ارجو من الاخوات ان يتكرمن و يكتبن لي وصفة للدجاج بحال ديال العرسات لدي ضيوف غدا على الغداء ارجوكن اغيتوني

أطلعي عزيزتي على هذا الرابط بأذن الله ستجدين طلبكِ وكذلك الأخوات مايقصرن سيساعدنكِ بأذن الله


http://www.lakii.com/vb/showthread.php?t=388196

بحال ديال العرسات
انه لغز كلام غريب
كلى شوق اعرف شو هذه الاكله

السلام عليكم ورحمة الله وبركاته

اهلا الزين هذي المقادير ديال الدجاج بحال ديال العرسات(الولائم) واللي داقو تيعجبوا

المقادير

2 دجاجة حجم متوسط 1 كلغ او نصف او 2 كيلو

حامض مرقد + حامض خضر

زيتون بدون عظم مقطع طرنش

كاس ويت مائدة مخلط مع كاس زيت زيتون

شوي سمن+ شوي زبدة

زعفران شعرة +حرقوم+حرقوم د العبار+الثوم

ملح+ابزار+سكنجبير+كمون

نصف كيلو د البصل او 2 حبات كبار مبشورين اولا مقطعين صغير(باش اخترو لاصوص)

قزبر معدنوس+اختياري قبصة د القرفة تعطي نسمة والريحة زوينة ويمكن لك تستغني عنها)

الطريقة

خذي الدجاج ديالك خرجي منو الكبدة والقناص وقطعي العنق وحطيه

شوطيه فوق الفران على خفيف وحيدو من الشعر الى بقى فيه

وحكيه بالملح والحامض الاخضر ودعكيه مزيان بيه من بعد غسليه مزيان

حتى تخلصي من كامل الحامض والملحة وحطيه ف الشبكة وجيبي شي اناء غارق وخذي

القزبر ومعدنوس قطعيهوم والثوم حكيها وقطعي شوية ديال حامض مصير

وحكي عليهم بصلة صغيرة وخذي دجاج دعكيع مزيان بهاد الشرمولة من داخل وبرا

ومن تحت الجلدة وحطيه ف نفس الاناء وبيتيه حتى الغد ليه بش اترقد مزيان

الغد ليه خذي الطنجرة ديالك وكبي فيها كاس الزيت المخلط وشوية سمن والقناص والكبدة

اللي تكوني قطعتيهم من قبل وضيفي شوية قرفة الى حبيتي

وقزبر ومعدنوس مقطعين وثوم محكوك وباقي الاقوام ما تكثري الملح حيت الحامض مصير

فيه وحطي الدجاج ديالك اتقلي شوية مع القوام من بعد ضيفي البصلة محكوكة او مقطعة

صغيرة وقلبي والعافية تكون مويان ماتزيديش ليها بزاف او تنقصي بزاف متوسط

وخلي داك البصل ادبل شوي واطلق الماء ديالو حركي كلشي واضيفي الماء حتي تقريبا غطا

غطا الدجاج وخلي كلشي اطيب على راحتو بعافية متوسطة حتى تفوت مدة دخلي السكين

ف صدر الدجاج الى فات بسهولة راح طاب الى لا راح باقي خليه اطيب من بعد ماطاب

هزي دجاج حطيه ف طينيه مدهونة بالزبدة اللي ادخل الفران ودهني مزيان بالزبدة

ودخليه اتحمر وجلسي حدا الفران عينيك عليك لا يتحرق ههههههه كلا شوية طلي

وقلبي حتى تحمر كلها كيف بغيتيها تكون اوا صيري للطنجرة وضيفي عليها الزيتون المقطع

طرنش والحامض المصير المقطع صغير وما تكثري منو وخليي المرق اتشرب ويختر

على نار مويان وقدميه بالصحة والراحة مع سلاطة الخضار المشكلة اولا اللي حبيتي

المهم ما ديري الدجاج اتحمر حتى تبغي تقدميه بش اكون سخون ولذيذ وما ينشف

ايوا هذي الوصفة ديالي ان شاء الله تجربيها وتعجبك وتردي عليا الخبار

شكرا شكرا اخواتي نصائحكن افادتني كثيرا

طبق مغربي يحضر بالغالب بالليمون المخلل والزيتون


ونحتاج الى طهيه لاوانى النحاس الثقيلة ويطهى على الفحم للحصول على نتيجة ممتازة
























بعطيكم مقادير دجاجة واحدة واتمنى تجربونها
1 دجاجة (حوالي 2/1 1 إلى 2 كيلو)
2 بصل متوسطة مقطع قطعاً صغيرة
4 فص ثوم مفروم
2/1 كوب كزبرة خضراء مفرومة
2/1 كوب بقدونس مفروم
2/1 ملعقة صغيرة جنزبيل طازج مطحون
2/1 ملعقة صغيرة كركم
ملح وفلفل
2 ملعقة كبيرة زيت زيتون
1 كوب ماء أو مرق دجاج
2 ليمون مخلل
2/1 كوب زيتون
الطريقة
- يُغسل الدجاج بقليل من الملح جيداً ثم يشطف ويجفف.
- يُخلط البصل والثوم والتوابل والبقدونس والكزبرة والملح والفلفل مع الدعك باليد جيداً ليتجانس الخليط.
- يُسخن الزيت في وعاء على نار متوسطة.
- يُدعك الدجاج بنصف خلطة البصل، ثم يحمر ويقلَّب باحتراس حتى يصبح ذهبي اللون.
- يُضاف الماء أو المرق ويترك ليغلي، ثم يغطى الوعاء ويترك على نار هادئة لمدة ساعة.
- تُقطع واحدة من الليمون المخلل إلى قطع صغيرة، وتُضاف مع المتبقي من خليط البصل والثوم ويضاف الخليط إلى الدجاج.