.....السلام عليكم


أنهارده جايبالكم طريقه الفراخ البانيه من مطبخي ..طعمها جميل جدااااا يارب تعجبكم وتجربوها....
...المقادير:
-نص كيلو شرائح صدور
-ميه بصي
-فلفل-كمون-بابركيا-رشه جنزبيل "لو بتحبي بهارات تانيه ضيفيها بس أنا بحب بهاراتها خفيفه"
-معلقه ص ملح
-كيس فجيتار عادي أو حار
-بقسماط
-بيض
الطريقه:
-البقسماط أولا بحضرها بإني بحمص شرايح الكيزر في الفرن وبطحنها علي الخشن أو بدقها وبنخلها بمصفاه واسعه وبضيف عليها كيس فجيتار واحد
-بتبل الفراخ بالتوابل وميه البصل وأسيبها تتتشرب التتبيله
-بضرب البيض وأحط فيه الفراخ وبعدين أحطها في البقسماط"مش بحب أحطها فدقيق الأول"
-بضغط عليها كويس وأرصها في طبق وع الفريزر أو التلاجه لحد ما تمسك البقسماط فيها
-بقليها في زيت سخن وبعدين بهدي النار علشان تستوي وأنشلها علي ورق يشرب الزيت.
























لو عجبكم الموضوع إدعولي ربنا يرزقني بالذريه الصالحه وييسرلي أموري وجزاكم الله كل خير .....

ما شاء الله روعة حبيبتي
تسلم ايدك يارب
الله يرزقك الذرية الصالحة عاجل غير اجل يارب العالمين انتي وجميع المحرومين

ياقمر يعنى مش تقوليلى اى حاجه عشان الحق اخد الطبق
طيب انا لسه بعتالك جوزين سمان بقى ابعتيلى طبق من الاطباق دى

بسم الله ماشاءالله تسلم الايادى
ربنا يرزقك بذرية الصالحة

ربنا يرزقك بالذرية الصالحة حبيبتى
ماشاء الله تسلم الايادى

تسلم ايدك ياستيل هير بجد كل حاجة من ايدكي حلوة ومختلفة ماشاء الله عليك
ربنا يرزقك بالذرية الصالحة يارب اللي تسعد قلبك يارب العالمين يالله
لك مني كل المحبة والمودة

ما شاء الله روعة
تسلم ايدك يارب
الله يرزقك الذرية الصالحة عاجل غير اجل يارب العالمين انتي وجميع المحرومين

حبيبتى يا ستيل اى حاجه تجنن من ايدكك
البانيه شنيع منيع فظيع هههههههه مش الجمله دى بتعجبك وبتضحكك؟؟؟؟؟
يارب يعوضك خير حبيبتى ويرزقك بالذريه الصالحه
اللهم امين

ربنا يرزقك الذريه الصالحه وييسر امرنا وامرك وكل المسلمين ان شاء الله

تسلم الايادى