اخواتى الاعزاء غبت عنكن مده ليست بالقصيره الحمد لله على كل حال
واعود الان بموضوعى هذا اتمنى ان ينال اعجابكم
كل عام وجميعكم بالف خيرومتعكم الله دائما باحبابكم وبصحتكم وانعم عليكن بنعمه الستر
بسم الله ماشاء الله
ثانى يوم العيد ذهبت فى نزهه للشواء مع اسرتى الصغيره
قبلها بليله قمت بتتبيل المشويات
كما فى الصوره لحم مفروم وريش ولحم مقطع قطع صغيره وكلها من اللحم الضانى
اول شىء بدات بالكفته
بشرت بصل وعصرته كويس جدا بعد البشر لأتخلص من المايه لكن المايه دى مش تترمى دى طبعا هنتبل بيها الريش واللحم
دى كده الكفته مع تفل البصل وثوم مفروم والبهارت وكانت جنزبيل جاف وبهار مشكل وبابريكيا وبردقوش وملح وفلفل بعدها تذكرت ان اضع قطعه من الدهن بتكون برضوا مفرومه
طبعا خلطت بيدى المواد كلها مع بعض ووضعتها فى الثلاجه
واتجهت للريش واللحمه
وضعت عليهم مايه البصل بل وبشرت بصل اكثر واعصرته واخذت المايه المستخلصه منه وتفل البصل لم اتخلص منه وضعته فى اكياس فى الفريزر لاى كفته ممكن يستعمل بعد كده
وضفت ثوم مفروم بس مفروم جدا جدا جدا
واضفت البهارت وكانت جنزبيل جاف بهار مشكل لومى جاف بودره مش كتير لانه بيدى مزازه للمشويات لو زادت هيبقى الطعم وحش
وبردقوش
وكزبره جافه وملح وفلفل اسود
وهنا بعد ما قلبت اللحمه فى التتبيله كويس
ووضعتهم فى الثلاجه لتانى يوم
تانى يوم حضرت اغراض النزهه عملت الطحينه التى لا تخلو منها المشويات
والطحينه طبعا بتكون طحينه وشويه مايه دافيه وثوم وملح وسنه بهار ولمون وخل
كلها بدون مقادير محدده انا بقعد اعمل زى دكاتره الصيدله فى المعمل هههههه احط ده وازود من ده وادوق فى كل مره لحد الطعم يتظبط
وحضرت الترمس بالحمص المتبل باللمون والكمون
وحضرت باقى الاغراض من شاى وحلويات ولب ومكسرات الحجات دى طبعا بتسعد الاطفال كتير لكن احنا الكبار لالالا بنترفع عن الحجات دى هههههههه
ادى كل الاغراض جهزت الطبق الكبير ده فيه فرشه بقدونس للمشويات
وتوكلنا على الله ولا حول ولا قوه الا بالله
اتجهنا للواجهه البحريه فى الدمام كما يسمونها
او كورنيش الدمام
وده المكان اللى اخترنا نقعد فيه
اللى هناك دى جزيره اسمها جزيره المرجان
نبدا بقى الشواء
الكفته بقى على مالحقت اصورها كانت الدنيا ضلمت وحاولت اشغل الفلاش لكنى فشلت
الصور الاخيره لطبق المشويات اضطريت اصورها بالموبيل
اتمنى يكون طبق الشوى عجبكم وبامانه كان طعمه حلو جدا جدا
اعاد الله علينا وعلى الامه الاسلاميه بكل خير
الروابط المفضلة