¶ وصفة متميزة ¶ وعوود هاد كمان مفتول فلسطيني (الاسبوع الشامي)
[CENTER]مفتول يا مفتول يوم عيد المفتول ههه شوفت موضوع وعود عن المفتول وكنت عم بحمل بموضوعي وقلت برضه بنزله ما هو زياده الخير خيرين
المهم انا عند اهلي المفتول بنعمله بمرقه وبصل وحمص ودجاج بس زوجي لانه كان من سكان ليبيا بحبه بخضار مشكله وعليها شويت مرق بندوره يعني انا ما بعمله مرقه حمرا كتير يدوب معلقه بس بفرم عليه حبه بندوره
والمفتول طبعا هون بيجي اكياس وحبته صغير بس مش كسكسه لانه مكتوب علي العلبه مفتول وفي نوع تاني مكتوب عليه كسكسه
اناعملت كاستين مفتول غسلتهم بماء دافي وبرشت بصله ناعم وحطيت كمون وما كان عندي عين جراده وشويت زيت زيتون ملح وحطيتهم بالنصف المفتول وحطيتهم علي صينيه مخزقه تحت مرقه الدجاج وغطيتهم بالقماشه
بالنسبه للمرقه
جاج مقطع بحوسه اول بالبهارات الكامله مثل الفرقه والهيل والفلفل وورق الغار وبعدها بضيف بصل شرائح كميه كبيره وبضيف ماء ولما نشيل الزفره وبضيف بهارات مطحونه هيل وكمون وبضيف الحمص انا كنت سالقته 4/3 يعني بعده شوي بقرقش وضيفته حتي يستوي مع الدجاج وقبل ما يستوي الدجاج ضيفت البطاطا والجزر ومعلقه رب البندوره وحبته بندوره مفرومه مكعبات كبيره ولما استوي ضيفت الكوسا لانها بتستوي بسرعه طبعا كان كنت اراقب المفتول وضيفت عليهم شويت زيت وقلبتهم راس الشوكه ورديت رجعتهم مره تانيه
وعند التقديم انا وضعت المفتول في الصينيه وحطيت عليه الخصار والمرقه ويقدم ساخن
هاي لعيون وعود
وهاي للصبايا الطيبه
[CENTER]
وصحتين وعافيه
رد مع الاستدلال
الروابط المفضلة