السلام عليكم ورحمة الله ةوبركاته
انا عملت انهاردة تورلي اللي هو خضار مشكل المشكلة ان الملح زاد جدا
لا وانا بشطارتي عملت كمية كبيرة ليومين وطبعا كله حاق
مش عارفة اعمل فية اية
وضعت له بطاطس واحدة متوسطة الحجم بس ما في فاية
لسة حادق
انصحوني اعمل اية
وجزاكم الله خيرا

S

عزيزتى أنا بعرف هى المعلومه
قشري حبتين بطاطا زياده وقصيهم من الوسط وحطيهم
وإن شاء الله بيتحسن الطعم

إذا كان الطعام مالح وهو مازال على النار فيمكنك تقشير بصله أو بطاطسه وتقطيعها مكعبات كبيره وغرسها في القدر وعند التقديم تزال فهما يمتصان الملح الزائد .

بارك الله بالغالية لونلي ما قصرت بالرد
جربيها غاليتي وهي الطريقة المتبعة
ان شاء الله تقلل الملوحة

بصى حبيبتى لو عملتى كل اللى قوله الأخوات ولسه الاكل مالح مفيش للاسف الا حل واحد
انقاذ مايمكن انقاذه بدل ماترمى بقى كل الاكل ده هاتى مصفاه ضيقه وادلقى فيها التورلى كله ليتخلص من كل الصلصه اللى فيه حلو ياقمر اشطفى الخضار بمايه بارده جاريه وبدون متقلبيه عشان ميتهريش وبعدها على جنب ياقمر اعصرى شويه طماطم وصفيهم على النار ولما تبقى صلصه خفيفه ادلقيها على الخضار فى صنيه طبعا وسخنيهم مع بعض وكده بقى تورلى تانى وطبعا مش هتضيفى ملح خالص المره دى ولا فتفوته ممكن بس تضيفى للصلصه معلقه بهار بس وكده ان شاء الله مش هتلاقى ملوحه نهائى بامر الله وكده بدل مانرمى الاكل كله وحرام بس اتخلصنا من الصلصه صدقينى عن تجربه وابقى طمنينى ياقمر