هلا ايار
كيفك يا عسل
انت من ريحة الحبايب
علشان هيك لما شفت استفسارك حبيت ارد عليك
بدك لون الدجاج يكون جميل عند شويه بعد السلق
اهم شي الدجاجة تحافظ على شكلها بعد السلق
حاولي الدجاجة تضل متماسكة ومجرد ما تغلي المرق هدي النار على الآخر لحد ما تنضج وارفعيها من المرق على طول وتكون مملحاها و مطيبة المرق ببهاراتك المتعودة عليها وانا عادة باضيف ورق غار وحبتين مستكة وحبتين قرنفل و عود قرفة ورشة هيل او حبات منه ورشة صغيرة فلفل اسود
بالنسبة للون حبيبتي
جيبي قطعة سمنة نباتية تكون سايحة شوي واذا كانت الدجاجة ساخنة هي حتسيح تلقائي و امسحي كامل الدجاجة فيها وممكن تحطي عصير ليمونة قبل السمن حيعطيها طعم ولون جميل كمان بتدهنيها بفرشة ناعمة او بيدك
وا اذا بتحبي الاكل صحي ممكن زيت نباتي كمان بدل السمنة
هادي الطريقة للدجاج المحشي مع الفتة والرز اكثر شي باستعملها
واذا بدك لون جميل ومنكه ممكن تعملي هالخلطة البسيطة مع بعض
عصير ليمونة مع ملعقة صلصة طماطم مع رشة كركم و شوية زيت نباتي ورشة بهار مشكل خفيفة واخلطيهم مع بعض منيح حتى يصيروا متل الصوص ومتجانسين وادهني الدجاجة منيح ودخليها الفرن الساخن و قلبي الدجاجة من جميع النواحي علشان تحمر منيح
هاي الطرق الي باتبعها
وكل واحدة منهم بتعطيك نكهة و الي بتلاقيها بتعطيك نتيجة منيحة جربيها
وطمنينا يا قمر
الروابط المفضلة