القدرة الغزاوية

اكيد القدرة الكل بيعرفها
بس اليوم حبيت اشارك معكم بقدرة من عمايل اديا

بسم الله
المقادير: دجاجتين حلوين وكبار شوي علشان الدسم
4 كوب رز
كوب حمص منقوع قبل ليلة ومسلوق
1 راس توم
بهارات القدرة
(كركم*فلفل اسود*قرفة*بهار حلو*كسبرة ناشفة*زنجيل ناعم*مسمار)
2 راس بصل مفروم ناعم

الطريقة :
نقطع الدجاج ونسلقه مع البهارات كالمعتاد
ننقع الرز
وبعدين بنصفيه
بنحط الزيت ع النار مع البصل ونقلب وبنضيف البهارات مع الثوم

وبعدين بنضيف الرز
وبنقلب حتى يتشرب الرز طعم البهارات

بنضيف الحمص المسلوق ونقلب

وبعدين بنضيف مرق الدجاج وغلوة واحدة على نار متوسطة

وننقل الطنجرة لفرن حامي ونخفف النار قدر الامكان
ونتركها في الفرن من نص ساعة لثلاث ارباع الساعة
وفي هالوقت بنكون تبلنا الدجاج بالزيت والليمون واللبن مع بهارات القدرة
بس نطلع الطنجرة بنعلي النار ونحمر الدجاج

ونسكب ونزين بالمكسرات ودوائر الليمون والخيار
وانت ورغبتك

يقدم مع اللبن والسلطة والدقة اكيد

وبالعافية

ما شاء الله تبارك الله
رووووووووووووووووعه
تسلم ايدك

الله يسلم هالايدين يا رب
ولا احلى من هيك
شهيتيني ع القدرة يا عسولة
قايمة اعملها \والله ولادي بيحبوها كتير
وابو العيال كمان
الله يرحم ايام زمان لما كانت ستي تعملها في القدرة الفخار
البوم تطورنا
مشكورة يا حبيبتي
ام محمد

يسلموا يا نغومة

ما شاء الله

تسلم ايدك ياارب

ما شاء الله تبارك الله
تسلم ايدك ياارب

يسلمو ايديك غاليتي نغومة...قدرة بتشهي

ام امل الاثرية
ما شاء الله تبارك الله
رووووووووووووووووعه
تسلم ايدك

العفو وشكرا ع مرورك

ام بنات
الله يسلم هالايدين يا رب
ولا احلى من هيك
شهيتيني ع القدرة يا عسولة
قايمة اعملها \والله ولادي بيحبوها كتير
وابو العيال كمان
الله يرحم ايام زمان لما كانت ستي تعملها في القدرة الفخار
البوم تطورنا
مشكورة يا حبيبتي
ام محمد


العفو وفعلا قدرة الفخارة اطيب بكتيرررررررررررررررررررررررررررر

وعود الخير
يسلموا يا نغومة

العفو يا عسل