبطاطا بالفـرن والفرصـة الماسـية (للأسبوع الشامي )
رد مع الاستدلال
الروابط المفضلة