السلام عليكم ورحمة الله وبركاته
ساويت اليوم طبق معكرمنة بالباشميل وطلعت روووعة حبيت تجربوهاااا
المقادير:
باكيت معكرونة منسلقها ومنصفيها
مقادير اللحمة:
- لحمة ناعمة حسب الرغبة
- حبة بصل كبيرة مفرومة ناعم
- فصين ثوم
- حبتين بندورة مفرمة ناعمة
- ملعقة رب البتدورة
- ملح +بهار +فلفل أبيض أو أسود(صراحة أإنا حطيت بهار مشكل نت كل شي عندي رشة)
مقادير الباشميل:
- أربع كاسات حليب(ليتر) أو إذا مافي حليب سائل ممكن نستبدله بحليب ناشف مذوب مع أربع كاسات ماء
- سبع ملاعق طحين
- ملعقة زبدة أو ربع قالب
- ظرفين بودرة ماجي
- فلفل أبيض
- ملح
طريقة التحضير:
منبدأ باللحمة مندوب السمنة ومنحمس اللحمة بعدها منضيف البصل ونصف كمية الثوم بعد ما يدبلو منضيف البندورة ورب البندورة مع البهار والملحمنخليها حتى تدبل شوي منضيف كمية الثوم الباقية ومنحرك هلأ اللحمة صارت جاهزة
إجا دور الباشميل مندوب الطحين مع الحليب عالبارد عالخلاط أو بمعلقة السلك حتى يدوب عالأخر ومايكون فيه كتل بعدها تضعه عالنار مع التحريك المسنمر تضيف البهار والملح وبودرة ماجي ووقت بيدفى منضيف الزبدة مع التحريك المستمرحتى يسمك هيك بكون الباشميل جاهز
هلأ منكون سالقين المعكرونة ومصفينها نضعها بالجاط ونسكب عليها نصف كمية الباشميل وإذا بتحبو ممكن تضيفو شوية جبنةمع المعكرونة وبعدين منجيب صينية أو صحن حراري مندهنو بزيت مازولا ومنحط نصف كمية المعكرونة كطبقةسفلية وبعدها منفرد اللحمة فوقها كمان كطبقة وبعدها منرجع منحط النص التاني من المعكرونة طبعا نحنا عم نفردها بإيدنا وعم نكبسها لنحصل ع طبقات متماسكة بعدهيك منسكب النص التاني من الباشميل منوزعة ع كل الصينية
بعدها منوزع جبنة مبشورة عالوجه وإذا منحب فينا نرش حبة سودة متل ماساويت أنا
بهالوقت منكون مشغلين الفرن من تحت منحط الصينية جوا الفرن ومنصبر عليها حتى يحمرو طرافها منشغل الفرن من فوق حتى يحمر (منلاحظ إنو عم تغلي السوائل يلي جواتها فلا تخافو شي عادي)
بعدين منطلعها من الفرن ومنخليها تبرد شوي مشان تمسك ع بعضها ومنزينها بالبندورة والبقدونس
ومنقسمها لقطع وصحبين ومية هنا
وهي الصور تفضلووو:
مع تحياتي لكم جميعاً وان شاء الله مطرح ما يسري يمري
الروابط المفضلة