السلام عليكم ورحمه الله وبركاته
حبيت اشاركم طريقتي بطبخ الدولمه لان عدنا بلعراق عده طرق لطبخها يلا نبدي......
المقادير
(الحشو)
4كوب تمن(رز)
نص كيلو لحم غنم+قطعه صغيره من الشحم(ليه)
بصله مفرومه
5فصوص ثوم مفروم ناعم
2معلقه اكل معجون طماطه
1معلقه كوب فلفل اسود+1معلقه كوب سبع بهار
معلقه اكل ملح+معلقه اكل حامض الليمون
نص كوب زيت
الخضار الي راح نحشي بيها هي:::
1كيلو بصل
ورق عنب
شجر(كوسى)
بدنجان
طماطه
والي يحب يضيف اي نوع اخر يصير
الطريقه::
اول شي نخلط جميع مقادير الحشو ونتركه على جنب
نبدي هسه بحفر البدنجان والكوسى والطماطم والبصل فيوجد 3طرق اول طريقه ضربه بلارض لينفتح والثانيه حفر القليل من الراس وتفكيكه والطريقتين حاولت اسويهم وماكدرت لذلك لجأت الى الطريقه الثالثه وهي اضع طنجره ماء على النار واضع القليل من الملح واتركه لحين الغليان وابدء بتقشير البصل واقص نص البصله من جهه وحده واتركهم ولما يغلي الماء اطفيه واضع البصل بلماء المغلي واتركه 3دقايق واخرجه من الماء وابدء بتفكيكه ....طريقه سهله جدا ومتتكسر البصله ابد من اتفككيهه
بديت بلف الورق عنب و وراها الكوسى والبدنجان والطماطم واخر شي البصل
واخلي صحن فوق الدولمه واضغط عليها حتى ماتتحرك ونخليها على نار عاليه ونضيف ماي ونضغط على الصحن حتى نشوف مستوى الماي لما يوصل الماي لنصف الصحن مستواه
نغطي الطنجره ونتركها لحين ماتبدا تغلي وينشف الماي نضعها على نار هادئه ونتركها لحين ماتستوي ونطفيها
نقلبها في صينيه كبيره والف عافيه لكل الاخوات
الروابط المفضلة